مشاعر خارج دائرة الصمت

البارت ٤٠

مشاعر خارج دائره الصمت

البارت 40

ريام:يااا بطرانة غير تاكلج بسنونهة خل تصير زينة ويجيبهن ايسر الج يوم +

ام ايسر:حنينة عفية عفية ببنيتي
رغد:طلعت هدية ابن ريام ولبستهة الة وخطية ضلوا يتشكرون شوية وكال ايسر يلا نرجع ما قبلوا نطلع هيج وكت بس كللهم والله تعبت من كعدة الصبح صدك طلعنة وبالطريق كال امر اخذ عشا لو ننزل مطعم كلت خطية مبين تعب صدك لان مرتين شرب حباية صداع كتلة لا ناخذ سفري وكف السيارة ونزل يجيب عشا واني ضليت اباوع من الجامة وانتبهت واحد سخيف دياشر عالتليفون درت وجهي منة اشو هذا تقرب اكثر وظل يتلفت ويأشر خفت لا يشوفة ايسر يمة شيصير دنكت وافرك بايدي بتوتر بس الخفت منة صااار رفعت راسي شفت اجة ايسر من ثولي رجعت باوعت للولد اشر هم يمة بس لاشافة باوعت لايسر اجة بهدوء خلة العشا وفتح الجكمجة طلع مسدسة بهدوء خلاه بحزامة وتوجهلة يمة اني هنا متت بدمي لا يكتل الولد ونبتلي هو الحقير من شافة فتح السيارة انسحب وابتعد لان جان مسافة عن مكانة فجأة جرة ايسر من ياختة من ورة وضربة بوكس واستلمة ضرب وهو ضخم وذاك هم مو ناعم رجع لايسر الضربة وشفت خشمة صار يجري دم وذاك خشمة وحلكة لحدما التمت العالم وفاككوهم بس اني شنو متت اريد اتنفس امسح بدموعي الغوشت عيوني٠ خاف يتهور ويضربة طلقة ويروح بيهة ،جابوه رياجيل كبار بالعمر واسمعهم يكلولة عيب يا ابني ميصير ومن هالحجي واني كمت اطكطك صعد للسيارة سحبت كلينس وانطيتة لخشمة اخذة مني بعصبية ديلا ياربي هسة شهالورطة رجع الكشن لورة ينتضر الدم يتوقف سحبت من العلاكة علبة بيبسي باررردة وخليتة على خشمة وخر ايدي ولزمهة هوووة شوية وكطع الدم عدل الكرسي وشغل السيارة بدون مينطق حررف واباوعلة كوة لازم اعصابة وعروق ايدة بارزة كدما قابض قوي عالستيرن خفت اكثر كمت اتخيل بكيفي وعقلي كدما معيشني برعب منة كلت هسة يتهمني عندي شي وياه خليت ايدي على وجهي وكمت ابجي حسيت وكف السيارة باوعتلة وكتلة والله معلية هو واحد ادب سزز وما متربي باوعلي وكال
ايسر:وكفت السيارة بمكان ضلمة باوعتلهة بتعجب منو جاب طاريهة هاي كتلهة انتي منو كايلج عليج بي واحد طايح حظ واتأدب انتي شعليج شجابج بالنص

رغد:حجيت واني اشهك يعني ماعبالك اني انطيتة مجال

ايسر:لا يا خبلة وهو لو شاك منطيتة مجال جان خليتج لهسة عايشة

رغد:لا والله معلية ورجعت ابجي

.ايسر:كافي بدون متحلفين رغد والله صرت حافظج اكثر من نفسي كتلج رغد اني مو نفسة ذاك القديم وسحبتهة لحضني وبست راسهة وكتلهة كافي يلا ترة تعبان والله
رغد:حسيت امان بحضنة لاول مرة وثقة وسند ما تهور سمعني وعرف قصدي والحمدلله عرفني من الاساس شنو اني سحبت نفسي مسحت دموعي وكتلة ياذيك خشمك ابتسم وكالي تخافين علية يهمج اذا متأذي او لا🙂

