مشاعر خارج دائره الصمت
البارت التاسع
يسر:روحي جيبي البنات وسكتي لا هسة ارجعج لاهلج بايدي بس هالمرة بدون بناتج
سهى:ماشي ماشي بس لاتصير عصبي ورحت واني الف فكرة ابالي منو هاية يصير تزوج لا لو متزوج جان جابهة هنا قابل خايف جان سمعت من الناس لا لاخاف سواهة سكتة خل اسكت كم يوم بس يهدئ واعرفهة منو هاي رحت جبتلة البنات وضل يلعب وياهن اخر شي كاللهن +
ايسر:رحتن سلمتن على بيبي
ملاك:لا بابا جانت نايمة
قمر:لا ما ما كبلت نلوح(ماما ماقبلت نروح)
ايسر:سهى😡صدك ذيل الجلب ماينعدل لج انتي شنو من ملة طايح حظهة امشن بابا امشن اليوم نبات يم بيبي
سهى:بس...
ايسر:اشششش ولانفس اصعدي نامي فوك يلا ووووولييييي طبيت سلمت على امي جانت تعبانة ونايمة ماخذة ادويتهة ونايمة حست من هوسة البنات وضلت تبوس بيهن وتسألهن شوكت اجيتوا ومنو جابكم كتلهة اني اسولفلج بعدين بس انتي لاتحجين كلشي واشرتلهة هي افتهمت
ام ايسر:يلا يمة هسة هي راح تكابلني وتكعد مرتك ونتسامر هي بالجذب ما سلمت علية وشافتني متت عدلت
ايسر:يمة شلج بهالطايحة الحظ كلهة يومين واجيبلج التداريج وكلبهة عليج
ام ايسر:امين ان شاء الله وتطلع هم كلبهة عليك وتداريك وتلكة راحتك يمهة
ايسر:ان شاء الله بعدين انسولف ونمت اني والبنات يم امي والصبح تفاجأت برسالة من رغد ولاللله الله جابهة جنت حاير باموري وامي صبحت تعبانة كعدت سبحت وبدلت بزي الدوام وعدلت نفسي وكلت امر اجيبهة واجي شوية واندكت الباب كمت فتحتهة جانت رغد اتخبلت شجابهة وحدهة من كل عقلهة هاي وجانت لابسة اسود عطت بيهة منو جابج اشرت اني لزمتهة من زندهة بقوة وكتلهة واني صاك اسناني اخر مرة تطلعين وحدج مرة الثانية تنتظريني دارت وجهة ماردت نترت ايدهة و كتلهة صاير شي ليش لابسة اسود اشرت لاتهتم 👈انتةو👉مالنة علاقة ببعض بس✋سلام وفترة و💑💔وننفصل وانطتني ورقة ومفتاح فتحت الورقة كاتبة هذا مفتاح شقتك اني انتقلت بعد اعيش يم ام احمد اتعصبت شنو طرطور كدامهة بكيفهة تلعب هم جاية وحدهة وهم ناقلة غراضهة هاي الظاهر ماتعرفني شنو ردت احجي جان اسمع صوت سهى ايسر منو هاية
رغد:كرهت تحكمة بية شنو فوك ما رافضني وماذيني وعايفني يريد يتحكم بية مو زوجي هو حتى يحقلة هالشي بعدني ما رادة وجان اشوف بنية حامل طلعت من المطبخ وسالت ايسر منو هاي انصدمت معقولة هاي زوجتة واباوع بعيونة يعني متدري بية وبوجودي اكيد بالله شراح يعرفني الهة بصفتي شنو جنت على شعراية وياه وانتظر ردة لزوجتة وردة فعلهة وموقفهة لو عرفت واني كبالهة شراح تسويلي جان ينطق ويكول.
سهى:ايسر جاوبني منو هاية البنية وشتسوي بالبيت
ايسر:هاية الممرضة الي راح تهتم بامي
رغد:باوعتلة بنضرة ممزوجة بين خيبة بين غضب بين ذل بين كره بالقوة سيطرت على اعصابي يمكن لو بيدي اسحب مسدسة من خصرة واضربة على هالاهانة يستنكف يعترف بية كدام زوجتة ميريد يجرحهة وهي الاذتة وعادي يجرحني ويدوسني واني ممسويتلة شي
سهى: انتي متزوجة لو لا 😡اباوعلهة شو هاي تخبل من كل عقلة اخلي هاية تداري امة واني هناك بالدوام يجوز يرجع من وكت يسولف وياهة وتجرجرة وتخلي يتزوجهة رجعت عطت بيهة انتي متزوجة لو لا
رغد:مبينة من نضرتهة ماطايقتني هاي لو اكللهة مامتزوجة تأذيني يجوز عبالهة اخطف زوجهة الي هو اساسا زوجي جنت اريد اكللهة مامتزوجة لان اذا هوة مامعترف بية وبزواجي ليش اعتبرة زواج بس كلت هاي تنغص علية كعدتي هنا واني ما طايقة هم جديد هزيت راسي بموافقة
سهى:شنو اسمج شكد عندج جهال
ايسر:سهى البنية فاقدة النطق
سهى:هاااا بداخلي كلت همزين طلعت مريضة ميباوعلهة ومتزوجة خلص ارتاح اشرتلهة تعالي اعلمج شتسوين
ايسر:وعلى اساس انتي تعرفيلة امشي رغد فوتي اكيد الحجية كعدت هسة
رغد:شي بداخلي ارتاح من فشلهة وماسمع حجيهة بس ابقى اكرهة😒دخلت جان البيت كلش حلو وحديث وجبير بس ما كو ترتيب مهووس دخلت لغرفة الحجية جانت ضلمة وضوة خفيف الظاهر لسة نايمة انتبهت فراشات بالكاع وبنوتات ثنين نايمات انتبهلي ايسر اباوعلهم
ايسر:بناتي الجبيرة ملاك ٦سنوات والصغيرة قمر ٤ سنوات☺
رغد:هزيت راسي واشرتلة👌💖حلوات بس انتبهت لنضراتة لبناتة كلهة حنية ودفئ وظل يتاملهن وهنة نايمات بداخلي شي فز وهيج الذكريات اتذكرت والدي وحنيتة ولمستة وصوتة وهوة يكعدني مسحت دمعة طفرت من عيني بسرعة مااريد يشوفهة بس هو انتبه
ايسر:ليش تبجين صار شي اذا متضايقة من وجودي اطلع واذا متضايقة من وجودج هنا فمااجبرج تبقين اني اخذي راحتج وتعالي باجر
رغد:هزيت راسي بلاااا وطلعت للصالة كعدت عالتخم وهو طلع علاكة بيهة ادوية وكال هاية ادوية الحجية وكعد يعلمني عليهة واني اسجل بالموبايل حتى لاانسى وانخبص لو اخربط وسهى ضلت تحوم تروح وترجع اخر شي عاط بيهة
ايسر:متركدين لخاطر محمد خبلتيني وثولتيني اصعدي بدلي اوصلج للمدرسة يلا لاتعطليني
سهى:لا مااداوم ماخذة اجازة تعال تريك مو علمتهة عالدوا لاتتاخر
ايسر:هاي هية افتهمتي موو دخيلج لا تخربطين اي خربطة تأذيهة اتريكت وطلعت للدوام وفكري بالبيت والوضع اخر شي اتصلت على امي وطمنتني انه كلشي بخير ورغد يمهة واتريكت واخذت علاجهة ورغد جاي تنظف بغرفتهة ارتاحيت وغلقتة واني اترحم لابو رغد على هالتربية
رغد:ورة ما طلع ايسر شوية واجتي سهى عديمة الذوق عافتني وحدي بالصالة وهي راح تتزقنب بالجذب ماجابت كلاص مي كملت ريوكهة وصعدت ما نطقت حرف ورة شوية كعدت الحجية وتفاجأت بية خطية رأسا كمت سندتهة وهي صبحت علية وسالتني اذا زعلانة منهة وظلت تعتذر وكالت
