مشاعر خارج دائرة الصمت

البارت ١٧

مشاعر خارج دائره الصمت

البارت 17

سعاد:اي تمسكني اكثر ونزليلج كم دمعة لوتية هن ذني بنات الفكرر لوتيات +

صهيب:يمةةةةةةةةةة كاااافي لا يصير شي مايسر خاطرج نازل ارتاح استلمتوني عرك وصياح والله اذااسمع نفس احرك البيت

رغد:يمة هذا هم يتعصب ولو تعصب يكلب وحش يخوف العجيب كلهة سكتت حتى سعاد خنست وكامت لبيتهة زعلانة مااهتم احد حتى زوجهة ضل كاعد ويشجع بية احاول اراجع وصدك الصبح طلعنة لبغداد ومناك اجانة حسن ورحنة لدكتور معروف ببغداد وفحوصات وتحاليل وروح وتعال اخر شي كال

الدكتور:يصيرلج عملية بنتي بس ما يرجع صوتج قوي شي خفيف القريب منج يسمعة عادي اما تصيحين تحجين بصوت عالي فممنوع تتاذين وتنتكس حالتج لكن عمليتج مو سهلة وتطول ويحتاجلهة فترة نقاهة توصل شهرين يلا تبدين تستعملين صوتج وهم مااريد جهد وتعب وكلام
هواية هيج اضمنلج ترجعين بلبل هادئ😊
رغد:ابتسمت وارتاحيت لكلامة اهم شي يرجع صوتي واحجي وانسمع كلشي اتحمل

زهرة:زين تأذيهة اول متطلع شكد تطول الامهة
الدكتور:اي كألم فهي تأذيهة وتجيهة نوبات الم متكررة اول اسبوعين بس اذا عناية وتمشون عالتعليمات وكلام ممنوع اول شهرين فاضمنلكم تتجاوزهة بدون اي عواقب بس اوضحلكم شي العملية مكلفة نوعا ما

ام زهرة:متهم الفلوس اهم شي يرجع صوت بنيتي

حسن :يعني شكد تقريب

الدكتور:شغل ايدي فقط ٥ ملايين من غير الكادر والمستشفى والعلاج تقريب تصير ٧ ملايين

رغد:انصدمت بالمبلغ عزااا هوااية اكلفهم مااكدر بيش طالبتهم مااريد ،اشرتلة مااريد وكمت طلعت ولحكتني خالة زهرة وتكلي ميخالف والله فدوة امي لو ١٠ ملايين متتكول والله هي خالة ١٠ ملايين لفعل خير انتي فعل الخير بدنيتهة بس رفضت مااكدر هواية احسهن وعيب ما عمري اخذت من واحد الف مو اخذ ٧ ملايين شوية وطلعت عمة ام زهرة وحسن

ام زهرة:هاي هية لراس الشهر عمليتج وراح يتفق الدكتور وية المستشفى

حسن:رغد لا تناقشين بيبي لو صممت على شي محد يمنعهة واني ماامنع بالعكس مساند على هالخطوة الموفقة بس تدرين همزين يرجعون صوتج ناصي
والله حتى مايلوكلج تعلعلين بصوتج لازم هدوء يلوك لشكلج خلي التلعلع لعهوود شايفة من تدلعني حاااسووووني😫

رغد:ضحكت من كل كلبي شكد هالولد يضحك وينسيك همومك وبست راس عمة ام زهرة وضليت بداخلي ادعيلهة على وكفتهة وياية واحمد ربي الخلاهة بطريقي رجعنة والفرحة ماسايعتني