رغد:يلا نرجع تعبت انتة اليوم

ايسر:ههههههه ضلي اتهربي مااشي نرجع رجعنة للبيت واني محضرلهة مفاجأءة حلوة اتوقع تعجبهة.......
رغد:وصلنة للبيت وبداخلي شي مرتاح من ناحية ايسر دخل هو حط العلاليك عالكاونتر ودخل غسل وجهة وراح يبدل اني هم بدلت ومشطت شعري وسويتة ذيل لان تعب من الحجاب والقراصة من الظهر ملفوف وطلعت حضرت العشا كعدت عالميز وانتضرة يجي ماكو جعت كلش كمت اصيحة واسمعة يحجي بالموبايل +
ايسر:كتلج مااكدر اجي هسة لاتلحين تعبان كلش

رغد:مااعرف ليش فاارت اعصابي دكيت الباب بعصبية واسمعة كال يلا مع السلامة رحت عالميز متوترة اعصابي طلع الاستاذ مصادق وحدة ممشية امورة مااتخيلتة يدور هالدروب حتى مااحترم وجودي صرت اغلي قهر منة متواعد يروحلهة بالليل حقيررر طلع من الغرفة وكعد عالميز كال اتأخرت اسف جنت اخابر اااه انووب يعترف اكول سهى ماضلت وياه من سوالفة العوووج مرة يشرب مرة يصادق اكلت كوة تنبلع اللكمة احس سم وينزل لمعدتي منا قهرة هذاك الحقير اليأشرلي وهبطتي ومنا قهر هذا المكابلني ياكل ببرود شكد كرهتك 😡 كمت اخذت علبة سفن احس معدتي صارت تفور فتحتهة واسمع صوتة

ايسر:يابة شجاج عالمشروبات الغازية مو زين على الطفل داري صحتج وصحتة

رغد:مااهتميت لكلامة شربت نصهة ومعدتي صارت تغلي اجة شايل مواعينة خلاهن عالكاونتر ومشة غسل وكالي بلازحمة جاي طبعا هاي طقوسة بعد كل وجبة جاي خليت المي عالنار وجاي اعزل المواعين صارت ريحة الاكل بخشمي لعبت نفسي كلش ومنا معدتي طلعت ركض للحمام واستفرغت احس انسحبت روحي من كدما اتقيأت اجة وراية للحمام كتلة اشرتلة روووح ماسمع اتقدم ناحيتي وكف وراية لم شعري بايديه وصار يفركلي بضهري غسلت اخذ المنشفة ونشفلي وجهي اخذتهة منة بعصبية وطلعت وكفني وباوع مستغرب

ايسر:شبيج مو على بعضج من دخلنة ما جنتي هيج

رغد:ايسر اني كلشي ولا واحد يقلل قيمتي ويلغي وجودي

ايسر:🤨كملي دااسمع التخربط مالتج

رغد:مااخربط اني بس اريد اكلك انه واجب تحترم وجودي وارتباط اسمي باسمك بطفل شيكولون العالم لو دروا انتة مصادق بنات وتروحلهن شنو صورتي كدام الناس زعجني برودة وابتسامتة المخفية كتلة انتة متخاف من اللله لايطلعهة بيك تصادق بنات بالحرام

ايسر:بسسسسسس شنو هالخربطة منيلج هالاافكار السخيفة منو كالج اني صاحب هيج سوالف عبالي تختلفين طلعتي سوالفج نفس سوالف سهى واني ماخبلني منهة غير هاي سوالفهة
رغد:اني سمعتك تخابر تكللهة مااجي هسة تعبااان يعني يعني ......

