الحلقة_69:
ديمارا احمد مع زينب وهي تغلي وهو شابع ضحك عليها..
شافت فيه مغشة
زينب: علاه تضحك واش يضحك فيك !!
احمد: نضحك عليك .
زينب:عندك الحق انا الغالطة لي جاية معاك..بصح هذي آخر مرة نزيد نخرج معاك..
احمد: ايه ..دبري راسك انا قلت تبروفيتي في راجلك الحڨار ونتي محبيتيش..
زينب: متفاهمناش ديري واش درت قبيل !!
احمد: علاه واش درت ؟!
زينب: منعرف شوف نتا واش درت ؟؟
احمد: اممم وعلاه ياك ماشي حرام..نسيتي ؟؟ مزلتي مرتي !!
زينب: نن فالمنام مزلت مرتك..نطلق وعينيك شوف..
احمد من داخل يغلي وراح يطرطق وكون صاب يزيدلها طريحة ..بصح حاب يكسبها بلعقل..
احمد: اممم نتي ديري رايك وانا ندير رايي
زينب مستغربة: واش تقصد دير رايك ؟؟
احمد: منقصد والو..نتي حابة تطلقي اطلقي الله يسهل ..
زينب: جاتك على قلبك.. ..عادي نتوما رجال خداعين ..وعلابالي راك مع كاش وحدة ..وتلعبها زعما شاد فيا بش يلوموني انا ونتا تخرج بريء..
احمد شاف فيها وضحك باستهزاء..
احمد: ايه راني مع كاش وحدة ..ونتي وين المشكل عندك ؟؟ ياك راح تطلقي وتتهناي مني ؟؟
زينب من داخل تغلي بصح محبتش تبين
زينب: بصح احترم العلاقة لي مزالت بيناتنا..ولا غير قتلك نطلقو رحت تجري ليها..؟؟
احمد قلق منها: وشبي ق**** نتي درك ؟؟ قلتي نطلق اطلقي ولا ق**** والله..واش حابة نديرلك ؟؟ درت كامل لي عليا راني جيت ليك شحال من مرة ونتي شادة في كلمة طلاق محبيتيش تنسايها..
زينب غاضتها عمرها بقات تخمم زعما صح راهو مع وحدوخرا وسمح فيها..
زينب عيطت ودموع في عينيها : ايه روح ليها دبر راسك ميهمنيش..
ودارت جيهة الكارو دموعها نازلين محبتش تبينلو بلي راهي تبكي..
بصح هو فاقلها ..حبس..وشاف فيها
احمد: شوفي فيا ..
زينب قاتلو براسها لالا
احمد عيط : شوفي فيا قتلك !!
زينب محبتش دور جيهتو حابة تحبس دموعها مي مقدرتش...حاجة احمد مع وحدوخرا مقدرتش تحملها ..حرقتها حست احمد ماهوش تاعها وداتو مرا خلافها ..
احمد: زينب دوري ...
محبتش شدها من وجها ودورها ليه لقاها تبكي..تنهد ..وجعوه دموعها..
احمد: علاه راكي تبكي ؟؟
زينب: هكاك تسالني ..نبكي نندب متحوسش تفهم..
احمد تبسم : متقوليليش غرتي منها ؟؟
زينب: مين نغير ؟؟ وعلمن نغير؟؟
احمد: غرتي من لي راني معاها ...
زينب : منغيرش ميهمنيش روح لعندمن تحب..
احمد: اهااا ..هههه صحا نتي قلتيلي ..
متقوليليش علاه..
زينب : ايه منقولكش..
احمد: صحا..
وديمارا طريق كامل وهي تغلي من داخل..حتى لحقو..
زينب غايسة حتى فيقها احمد
احمد: وصلنا للدار..
شافت منبعد شافت فيه..
احمد: علابالي غرتي مكلاه تخبي..قولي الصح..
زينب : قتلك مغرتش ..دير واش تحب.
احمد: امممم امنتك..
زينب: ايه امن..
احمد تبسم : ايه..متزيديش املا تعيطلي بالماسكي في نصاف الليالي ..ديرونجيني وانا مع لخرا ..هاكي فاهمة هههه
زينب مخلوعة: انااا؟؟ نعيطلك ماسكي ؟؟ راك تتخايل وحدك ..
احمد: ماشي نتي ؟؟ ممممم امالا معجبة وحدوخرا هذي ..مليح عندي معجبات..
زينب : بفففف
ونزلت خبطت الباب وهو يضحك عليها..
ولاد الحومة
By Nihel-nina
قصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس More