مشاعر خارج دائره الصمت
البارت 34
واتذكر البدلة مامكوية كلت اهوووو اكوم اتعلم كوي هسة احسن ماانخبص الصبح وتالي يجوز احركهة ماردت اكعدهة كلت خليهة ترتاح مبين حملهة متعب ومزعج لان اي عطر جاي تلعب نفسهة منة حتى من طلعنة جانت تحاول تتنفس من حلكهة لان سيارتي متروسة معطر جووو 😁 انووب شعلت جد جدي بهالحركة طلعت اكوي كوة اجيبهة للبدلة منا وارجعهة منا حسيت بيهة طلعت واتوجهت للمطبخ مالاحظت وجودي شوية واتوجهت للصالة والظاهر اخترعت بية لان راسن شهكت بصوت نااصي وظلت واكفة مكانهة كتلهة شبيج شفتي جني يلا حست على نفسهة وانتبهت شوية واجتي سحبت المكوي مني وبلشت تكوي رحت كعدت عالتخم وضليت اتأملهة بهدوء ومسوي روحي ملتهي بالموبايل واني كل عيوني عليهة وتراقبهة بتعب والله ما رايد غير اخليهة بحضني وانااااام كملت كوووي واجتي انطتني البدلة كتلهة شكررا اشرت براسهة ورادت تمشي صرت كبالهة وكتلهة غير ندفع عربون الشكر والامتنان🙂ضلت تباوعلي مستغربة دنكت وبستهة من خدهة بهدووء طمعت اكثر و ردت اتقرب لشفايفهة بس اتذكرت الصار ذيج المرة خصوصا من شفتهة جمدت وماانطت اي رد فعل كلت خليهة بهدوووء تتعود انسحبت للغرفة وباوعتلهة سحبت نفسهة وكعدت على القنفة هااادئة
رغد:اتجمد جسمي عن الحركة من بوستة اتخبل من يتقرب مني صعبة انسة السواه بية احس اختنك لو اتقربلي مااطيقة والله مااكدر احس تغيب روحي من يسوي هيج كبل اتذكرة من جان يتقربلي قبل شلون وبيا عنف واذية ،كعدت بهدوء اريد اتفكني هالخوفة والجمود الي اتملكني تقريبا خمس دقايق يلا هدأت وكدرت اركز ليش هيج يسوي بية ادري يحاول يتقرب مني بهدوء وادري جاي ينطيني وقت بس هالحركات اتدمرني وتلغي كل خطوة نتقرب بيهة لبعض كمت شربت عصير اريد تهدأ اعصابي طاح حظي هسة اني شطلعني من غرفتي اففف انوب علية طلبات النونو ومشتاهتة تالي الليل دخلت اناام ووقتت موبايلي كعدت قبلة سويتلة ريوك كوووة اتحملت نفسي تلعب كلش من البيض مااتحمل ريحتة كملت الريوك وحميت الصمون وحضرت الجاي ورحت دكيت باب غرفتة شو هذا فتح الباب مخترع وبس بالشورت الداخلي اني رأسا دنكت مااريد اشوفة هيج كاللي بفزع بيج شي هزيت رااسي بنفي واشرتلة هالميز يتريك وعالساعة لان عندة دواام ابتسم وكالل ماااشي رحم الله والديج تعبتج مشيت افووت لغرفتي صاحني رغدد التفتت كاللي صبااح الخير ابتسمت واشرتلة صبااح الخير🙋♀️وفتت لغرفتي رجعت نمت تعباانة ومانمت بالليل زين حسيت بي ورة فترة طبك باب الشقة وراح