ام ايسر:والله يايمة شكد حجيت وياه وكتلة اذا لخاطري تريد تتزوج اني فلا راضية عليك بس هو ميسمع وتالي هالزعلج وعلعلج وضوجني وماراضية عليه
رغد:اشرتلهة لاتهتمين ما زعلانة بس جذب بداخلي افوور يعني حتى امة منبهتة وهو حضرتة مالي ايدة مني عبالة راح اقنع وانجب واسكت وافرح بي وبتنازلة وزواجة مني يحلم ما تربيت هيج اخضع وارضة ريكت الحجية وغسلت وحضرتلهة ملابس بدلت وشوية كعدت بالكراج جان الجو حلو شوية وكعدن بناتة وفوة جنهن بزونات والشعر مكفش من النوم ابتسمت الهن الصغيرة ابتسمت وكالت هلاوو اشرتلهة هلاو🖐 بس الجبيرة سالت
ملاك: بيبي منو هاية البنية
ام ايسر"بيبي هاي صديقة عمة ريام وراح تداريني بدل عمة ريام
ملاك:وحبابة لو خبيثة مثل عمة ريام
ام ايسر:ولج ملاك عمة ريام خبيثة!!منيلج هالحجي مو عيب الااخلي بابا يلوي اذاناتج
قمر:هاي ماما دول(ماما تكول)
رغد:اتعجبت على امهن شنو من ملة حتى الاطفال تحشي براسهم وتزرع كره وبغض من هسة متخاف ربهة
ام ايسر:يلا روووحن لماما خلي تبدللجن تريكجن بس فالحة بالنوم ،،،شفتي يمة رغودة حتى الصغار ماسلموا من شر سهى وبلتويهة شفتي شتعلمهم
رغد:اشرتلهة للسما انه اكو رب يجازي
ام ايسر:هو اني من زمان مسلمتهة بيد الله
رغد:دخلت الحجية للصالة كعدتهة ودخلت عزلت غرفتهة وفتحت الشبابيك تتهوة وبدلت الفرشة وعدلت الجرباية ومسحت الكاع والاخشاب رجعت تلمع ودخلت الحجية بيهة صارت ب١٢ وسهى ماكو زين الحجية شتتغدة هاي من كل عقلهة معادية مرة جبيرة بمقام امهة على شنو اذن وراحت الحجية تصلي رحت اني هم صليت ورحت للمطبخ دورت الخانات طلعت عدس وسلكتة وسويتة شوربة وشويت صدر دجاج جان بالفريز وخبز شوية اسمر وزلاطة ووديتهن للحجية
ام ايسر:يايمة صدك جذب انوب طابختلي هم جان خابرت ايسر يجيبلنة من برة
رغد:لا☝️👈انتي مريضة🤕لازم اكل زين👌
ام ايسر:روحي يمة الله يوفقج ويجعلج من نصيب ايسر المايعرف يتصرف عايف هالدلال والادب والشطارة وظال معلعل روحة ينام يمي
رغد:انصدمت ينام يمهة يعني مقاطع زوجتة ولو من اسلوبة مبين ماطايقة لعد ليش يتعامل وياية هيج كملت غدا الحجية ووكفت اغسل المواعين ومااحس الا سهى جرتني من ايدي حيل
سهى:انتييي هييي منو سمحلج تتصرفين بمطبخي بكيفج شلون تتجرأين وطبخين وتفتحين الثلاجة اهلج ماعلموج الادب وكالولج عيب
رغد:اشرتلهة للحجية مو الي مااكلت اني شي
سهى:وعوزج تتنزقنبين ابيتي انوب حتى اكطع ركبتج معليج بالحجية عود ابنهة يجيبلهة غدااا ممنوع بعد......
رغد:جانت تحجي وماانحس الا عيطة رجت اركان البيت سههههههههى ادب سز التفتنة ثنينة بذعر واشوف ايسر بباب المطبخ وعيونة حمر دم يريد ياكل سهى اكل هي بس شافتة ركضت للدرج هو جان شايل علاليك بين ما ذبهن عالميز وصعد وراهة ركض الااني جمدت بمكاني من الخوف واسمعة يدك بالباب حيل الظاهر مالحك بيهة سهى حيوانة الزمج الكفج تردين امي تظل بلا غدة ببيتي والله الاارجعج لاهلج اخر شي الحجية صاحتة كم مرة وحلفتة لخاطر البنات..
الكاتبة ايه.... يتبع