مشاعر خارج دائره الصمت
البارت 35
ايسر:ووين جنتي عن بنتج من طالعة من بيتج وحدهة تمشي ورايحة تلعب وية الجهال تدرين لكيتهة بمتنزه اقل شي تمشي نص ساعة يلا توصلة وضالة تلعب وجاية داعمتهة سيارة ولج كل مااتذكر اتكطع من اهمالج لو منتبهة من وقت جاان لكيتيهة بس شوف بشنو ملتهية ثوولة
ام ايسر:استهدة بالرحمن يمة هم قلب والدة هية وهسة مفرفحة عليهة لاتصير ظالم خليهة تظل يم بنتهة
ايهم:تعال ايسر وياية بداعتي عندك
ايسر:مشيت وية ايهم وجان يحاول يهدأني ويكلي غلطت بس مو بقصد ماكو ام تحب جهالهة يتأذون وصلني يم سيارتة وكالي هاك المفتاح ارجع للبيت بدل ملابسك كلهة دم وشوف زوجتك اخذهة تبات يم ريام خطية تظل وحدهة كتلة هم صدك صعدت ونزلت الجامة كتلة اخذ غرفة خاصة لامي خلي ترتاح بيهة تعبت واني بس ارجع اخذهة للبيت وارجع انتة هم تعبت
ايهم:هسة درووح والله كربم يلااا في امان الله سوق على كيفك
رغد:خلصت نهاري بين الشغل والتلفزيون والنوم ضايجة منة مااجة اتأخر وادزلة مسجات ميرد تالي كلت يطبة طوب اتعشيت سويت صاج جنت مشتهيتة كلش وشلتلة منة وكاعدة عالتلفزيون اتفرج وانفتح باب الشقة ودخل كمت طفيت التلفيزيون واتوجهت عليه جان لازم يدة الباب وكأنة منتجي عليهة وملابسة كلهة دم اخترعت من منظر الدم حتى رقبتة بيهة دم اتوجهت عليه بسرعة وتبدد كل غضبي منة لخوف اشرتلة شكووو
ايسر:قمر ضربتهة سيارةوهسة بالعناية واتوجهت للغرفة كوة احس ثكل العالم كلة على جتافي
رغد:احس واحد وضربني على راسي شلووون هالطفلة البريئة شنو ذنبهة ذاك اليوم تلعب وتكمز وتعيب على ابوهة ذاك اليوم امشطلهة ومكيفة وتلعب بشعري وكسرة ايسر عليهة جانت واضحة من صوتة المبحوح والمخنوك اتوجهت للغرفة وراه لكيتة كاعد عالسرير ومدنك راسة بين ايديه اتوجهت طلعتلة ملابس نظيفة فتحت الكنتور ووكفني صوتة وهو يكوول شفتي حوبتج شسوت بية الله طلعهة مني باعز ماعندي احس كلماتة طالعة من نص قلبة اتوجهت عليه ردت اواسي بس ما اعرف شلون خليت ايدي على جتفة انتبهلي ولزم ايدي وباوعلي وكال
ايسر:بداعت ابوج ادعيلهة تعيش انتي طيبة وكلبج نظيف والله راح يتقبل دعائج
رغد:ابتسملتة واشرتلة راح اصلي وادعيلهة
ايسر:اذا تكدرين حضريلي الحمام وحضري غراضج تروحين يم ريام لان مااكدر اعوفج وحدج واني مااكدر اجي راح اظل بالمستشفى
رغد:حضرت الحمام بسرعة وخليت دشداشتين بجنطتي وبدلت بفستان عريض من الشتريتهن رحت توضيت ورجعت لفيت شالي وصليت ركعتين لرب العالمين وتوسلت بي بحق الطفل الرضيع تكوم قمر بسلامة وبجيت من كل قلبي عليهة ودعيت واني ابجي لان صدك كسرت قلبي جنهة وردة حسيت بايسر وراية مسحت دموعي ولميت المصلاية وكمت كلي جاهزة اشرتلة اي واتذكرت اكيد ماماكل شي خلي اخليلة لفة وكلاص عصير لايتخربط طلعت فتت كدامة جان يلزم ايدي ويسحبني عليه وباسني من راسي وكاللي