ايسر:جنت ناايم بعمق لان ضليت سهران لوين افكر برد فعلهة من اتقربلهة ليش تجمد مكانهة معقولة صارت بيهة حالة نفسية من هالموضوع كل من وراااية اوووف دخيلك ياربي ساعدني وساعدهة فزيت على دكة الباب ماادري بالعالم شكوو 😴دايخ باوعت للساعة جانت بالسبعة والمنبه داك وفايت واني الظاهر من التعب مطفي وراجع غاافي رجع الباب اندك كمزت كلت خاف رغد بيهة شي لان هي متدك الباب علية وتكعدني ابد ولااني الكايللهة تكعدني لان استخطيهة اكعدهة حتى سهى جنت مااكعدهة كمزت فتحت الباب هي دنكت من شافتني مالابس كل ملابسي كتلهة بيج شي اشرت لااا واشرتلي عالميز والوقت عرفت كعدتني عالمود الدوام ومشت صحت وراهة باسمهة التفتت بس تستحي تباوعلي كتلهة صباح الخير ابتسمت وردتلي باشارة ودخلت لغرفتهة اووف من اروح فدوة لهالصبح اليبدي بابتسامة منج غسلت واتريكت بدلت وخليتلهة مصرف عالميز وكتبتلهةبرسالة اذا تحتاجين شي كتبيلي وهذا الج مصرف عالميز وصلت للدوام وكلهة تتحمدلي بسلامة وتسلم علية الحمدلله اني علاقتي بالمنتسبين والضباط الوياية كلش حلوة وزينة دخلت يم اصدقائي سلمت عليهم وكعدوا يشرحولي شصار وراية وشلون جاي يصفون بالضباط ويرقون بالزينين والموزينين ينقلوهم اماكن بعيدة وكالوا على اساس اكو دورة ترقية ينشمل بيهة كم ضابط للاردن ومن تكمل يترقة الضابط الناجح بيهة كتلهم يمعودين صار سنين نسمع بيهة وكلشي ماشفنة سوالف حالهة حال السوالف الراحت ضلينة ملتهين بالشغل كوومة عدنة اوراق وتصفيات وتجيك للمخازن والوقود وجرد اوووه ما فضت الا روحي طلعت حتى ما لحكت اكل شي وعلاجي نسيت اخذة الصبح مع انه شفتة محطوط عالميز بس طلعت ونسيتة خلص الدوام وطلعت كلت بس اووصل اخذ علاجي الالم كام بي وميشد دك موبايلي بهالاثناء باوعت سهى ما جاوبت رجع دك مرة لخ رأسا خطر ابالي البنات رديت وجان يجيني صوتهة
سهى:ايسرالحكلي قمر اختفت
ايسر:احس دمااغي وكف عن التفكير بنتي وين لفت سيارتي وطلعت لبيت اهل سهى لكيتهة بالباب وتبجي هي وملاك وزوجة اخوهة تحاول تدخلهة وهي تعيط بشارع نزلت وعطت ،،وييين البنية وين ررراحت شلون اختفت
سهى:جانن يلعبن بالباب هي واختهة واختفت
ايسر:بربج بنات يلعبن بالباب الظهر انتي ويييين عقلج تضلين حيوانة والتفتت لملاك ملاك بابا اختج وين
ملاك:😭بابا جانت تلعب بالباب وطبيت اشرب مي وطلعت مالكيتهة
ايسر:احس اتخبلت بااوعت لسهى والله لو صار ببنتي شي موتج على ايدي
سهى:واني شعلية صوجك انتة العايف بناتك وراكض ورة زعطوطة جمالة خرسة
ايسر:ضربتهة راشدي وكتلهة لان عبالي انتي كد تشيلين مسؤليتهن طلعتي ثووولة والكره عاميج بسيطة حسابي وياج بعدين وركبت سيارتي وخابرت ايهم وجماعتة وجماعتي وطلعنة ندور بالساعة افتر احس حتى دخت انجنيت وين راحت بنتي لو مخطوفة جان اتصل احد علينة لو ضايعة جان لكوهة خاف خذوهة تجارة اعضاء لا اعوذ بالله خاف ذولة اليجدون بالشوارع لا انشاء الله موهيج الزمهم احركهم والله دك علية ايهم
ايهم:هابشر ماكو خبر
ايسر:لاوانتة
ايهم:لا
