مشاعر خارج دائرة الصمت

البارت ٤٤

مشاعر خارج دائره الصمت

البارت  44

رغد:كمت لبست واجيت فتحلي اديه بتعب ونمت بحضنة واني احاول اطرد ذكرياتي السودة وياه واعيش بهاللحضات الحلوة الجاي يعوضني بيهة بكل جهدة نمت من التعب والتفكير فزيت على ايدة تتلمس ببطني بهدوء فتحت عيوني تعبانة احس كلش انتبهلي

ايسر:مساء الخيرر ياحلووو

رغد:رديت بابتسامة مساء النور شوكت كعدت

ايسر:قبل شوية وانتبهت لدفرات حمودي ببطنج كايم يتحرك

رغد:اي غير دخلت الخامس

ايسر:رحتي للدكتورة موو

رغد:امم بس ممبين دار وجهي عليه
ايسر:ولد او بنية اهم شي انتي امة وتكوميلي بسلامة رغد متدرين شنو صرتي بالنسبة الي سكتت اباوع لعيونهة وجهة شفايفهة كوة لازم روحي عليهة مااريد اغصبهة ،وكومي من يمي ترة اشتعل شيب الخلفوني من وراج انتي ورجليج المطلعتهن علينة

رغد:وين لابسة دشداشة طويلة والله

ايسر:اي مو هاي دشداشتج الطويلة لكيتهة واصلة للللل دكومي شوكومي حبابة لمصلحتج

رغد:ضحكت وطفرت بدلت وغسلت ونزلت باوعت العصرية كلش وريام والحجية والبنات كاعدين بالمرجوحة وجاي وكعك وكرزات كتلهم مساء الخير ردوا
ملاك:خالة انريد نرجع كعد بابا

رغد:ليش حبيبتي بعد وكت ضلن يمي نسوي عشا بيتزا ونلعب ونمشط

قمر:اني لوح ماما اوااه توجع

رغد:ريام خاف عندهة علاج لازم تاخذة

ريام:والله ماادري كلشي توقعي من الي ابالي وبالج تسوي حنى تحمل ايسر الذنب
رغد:اروح اشوفة يوديهة خطية دخلت ولاكاني سابح ونازل ابتسملي كتلة مساء الخير😊اسويلك جاي

ايسر:والله ياريت مسطور

رغد:عادي من تكمل تودي البنات لامهن خزرني وكال ليش كتلة مو قمر داتتأذة وعلاج ماكو ممخليتلهة امهة

ايسر:ماشي ماشي هسة اشرب جاي وواديهن

رغد:ترة اني احبهن للبنات ومستحيل اضوج منهن واحرمهن منك

ايسر:ادري بيج بس اني اعصابي تلفانة من المشاكل اعذريني حبيبتي

رغد:اول مرة يكلي هالكلمة احس كلبي رجف من سمعتهة ابتسمت لاارادي ورحت للمطبخ اخفي ابتسامتي الي جنهة ابتسامة واحد خبل ههههه شرب جاية ولعبهن شوية واخذهن للمغرب اجة زوج ريام وراحت فرغ البيت وصار هدوء رحت للحجية بست راسهة وكتلهة اعذريني ماما خاف عليت صوتي وانتي كاعدة بس استفزتني

ام ايسر:ما ابالي اصلا بنتي بس مرة الثانية لا تجادليهة لو صارت عيب يطلع صوتج خلي الحق الج بهدوئج وعقلج الله يكملج بعقلج بنتي

رغد:كمت رتبت البيت ونضفتة جنت داامسح ورافعة الدشداشة واسمع ايسر يصوفررر

ايسر:عمي لا تطغين مطلعة سيقانج علينة وممنوع اللمس شسوي بروحي 😉

رغد:نزلتهن وسويت روحي ملتهية اغسل بوصلة المسح وحسيت انفاسة تضرب برقبتي من ورة وهمس احبج اتجمدت اريد انطي اي رد فعل ماكو تالي نقذني صوت الحجية صاحت يمة رغد ابتعدت منة وهو يضحك ويكول حضي واعرفة الا بشلعان الكلب يلا تصير الشغلة غسلت ادية ورحت كالت انطيني علاجي انطيتهة العلاج وهي صلت تدعي الله يوفقني ويريحني مجرد متسمع هيج واحد يدعيلك المغرب بدعاء يطلب الله يوفقك ترتاح نفسيتك وتنشرح طلعت منهة وايسر صاحني من الدرج كالي تعالي شوفي شجبتلج كمزت وراه وهو يصيح بطنج خبلة
ايسر:ما شفت شي عجبني اذا متخيلتة عليهة واشتريتة ملابس بيت تراكات سيتات نوم احذية وجنطة وحذاء وشال كلهن طقم نفس النقشة عجبني ووياهن قميص مال حوامل احس من اشتريلهة حالهة حال قمورة ولوكة واتخيل فرحتهة مثلهن بالضبط وصدك من شافتهن عبالك فرحة طفلة ارتاح من احس دااعوضهة عن العيشتة الهة قبل بس المشكلة بقة الحاجز الماناوي ينكسر كلمااتقربلهة تنفر مني وتبجي مع انه ابد ما ضغطت عليهة وكلما اشوفهة تنفر ابد مااحسسهة بانزعاج بالعكس جنت اخذهة لحضني واضل اهدء بيهة حتى عرضت عليهة نروح لدكتورة نفسية وانجنت بالزايد كالتلي اني مو مجنونة كتلهة ادري حبيبتي بس كل انسان يمر بازمات نفسية ومثلما نعالج الجسد من يمرض نعالج النفس والعقل وردت علية برد خلاني انفر منهة كالتلي انتة اهم شي حاجتك حتى لو على حسابي جاي تحسسني اني حيوانة ضجت كلش بوقتهة وزعلت منهة يعني شكد ما حاولت وياهة وداريت مو بعينهة الظاهر اني دللت زايد ثاني يوم قطعت اجازتي وداومت وبلشت بجلسات المحكمة لان سهى بعد الصار رفضت نهائي تشوفني البنات يعني بين قوسين كلهن التمن بس الهونهة علية اجت ترقيتي وترقيت لرائد ورغد الي اتصورت راح تفرحلي اكثر الناس باركتلي ببرود وصعدت فوك احسهة صارت جسد خاوي مابيهة اي حيوية شكد ماحاولت اقربهة جانت تبتعد صرت من ابتعد احسهة ترتاح وبرودهة يزيد معقولة لهدرجة قربي زاعجهة فانسحبت منهة بهدوء خليهة تعرفني لو قلبت شنو اصير كمت اطلع من الصبح ماارجع الا تالي الليل لو نامت هية اتأمل وجهة وابوسهة وانام على ريحتهة الي تملة ريتي ورة ترقيتنة بكم يوم انطونة مهمة بقاطع كلش خطر ما كلت لاحد ما ردتهم يقلقون بس ايهم يعرف رحنة وجانت ايام سوود الشفناهة تحس تشتم ريحة الموت بالهوة وين متطلع لغم وبيت مفخخ وسيارة مفخخة حتى اطفال فخخوا ودزوا علينة الارهابيين الكلاب بس بتوفيق الله كمنة نصفي بالمنطقة شوية شوية وكل هذا ورغد تخابرني هي الزعلانة وكوة اجر الكلمة منهة وبيوم بالليل جنت كاعد ضايج فتحت اللابتوب اشتاقيت الصدك لبناتي طلعت صورهن و صرت افكر لو متت منو الهن باوعت هذا حساب رغد مال الماسنجر يمي باقي من سالفة ابن اخت سهى الكلب ردت امسحة جان يجي اشعار من ريام مكتووب( شتردين رغد يعني تتطلكين)..