ايسر:طلعت من الحمام وتوجهت للغرفة مشطت واخذت فلوس والمفاتيح مال سيارة ايهم وسيارتي وطلعت باوعت لغرفة رغد جانت جاي تصلي وتبجي مااعرف شوصف قلبهة شكد شايل طيبة وحنية كل السويتة بيهة وتدعي لبنتي حست بية واكف اتأملهة كتلهة جاهزة اشرتلي اي وطلعت كدامي لزمت ايدهة وقربتهة علي وبست راسهة وكتلهة تدرين اني مااستاهلج
رغد:ربكني الكلام الكالة باوعتلة وكلمتة هيجت كل اوجاعي وبنفس الوقت حسيت بانكسارة ماعرفت شسوي وهو انسحب رأسا يداري ضعفة وكاللي يلا اذا جاهزة ركضت للمطبخ اخذت لفة واخذت علبة بيبسي طفيت الاجهزة الكهربائية واخذت غراضي وطلعت صعدنة بسيارة طلعت اللفة والبيبسي فتحتة الة وانطيتهن اياه باوعلي وكال مااشتهي وداعتج طلعت موبايلي وكتلة لخاطري اذا الي خاطر يمك خليت الموبايل كدامة قراهن وكال لخاطرج بس اكل من اللفة شوية وما شرب بيبسي وصلنة لبيت ريام وخابرهة كاللهة تفتحلي الباب لان هو مستعجل طلعت علاجة وخليتة كبالة واشرتلة ياخذة لان من طلع الصبح لكيتة عايفة عالميز لايروح يهيج عليه الوجع وهو هناك فتحت ريام الباب ونزلت صاحني رغد باوعتلة جان يكلي ديري بالج على نفسج ابتسمت وهزيت راسي ونزلت شخط السيارة ومشة وعافني بصفنتي وحيرتي وكلبي الي ساعة يحن عليه وساعة يضوج منة دخلت لريام وسلمت علية وبوستهة جانت تعبانة خطية من الحمل ومورمة كلش اشرتلهة بيا شهر
ريام:باجر ادخل بالتاسع 😞
رغد:دعيت الله يسهللهة ودخلت جوة عمتهة ام زوجهة رحبت بية وبوستني وسألت ريام هي هاية مرت ايسر الجديدة
ريام:اي عمة شنو رأيج😜
عمة ريام:يااا تخبل هااي وين الاولى وين صدك يازين مااختار جنهة كمر شو تعالي انطيني بوسة بعد
رغد:خجلتني احس بكلامهة عبالك طفل ودايشوفوه للعالم شوية واتصلت ريام على امهة وكالتلهة هاا وصل ايسر اي الحمدلله وماكو اخبار عن قموورة ياربي تلطف بحالنة وتباوع لحال هالطفلة سدتة ريام وكالت نسيت اسألج متعشية اسويلج عشا دخت والله هزيت راسي بأي متعشية شوية وكامت عمتهة كالتلهة تعبت راح انام واني وريام دخلنة بالغرفة زوجهة جان عندة شغل فيبات برة همزين والا استحي منة كلش فرشت ريام بالكاع الي والهة كالت اتخبل من نومة الجرباية صايرة حااارة ميوصلني هوا باوعتلي وكالت
ريام:اييي شلونج وية ايسر ما هدأتوا
رغد:هزيت راسي بنفي طلعت موبايلي وكتبتلهة مايضرب ولايعصب بس ماجاي اتقبلة
ريام:مااكلج اخوية ماغلطان غلطان ونص بس صدكي هو يحبج ورايدج واصلا مو طبعة هيج 1
رغد:كتبت الله يهدي
ريام:امين،صدك وعمليتج ما راجعتي بعد
رغد:لا ماكو واتوقع فشلت لان ماراجعت ومااحس باي تغير كم مرة حاولت انطق ماكو صووت اني هملتهة
ريام:خلي تكوم قمورة بسلامة واني احاجي ايسر يراجع بيج
رغد:لادخيلج ولا تفتحين النار علينة خاف يهيج هاي هية ريام هذا قدري واتقبلتة
ريام:لا ان شاء الله يرجعلج صوتج ولو ايسر يموت على حركاتج من توصفيلة وتأشرين يكول بودي اكلهة تخبل لج والله يحبج
رغد:اشرتلهة تعبانة راح انام
ريام:دجاجة هستوهة ب١١
رغد:بكلبي كلت هذا والله دجاج طايح حظة اذا ظال لل١١
ريام:اني جعت اكوم اكل
رغد:اشرتلهة اني هم كمنة سوينة لفات جبن وطلعت ركي سوتة قطع اكلنة وريام تسولف عود وية ابنهة تكلة هاا حبيبي شبعت عافيات احس احساس حلوو من تكون المرأءة حامل ليش اني ماحاسة هالشعور ولا منطية اهمية للموضوع اصلا ماكلت لاحد اني حامل
ريام:هااا وين صفنتي
رغد:اشرتلهة اني هم حاامل
رياام:ياعيوني الف مبرروك وساكتين ليش متخبرونة من هسة اكلج اذا بنوتة محجوزة لزين ابني لان اكيد تطلع تخبل عالماما
رغد:ابتسمت ورجعت للبرود نفسة الحاستة تجاه هالحمل رحنة نمنة واول مااذن الفجر كعدت وصليت ودعيت لقمر ياربي اذا جان الي حق يمهم فمسامحتهم دنيا واخرة مااريد اشوف طفلة تتعذب دخيلك يارب ومرررت على هالوضعية اربع ايام ايسر نادر منشوفة مرتين اجة يمكن بس جان يكتبلي مرتاحة محتاجة شي جاي تهتمين باكلج انتي حامل وارد عليه كلمات اي زينة ،لايظل بالك،اني مرتاحة،قمر شلونهة بس ابد ماسألتة عن نفسة ماادري ليش اكتب الرسالة واتردد وامسحهة لحدما رابع يووم اتصل بية استغربت بالعادة هو يرسل رسائل لان يعرف مااكدر اجاوبة رفعت الخط واجاني صووت ايسر مخنووك كاللي رغدد قموورة.
ايسر:استمر وضع قمر على ماهو مجرد نفس يصعد وينزل احس اتكطع عليهة ومابيدي شي بالدوام خابروني يردون اداوم لان صارلي هواي مجاز فكمت اروح للدوام كم ساعة خطية الولد يكلولي اطلع واحنة نسلك الوضع وارجع منهم للدوام حتى ابدل بالسيارة بناتي ذني روحي ومااتحمل يصير بيهن شي امي خليت ايهم ياخذهة ما قبلت تظى وهي مريضة وتعبانة وبقيت اني وسهى المافاركت المستشفى وحجزتلهة غرفة خاصة تبقى ام بناتي والهة حق علية شما سوت جان متنفسي الوحيد بهالازمة رغد الي رسائلهة كلهة دعاء لقمر وكلام يريحني ضلت وضعية قمر هيج اربع اياام لحدما يوم الرابع جنت كاعد المغرب وكام يأذن طلعت بالحديقة مال المستشفى ودعيت ربي بحركة قلب ياربي لا تفجعني بطفلتي اخذ من عمري لعمرهة ادري اني اذيت وظلمت وحركت قلب يتيم بس نادم وطالب عفوك وغفرانك يارب وبجيت صدك من موقف الضعف البي اني ماكو حل غير رحمة الله الي منتظرهة تنزل علينة دخلت للمصلي صليت وطلعت واتلكتني سهى تركض فرحانة ايسر صحت بنيتي صحت وانتبهت نزلت بساعتهة وسجدت لربي سجدة شكر ما رد دعائي الحمد لله طمنة الدكتور على وضعهة وانتبهتلنة وعرفتني وعرفت امهة خابرت امي بشرتهة ورجعت اتصلت برغد كوة احجي من فرحتي ببنتي كتلهة رغد قموورة صحت ووضعهة زين الف الحمدلله وصدمني صوت هاادئ يردد الحمد لله الحمد لله احس جمدت رجعت اتأكد..
الكاتبة ايه.... يتبع