ايسر:سافرت لتركيا اريح بالي بس ابد ماارتاحيت فكرة تجيبني وفكرة توديني منا سهى المريضة وداخلة مستشفى لان حملهة مهدد ومنا امي ومرضهة وزعلهة متحاجيني جانت ومنا رغد المااعرف طريقهة ومنا بناتي الماجاي يستقرن ببيت شسوي اطلك رغد واريح وارتاح بس كلبي جان يصرخ وينعصر لو عقلي فكر هيج ويكلة هستوني لكيت الحب وتريد تاخذة مني وكرامتي تصرخ لاتعوفهة الا ترجعهة وترد اعتبارك وتكسر خشمهة وعقلي يكلي عوفهن على صفحة وفكر تلم عائلتك وترجع الامور لمواقعهة وحيرتي اذتني وخلتني امدد اجازتي ل٣ اسابيع وهالاسابيع جنت مااعرف ليش الكاني كاتب رسالة لرغد شارح كل تفاصيل يومي ماادري ليش الهة بالذات وكلمااريد ارسلهة اتخاذل واحفظهة بالمسودات واسكت لحدما يوم وصلني من اخو سهى مسج جانت شارحلي انه حالة سهى انتكست وفقدت الطفل لان واكعة من الدرج وهو حملهة ضعيف رجعت بسرعة وجانت تعبانة انقهرت عليهة وعلى وضعهة ومهما تكون هاي عشرة عمر وزوجتي فتناسيت الصار وحاولت اواسيهة واراضيهة واوكف وياهة ورجعتهة للبيت ورحت اتعذرت لامي وبوست راسهة ورجعتهة للبيت وعينت ممرضة تراعيهة وتداري البيت وقررت هاي هية ادوس كلبي ومشاعري واتحمل كسرة كلبي ولاكسرة عائلتي خليني متحمل طيش سهى بس اهم شي رضى امي وراحة بناتي وقررت اتصل بيهة واطلكهة هاي هية مالة داعي استمرارنة ولو النة طريق جان التقينة سوة بس كلمن طريقة وحد بس لهسة غصة بكلبي وماهاين علية اطلكهة لان شردت مني وحتى صديقي الكلفتة مالكاهة لحد ما وصلني مسج بيوم يكول

رغد:مر اسبوع ونص تقريب وموعد عمليتي اقترب كلش بس لاحضت امر غريب انه جنت كل مااكعد نضرات صهيب تلاحقني وهدوئة يربكني لحدما فد يوم بالليل جنة كاعدين كلنة بالحديقة نسهر وصدفت حسن نازل وسوالفة وشقاه والبنات وايناس تحشش على عهود وذيج من كل عقلهة تتعارك وصهيب كالعادة ماخذ مكان وملتزم الصمت واركيلتة بايدة وعيونة كلمااصد مسنترة علية بحيث كمت اتضايق من يجي يكعد واحسب شوكت اروح اسوي عمليتي حتى ارجع والكاه رايح هدوئة يخوف متدري شوراه لحدما كلهة نعست وراحت لغرفهة اني طبيت لبيت عمة ام زهرة طبعا بيتهة بس اني وهي ننام بي البقية غرفهم ببيوتهم المجاورة عدا البنات مرات يلتمن كلهن يباتن هنا وخصوصا ايام العطل دخلت لغرفتي وشوية واندكت الباب كمت فتحتهة انصدمت بصهيب كدامي وكال ممكن ادخل هزيت راسي بالرفض
صهيب: اسف صح مترهم زين ممكن نكعد برة اريد احاجيج بكلمتين

رغد:اشرتلة مااكدر خاف احد يشوفنة
صهيب:زين هذا رقمي بس رمشيلي ادزلج مسج
رغد: ارتبكت وحسيت فجأءة دااخون ايسر وكف بعيني واستصعبت اني اراسل احد من وراه وبعدني على ذمتة حتى حرام علية هزيت راسي بنفي وسديت باب غرفتي وضليت افكر ليش اتذكرت ايسر ليش من حسيت بنضرات صهيب صرت الكة روحي صافنة بمقارنتة وية ايسر الجان دائما يفوز رغم اذيتة الية ليش كلبي يشفعلة مااعرف كعدت عالجارباية واني مرتبكة من موقف صهيب عرفت وراه شي من موقفة هذا

ايناس:صهيب شتسوي هنا😳طبعا جانت ايناس تحمل مشاعر تجاه صهيب الي جان ما خالهة بحساباتة اصلا واصغر منة بهواية

