مشاعر خارج دائرة الصمت

البارت ٢٢

مشاعر خارج دائره الصمت

البارت 22

اجي وسديتة كمت سبحت ولفيت المنشفة على خصري وكلت ادخل اخذ ملابس الغرفة مقفولة ادك بالباب ماكو اتذكرت الصار البارحة وكلت خاااف نزفت وفقدت شوية واسمعهة توون اطمنت هي عايشة بس الظاهر فاقدة ضليت اركع بالباب الى ان سمعتهة دكتهة حاجيتهة باعصااب افتحي الباب لا تخليني اكسرة شوية وانفتح واول ما شافتني شهكت وخلت ايدهة على عيونهة ودارت وجهة كتلهة شبيج انتبهت لان بس بالمنشفة ابتسمت بداخلي معقولة لسة بيج لمحة من البراءة العشقتهة راحت هي للسرير ولفت روحهة لف بالبطانية رحت لبست ورجعت كعدت يمهة عالسرير ولزمت كصتهة جااانت مصخنة كلش هي كمزت مني رأسا وجانت على حافة الجرباية ما سيطرت ووكعت بالكاع ركضت عليهة وشلتهة باوعتلي بنضرة عمري ماانساهة خووف على كسرة وخيبة على قهر وظلم احس فجأة عركت واني اشوف دموعة توكع جواهر على خدودهة هديتهة وطلعت اخذت غراضي وركعت الباب حيل قفلتة ومشيت وخابرت الدكتورة بعد مااخذت رقمهة من ريام وكتلهة تجي تشوفهة لان وضعهة قلقني وحالتهة تدمرني جانت ضليت واكف بباب العمارة انتظر الدكتورة تقريب ساعة يلا وصلت
الدكتورة:السلام عليكم 😒ليش ماجبتهة الية للعيادة لوتخاف الناس تشوف فعلتك بيهة وتنفضح

ايسر:ماخايف لامنج ولامن الناس اتفضلي شوفي شغلج لان وضعهة تعباان

رغد:بعد ما فتحت الباب اتفاجأت بي ملابس كل ملابسة خفت لا ناوي يتقربلي مرة لخ يمكن امووت هالمرة بايديه ركضت ولفيت روحي بالبطانية لو اعرف اذبحة هالمرة ومااخلي يلمسني كاافي ضعف شوية وحسيت كعد عالسرير وكلبي صااار يركض خوووف اخااف منة من يتعصب بس لزم كصتي ابتعدت منة وما ركزت اني عالطرف مال السرير وكعت فوك ما جسمي متكسر عوزي وكعة خررب حضي صدك اتاذيت انقهرت من ضعفي يمة اجة شالني وكومني وهو ضخم واني عبالك فارة بيدة شالني خلاني عالسرير باوعتلة واني خايفة منة لاياذيني ظل صافن بوجهي وطلع بسرعة وركع الباب قوي وسمعتة قفلة اوووف يقفلة علية نااوي يحبسني كمت غسلت اربد جسمي يبرد واخذت علاجي لان مااشتهي اكل اي شي ورجعت مددت ردت اقفل الباب مال الغرفة كلت عليمن شو هو بس يكلي فتحي افتحة من الخوف لان لو هاج يمكن يشلع الباب صدك شوية واسمع الباب انفتح سويت روحي نايمة واسمع صوتة يكوول تفضلي دكتوورة ايي صدك محتاجة شي يسكن اوجاعي

الدكتورة:صبااح الخير شلون صرتي
رغد:هزيت راسي بمعنى احسن همزين هو طلع من الغرفة وجودة يرعبني صار كابوسي هوة وكتبتلهة متأذية والام عندي ومصخنة ما نمت زين

الدكتورة:اعتيادي عزيزتي المريتي بي مو هواي انتي تعرضتي للتعنيف بطريقة وحشية وبنية جسمج متتحمل هالعنف كلة ليش شصاير لهذا كلة مهما يكون السبب ميحقلة يضربج لازم متسكتين

رغد:هزيت راسي بنفي

الدكتورة:بس ميصير تسكتين لاي سبب اني والقانون وياج تقرير واحد اخلي يحرم يستقوة على بنية المفروض هو يحميج مو يعذبج