رغد:شكد حاول وياية واني حاولت وية نفسي ماكدرت اتعقدت من هالشي بسببة جنت طول النهار اقوي بنفسي واحاول اجمع تفاصيل تصرفاتة اللطيفة وياية ابتسامة كلمة حب لو حتى من يكولي جبيبتي هالشي من اجمعة بذاكرتي قلبي يدك حيل ويكلي اي اي صرت احبة اتحضر وابدل وامكيج واتعطر واخر شي مااتقبلة تعبت نفسيتي بالزايد وانوب ردة فعلة جانت توترني بالزايد يمكن لو يعصب احسن بس من يعاملني هيج احس بذنب تجاهة واني بالحقيقة مابيدي شي بعدني مجلبة بية عقدة الاغتصاب حاول بكل الطرق اخر شي لح اروح دكتورة نفسية اني منهارة منا وهو يلح حسسني اني بية شي لحدما فقدت اعصابي وحجيت حجي جبير وعيطت وبجيت ما نطقت بحرف بس باوعلي بنضرة خلتني اكره روحي سحب نفسة ونام خلاني كاعدة للصبح ابجي مانمت الا وجه الفجر كعدت على فتحة الكنتور شفتة طلع البدلة وبدل😢مو عندة اجازة ليش يبدل ضليت اباوعلة بدون ميحس بدل بعصبية وطلع عرفتة زعلان يجووز حقة بس اني موبيدي والله موبيدي انتظرتة عالغدة مااجة اتصلت عليه مغلق عفتة كلت يهدء يلا احاجي انتظرت يوم يومين على اعصابي وهو كلمة مينطق ورة يومين بالليل كاعدة واحس فجأءة الم ببطني صار بحيث كعدت بالكاع من كدما تأذيت الحجية نايمة وهو اتصل عليه مغلق هسة شلون بية وين اروح بهالليل صرت ابجي بخبال منا هو وزعلة ومنا اني ووجعي وجهازة المغلق هسة ليش يغلقة شربت علاج انطتة الية الدكتوورة واحس سكن الوجع شوية اخر شي شفت الساعة بالوحدة وهو ماكو يعني اكو رجال متزوج طالع من الصبح لهسة حتى مايجي يتغدة اكيد شافلة مرة ثانية تلبي احتياجاتة اكيد ديخووني هالفكرة جننتني بالزايد خلتني اتخيل ببالي شدايسويلهة هسة شلون يلزمهة شلون يذوب وياهة ومخليني اني هنا انجن بجيت لل١ونص تعبت ونمت ماكعدت الا على طبكة الباب مال الغرفة طالع للدوام ياالهي راح اتخبل شنو برودة هذا لليل اتحضرت وبدلت كلت اصالحة واحااول حتى لو اضغط على نفسي واكمل وياه لان اني التعبت اتصلت بي رد ومبين نايم انجنيت وين نايم وين رايح كتلة بعصبية ما تجي للبيت رد بتعب محتاجة شي كتلة سلامتك الظاهر مرتاح انتة وين ما نايم هسة ضحك وكال تدرين وين نايم كتلة مااريد اعرف تصبح على خيرر وكعدت املخ بروحي مااعرف شنو اريد لا بعدة مريحني ولا قربة دااتعذب اني بجحيم عايشة اترقة بهالايام فرحتلة من كل قلبي بس مابينت لان ضايجة من بعدة اريدة يرجعلي بس مااعرف شلون هو كبرياء وميتنازل واني ما اريد اتنازل لان تعبت واني اقدم تنازلات اصلا وضعي كلة بسبب عقدة هو زرعهة بداخلي لسبب يعرفة غلط صرت اكضي يومي كلة بجي والحجية تسألني اكللهة تعب الحمل لحدما بالليل اجة بيومهة من وقت باوعتلة دخل الغرفة كال السلام عليكم ذبيت موبايلي من ايدي وعدلت كعدتي رديت عليه بصوت ناصي اباوعلة يحضر ملابسة يفوت يسبح كتلة جاهز الحمام ما سمع اخذ غير ملابس وطلع سبح ورجع صررت اغلي من تجاهلة كلت لعد خلي يطبة طوووب سويت روحي نايمة دخل الغرفة وكف قريب السرير اتنهد وراح طلع جنطة صغيرة وصار يخلي بيهة ملابس اباوعلة ومااكدر احجي اكلة شداتسوي خلاهة برة بعد ماخلة بيهة اغراضة ورجع طفة الضوة وغطاني وطلع اني شبية اتخبلت شأريد اريدة..

الكاتبة ايه.... يتبع