ايسر:ولك راح انجن بنتي ماااكو اطلع للمستشفيات ايهم اني راح ادور المنطقةسديتة وركعت الموبايل عالكشن وصلت يم متنزه بعيد عن منطقة واشوف جهال ملتمين وهوسة ونسوان وشباب وولد يكللهم بس اجيب سيارتي وناخذهة احس كلبي وجعني وكفت سيارتي ونزلت واحس كلبي يريد يطلع من مكانة باوعت وياريتني ما مباوع بنتي ممدة وغركانة بدمهة جسمهة مجرح ومرية تكول سودة علية بتمن هاي راح تمووت ركضت بخبال شلتهة واحاول اصحي بيهة قموور باباتي اني اجيت والمرية تكلي انتة ابوهة وين جنتو عنهة عايفيهة تلعب وحدهة وطفرت عالسيارة دعمتهة اكو واحد يتيه جهالة بشوارع ركضت بيهة للسيارة واحس روحي تتكطع مااعرف شلون سقت ووصلت للمستشفى واعيط اررريد دكتووورر اجوي ركض استلموهة مني كتلهم سيارة دعمتهة ويصيحون للعمليات كبل واحس بعد مابية اوكف انتجيت عالحايط ادور موبايلي وين اووه نسيتة بالسيارة طلعت جبتة وصفيت السيارة عدل واني اخابر بايهم كتلة لكيتهة بالمستشفى احنة هسة نزلت عالسريع ووصلت للعمليات وضليت انتظر بقلق احد يطلع ويطمني شوية واجاني ايهم
ايهم:هاا بشر ايسر ما طلعوهة
ايسر:لاا
ايهم:وين لكيتهة
ايسر:مابية احجي والله ،شوية ودخلت امي وريام وعمتهة
ام ايسر:يمة بنيتي وينهة شبيهة ايسر احجي يمة
ريام:ايسر وين قمورة😥
ايهم:بعدهة بالعمليات عوفوا ايسر مابي يسولف ،
ايسر:ضليت ادعي بكلبي ياربي دخيل اسمك لا تفجعني ببنتي لا تطلع شر اعمالي علية ببنتي شوية وطلع الدكتور طفرت من مكاني ها دكتووور بشرني
الدكتوور :الضربة قوية كلش مسوية عندهة نزف داخلي اضافة لكسر بالساق كدرنة نوقف النزف لكن الطفلة لسة فاقدة الوعي
ايسر:يعني شنوووو سوولهة شي تكعد انتو مو دكاااترة🤬
ايهم:ايسر مو هيج اعذرنة دكتور اعصابة تعبت وهسة حالتهة شنو للطفلة
الدكتورة:مقدر وضعة بس لازم يعرف انه هالشي مو بايدنة بقت يم رب العالمين
ايسر:لك ايهم شنو يحجي هذا الدكتور ميفتهم امشي ناخذهة لغير مستشفى
ام ايسر:اهدة يمة ان شاء الله واهل البيت يوكفولنة
ايهم:ريام رجعي لبيتج كعدتج هنا مامنهة فايدة
ريام:لا اريد اظل
ايسر:ريااام ارجعي البيتج مابينة حيل تتخربطين ونصير باثنين خالة اخذيهة ورجعوا ومشكور من جيتكم فات الدكتور ووكفتة كتلة اريد اشوف بنتي
الدكتور:مو مايصيرهي بالعناية هسة
ايسر:دكتور هاية بنتي الجوة تعرف شنو بنتي
الدكتور:مااشي بس ممنوع حتى تحجي
ايسر:دخلت وهنا تكسر كلبي الجان يقاوم بنتي وقطعة من روحي ممدة ومجبر جسمهة ورجلهة والاجهزة على جسمهة وبس نفس يصعد وينزل احس اختنكت حتى النفس مااكدر اسحبة شوية واجة الدكتور كال لازم تطلع طلعت بس جسد روحي ضلت معلكة ببنتي باوعتلي امي وكالت يمة روح لبيتك بدل وارتاح شوية وارجع احنة هنا كتلهة لا انتي مريضة وتعبانة مالج حمل مستشفى رجعي للبيت اني باقي شوية وفاتت سهى 1
سهى:يمة بنتي ياظالم بنتي هنا واني عايفني اتلوع..
الكاتبة ايه.... يتبع