رغد:كتبتلهة قضيتي معقدة وبيهة اتهامات هواية واني مااريد اتصرف وياه الا اثبت برائتي كدام الكل
الدكتورة:لج ماما يابراءة على ما يطلع الحق خااف يموتج

رغد:كتبت لا مايموتني لو يموتني جان مااتراجع يخلي براسي رصاصة اول مالكاني

الدكتورةء:افهم انتي جنتي شاردة منة يعني ماذيج قبل

رغد:كتبت لا ما مأذيني بس اصلا زواجنة غلطة من البداية وما حبيت استمر اخذت اغراضي وشردت

الدكتورة:مهما كانت الاسباب بس ما المفروض تشردين ليش تجيبين الشبهة لنفسج وانتي مبينة نقية وبريئة مع هذا ميحقلة يضربج هيج ،هسة مناوية تشتكين

رغد:هزيت راسي بنفي وهي كالت براحتج وكملت فحص كالت الجرح ملتهب كلش شمسوية ما رديت مااعرف ليش ماردت انطي بي كدامهة كتبتلي ابر اقوة وسلمت علية وطلعت وايسر وصلهة وهي اسمعهةتكلة اذا انت صدك رجل قانون فمهمتك تحميهة مو تعذبهة وعافتة وركعت الباب عفية باب كلهة تطلع منك متعصبة وتركع بيك لو يحجي جان كال شعلية عمي فكو ياخة عني😫 هو راح جاب الابر واجة للغرفة كاللي اضربج وحدة بالكانيولا درت وجهي واخذتهن ورحت اني اضربهة شينرادلهة لو الا يحشر روحة ظل كاعد بالصالة شوية واجة كال جوعان مارديت درت وجهي اتقرب مني ووكف كبالي وكال

ايسر:عصبتني من تعاند واحاجيهة متباوع وكفت كبالهة ودنكت قريب منهة وكتلهة جنتي خرسة هسة صرتي طرشة هم

رغد:ضوجني كلش من كال هيج ضربتة بحركة كلب على صدرة واني معصبة وهو ولا اهتز ابتسم وكال يلا وياي للمطبخ اوكف يمج خاف تموعين عالطباخ باوعتلة بطرف عيني ودرت وجهي ومشيت واسمعة يكوول الصبر ياربي خفت وركضت لايتخبل ويرجع يضربني طلعت الباقي من دجاج البارحة وفتتة وحمست وياه بتيتة وبصل وفلفل وتبلتهن وطرشي وزلاطة وخبز حضرتهن عالميز ووكفت كبالة اشرتلة الاكل جاهز ومشيت ادخل للغرفة مااحس الا نلزمت ايدي ودارني عليه حيل وكااال وين تكعدين يمي حتى لو ماتشتهين تضلين كااعدة بصفي خاااف احتاج شي وماتكومين الا اكمل لو اني اكلج يلا كداااامي كعدت يمة على اعصابي وهو موتني طلبات الملح وهو جذب مو ماصخ ولا خلة المي اريدة بي ثلج وهو بارد اصلا الزلاطة اريد عليهة ليمون وولاضاكهة جان يحب يتعبني وياذيني واني كل حركة اتحركهة اتملخ وجع كمل وكام وكال جاي بسرعة وكفت عالطباخ اسوي جاي واحس بطني موتتني الم ورجعت اصخن وماماكلة شي مااشتهي ضغطي هبط صبيتلة الجاي ووديتة الة وهو طلع من الحمام مغسل ماكو دقيقة وصاااح كااال باارد الجاي صبي غيرة رجعتة واني افوور من معاملتة لو خدامة رحمني واني بهالوضع امشي وايدي ترجف ومااحس الا انكلب استكان الجااي على ايدي احس شااغت روحي من الالم شهكت وطاح الاستكان تكسر هنا كالن دمووعي كافي صار هواي حابستنة ركضت عالسنك اغسل ودموعي تصبب عشرة عشرة واناشغ بحركة كلب مااحس الاصار وراية بحيث صدرة ملاصق لضهري وهو اضخم مني يمكن لجتفة ما وصلت اخذ ايدي وكام يغسلهة بهدووء يصب المي من ايدة عليهة اني نسيت وجعي وحرت بوكفتي وياه احس ضعت بنص احضانة محاوطني بايديه ثنينهم وهدوئة قااتل يخوفني واخذني من ايدي كعدني عالميز وراح جاب مرهم ودهنهة صفن ثواني علية وكالل بحدة ااااني طااالع 😡 واخذ غراضة وقفل الباب ومشةوخلاني بضياعي.
ايسر:بعد ما طمنتني الدكتورة انه وضعهة اليوم احسن وطلعت اتعمدت اضوجهة مااعرف ليش مااريدهة تروح من كدام عيني كتلهة تسويلي اكل وهي مسوية روحهة معصبة عود بس المصيبة هي جبانة بعيطة تكوم ترجف سوتة وخلتة عالميز ورجعت للغرفة لزمت ايدهة وجبرتهة تكعد وضليت اكومهة كلساع بطلبات مااحتاجهة بس اريد اكومهة ماادري ليش اقسة عليهة يمكن من كدمااحبهة اخر شي صبت الجاي واجيت كتلهة بارد مع انه حاار يجوووي اخذتة تبدلة ومااسمع الا الاستكان اتكسر وهي كامت تبجي عبالك طفلة وراحت تغسل ايدهة شكد ردت الزم كلبي لصار يوجعني بس ماكدرت بعدة رغم كل السوتة بي رهيف عليهة ودموعهة خناجر ينزرعن بنصة رحت يمهة وهي مخبوصة بروحهة ودموعهة وصرت وراهة احسهة انخبصت بالزايد واني احس كياني اتخربط واني لازمهة بحضني عبالك لعابة زغيرة كعدتهة عالكرسي عالسريع كلت لااتهور واذيهة بالزايد ورحت جبتلهة عصارة ودهنت ايدهة جان حرق سطحي امسح بايدهة واحس كلبي يزيد بدكاتة صفنت بوجهة وبرائتهة معقولة عندج غير هالوجه وتخونين اتنرفزت من تذكرت الصارر اخذ اغراضي وطلعت رحت لبيتي ذاك صارلي يومين عايفة دخلت وكالعادة الراديو سهى ينتظرني مااعرف ليش راسا خطرت ابالي رغد وهدوئهة شصار لو تنعدي منهة سهى شوية +

سهى:وين جنت غاط صارلك يومين متكول وراي بنات وزوجة اسأل عدلين ميتين
ايسر:لو ميتة جانت وصلتني اخبارج هيج اخبار متنضم

سهى:عزاااا تدعي علية ايسر انتة متغير علية من يوم التزوجت ذيج الكلبة 1

سدايسر:لج ادب سزز ضبي لسانج وخليني محترمج واسكتي لااهينج ويكون بعلمج اني تغيرت عليج من يوم الشفت مو مرة معدلة ينشد بيهة الظهر عرفتج ماراح تكونين الي سند بحياتي وان جان بقيتج فالخاطر بناتي وبس ما يجمعني بيج شي ثاني واتوقع اول ما رجعتي وحدج كتلج هالشي فلا تتأملين اخليج بنفس المكان الجنتي بي لان مكانج انشغل
سهى:شنوووو شتحجي انتة شتخربط الله لا يوفقك يا حقيررر منووو......🖐🖐⚡

ايسر:احترمي نفسج واحجي عدل لا اعرف شلون امشيج عالمسطرة احجي وياهة واني لازمهة من شعرهة

سهى:وجمالة تضربني مااشي شوف ان بقيت كاعدة يمك

ايسر:درب السد لارد ان جان رجعتي اول مرة فالخاطر بناتي وثاني مرة لخاطر اخوج قسم بالله هالمرة لو طلعتي لاتحلمين تعتبين باب البيت هذا بعد وبناتي يضلن ببيتهن ما تاخذيهن وورقتج توصلج
سهى:هيج بايعنة كلنة عالمود هالساقطة بواكة الزلم..

الكاتبة ايه.... يتبع