ايسر:اول شي عيب تتصنتين علية ثاني شي هاي حتى تتأكدين وترتاحين بدل ما تظلين متخربطة كل شوية
رغد:اني مو من وراك اتخربطت اني....،قاطعني وشال موبايلة بوجهي اخر مكالمة سهى احس فد فشلت تعال يامن تضم وجهي احس عركت واحتريت هههههه شحجاني اني شنطقني
ايسر:هااا اشوف انبلع السانج يا ام وجود وكرامة .عمي محد يكدر يمس كرامتج بشعرة دامج زوجتي
رغد:اني اسفة ونزلن دموووعي كالعادة مو قصدي والله استمع اجيت اصيحك للعشا واجتي الحجاية باذني
رغد:اهووو هم بجت دخيل ربج شكد تتنعوصين
رغد:😭😭 زدت بدموعي فد فشلت فشلة شيكول علية هسة من شافني هيج اتقدم وحضني وصار يمسح على راسي وكالي

ايسر:رغد اني اتخبل من مرة تحاسبني او تتجسس علية لان اني وداعت امي ماعندي شي ماالي بدرب الحرام لان الله كفاني بحلالة ومثل ماالج خصوصيات احترمهة الي خصوصيات احترميهة بس تدرين وكلتهة الج قبل والله تصيرين حلوووة من تغارين ههههه
رغد:دفعتة وباوعتلة 😠ما اغاار اني وفتت للمطبخ اكمل شغلي بعصبية مد راسة يمعودة ام الغيرة اكو جاي لو نروح ننام😁

رغد:😒 ايي،مستفزززز كملت المواعين وكمل الجاي صبيتلة ودخلت كملت المطبخ ورحت غسلت وفرشت وكتلة راح انام محتاج شي

ايسر:بعد وكت،

رغد:تعبانة😒

ايسر:اوك براحتج تصبحين على خير😒 تتهرب تكعد وياية وتضوج تظهر مشاعر اهتمامهة بية الي احسة بدة يتطور اتذكر المدالية العجبتهة من لمحتهة تباوع عليهة كلت الااشتريهة الهة ومااخلي شي بنفسهة يروح فجبتهة الهة مفاجأءة من صعدت السيارة رحت طلعتهة ورحت لغرفتهة دكيت الباب شوية وفتحتة عرفتهة بدلت لان هي من تنام تحب تلبس شي خفيف فتحت الباب وشعرهة فاتحتة وعيونهة منعسة
رغد:نعساانة وايسر دك الباب كمت لبست وفتحتلة مطفية
ايسر:اسف كعدتج ما عبالي تنامين بسرعة

رغد:لا عادي محتاج شي

ايسر:هااا وقدمتلهة العلبة هاي الج

رغد:فتحتهة نفس الكلادة العجبتني كمزت فرحانة بيهة ،شكر شكرا هي هاي العجبتني بالمحل 1

ايسر:وكافي بس عيونج تأشر مو انتي حتى😏

رغد:رحت عالمراية بعدت شعري على صفحة و لبستهة ودا اشوفهة حلوة لو لا وكفت كبال المراية واجة صار وراية كال

ايسر: حلوة برقبتج عرفت تلوكلج

رغد:شكرا كلفت نفسك بعدني جاي احجي وجان يطبع بهدوء بوسة على رقبتي احس ذبت ببوستة اول مرة ماانفر من قربة طبع بوسة ثانية وحضني من ورة بقوة ودفن راسة برقبتي اشتم شعري وتنهد وابتعد عني كال تصبحين على خير وطبك الباب ومشة واني بعدني بمكاني ارجف من الصار بس هالمرة الرجفة بغير احساس وغير مشاعر مشاعر جديدة اول مرة اختبرهة رحت مددت وضليت افكر بالصار اتلمس مكان بوستة واحس كلبي يرجف طار النوم من عيني واتكلب وافكر بي صاير حنون كلش وياية وهادئ يسيطر على روحة مدللني حتى لو اتخربطت يدخل وياي للحمام ومينزعج ابد ولا يستنكف بس اني استاهل يعاملني بحب بعد كل السواه بية بس احس كلبي صار يميل الة ويرغب بقربة مااعرف شوكت غفيت فزيت عالمنبه كوة سحلت روحي سويتلة ريوك ودكيت الباب حسيتة كعد ركضت للغرفة احس استحي احط عيني بعينة

ايسر:كعدت مرتاااح من الصار البارحة من شفتهة شلون ذابت بايدي مستمتعة ومغمضة عيونهة ما نفرت ولا شردت ما اتماديت وياهة مااريد اضغط عليهة صح احترك جد جدي..

الكاتبة ايه.... يتبع