صهيب:ماكو ومشيت واني اغلي من تصرف رغد اني تقفل الباب بوجهي حضرتهة تعزز بروحهة علية تريدني اركض وراهة ،اعترف اني حبيتهة ودخلت كلبي ومن اول ما شفت دموعهة حسيت اثرت بية واتنرفزت من عرفت متزوجة لدرجة عطت بالكل وموطبعي اثور هيج وفجأة مااعرف ليش بس من سولفلي حسن التفاصيل ارتاحيت من عرفت سبب ونهاية زواجهة، عمري متهزني بنية بس هي اثرت بية وهواي ولكيتني بوقت قصير حبيتهة ونظراتي فضحتني صارت تلاحق حركاتهة وتطبع ملامحهة ببالي وهي حست وضاجت مني فكلت خلي اعترفلهة واساعدهة وتنفصل عن زوجهة الي اخذهة لاجل غاية وهي ماحابتة وابينلهة مشاعري وياهة بس بعد ما سوت هيج كلت طز بكلبي اني من النوع العنيد ومستحيل ااتجاوز كرامتي واخلي احد يمسهة لميت جنطتي من الصبح وطلعت للدوام
سعاد:يايمة بعد لاجازتك ماصارلك اسبوعين

صهيب:لايمة خابروني محتاجيني مع السلامة،وطلعت للدوام ماادري ليش ما حاولت وية رغد بس شسوي هذا طبعي
رغد:كعدت الصبح واني قلقة شلون اواجه صهيب لو طلب يحاجيني ماجنت مستعدة اسمع اي شي طلعت اتريكت وية خالة زهرةوعمة واجت سعاد كعدت وجان تتصل على صهيب وتكلة ها وصلت اي الحمدلله وسدتة جنت اصب جاي بس بالي يمهة سالتهة خالة زهرة

زهرة:لعد وين صهيب راح شنو

سعاد:اي كعدت صليت لكيتة لام غراضة وراح راح يجلطني هن كم يوم يجي ويرد شارد

ام زهرة:لعد شو ما سلم علية ولاكال البارحة راح اروح

سعاد:مايدري مخابري بالليل يحتاجوه
رغد:عرفت زعل مني وراح مو مخابري ولاشي ثاني كعدن البنات جانن مبدلات وعهود سالت على اخوهة لان جان يكعد ويانة من الصبح متعود كالتلهة امهة مشة خابروه بالليل

ايناس:خابروه لو هو راد يخابرهم😏😒
سعاد ماادري خالة

رغد:انتبهت لنضرات ايناس وكانما داتتهمني بينة شي او اني السبب بروحتة اووف شكد نفسيات غريبة للبشر تفهم وتفسر براحتهة متسمع من المقابل تبني وجهات نظر وتصدكهة ااااه ربي ساعدني بس اسوي عمليتي اشوفلي شغل عالاقل مااضل ثقل عالناس مرت الايام وصارت عمليتي وسويتهة جنت ميتة رعب والليل مانمتة من الخوف وعمة ام زهرة ظلت تقرالي قران وتصليلي جنت اتمنة اراسل ايسر واكلة يبريني الذمة بس ما كدرت خفت من ردة فعلة لو جان حاقد علية وكاللي ما مسامحة يمكن اموت قلق فوك قلقي وخوفي دخلت عمليات من الصبح واستمرت عمليتي ٣ ساعات وضليت فاقدة لليل حسيت بروحي اون الم وخالة زهرة يمي وحسن وعمة واتفاجأت صهيب هم هنا واكف يم راسي اول مافتحت كللي هااا شتحسين شلون صرتي واجتي عمة ام زهرة باستني وكالت الحمد لله عالسلامة وحسن وخالة زهرة راح صهيب صاح الدكتور الي كال زينة وجاي تنتبه وبدت تركز وية حجيهم وحسيت الم ذبح رقبتي موتني لزمت مكان العملية بهدوء وصرت ابجي الم فضيع صدك واحد مذبوح يحس روحة والالم داخل بلعومي فضيع مينوصف صرت الزم الغطا حيل
صهيب:دكتور شبيهة شو جنهة كلش متأذية انطوهة شي
زهرة:على كيفك خالة هو كال الدكتور الوجع قوي وخصوصا اول اسبوعين اصبر الدكتور يعرف شغلة..

الكاتبة ايه.... يتبع