#ضلموني
البارت الواحد والعشرون
بقلم ام مصطفى
شجاك يمه شنو اتطلكها لعبه هي
لج يوم خبلتني بكلشي مدخله
قدمتلج للعمره اني وياج نروح
وهي تخبلت تكلي خو اخذني اني
كتلها اخذج والله غير مره
واقنع بيها كوه قنعت وتحجايني من وره خشمها
بعدين كتلها ترحين انت والجهال يم اخلاص من اروح لو هي تجي يمج
شو هاي تخبلت رسمي
وكامت تصيح شنو طالعه عاله بيهم
وتلغي زايد ضلت
عاد طخت عدي كمت كتلتها كتله زينه واجيت
شلون اصرف وياها فهميني يوم
وليدي هذا الدلال الزايد يخرب بنادم
مرتك هواي تدللت وتعافت
من يوم يومها هيج هدى واني ساكته الها لخاطرك
هسه شسوي يوم حتى فرحتي بالعمره طيرتها
شلون اذا رحنا واخلاص تبقى وحدها
ماعليك من اخلاص اني اخلي خالتك ام مالك
تجي يمها
بس شوكت نروح والله فرحتني ابني
ان شاء الله نهاية هذا الاسبوع
هو اجيت اكولج تحضري
كام وكف
وين وليدي
اروح لشغلي يوم
كلت اجي امرلج قبل لا اروح وابلغج
وانت هم شوفي خالتي تجي يم اخلاص تقبل
اي تقبل مالك شغل
خير ان شاء الله
دنك ع راس امي باسها وراح
امي كالت خابرتي خالتج تجي
لا يوم مخابرتها اجه حازم والتهيت ونسيت
لعد خابريها الله يرضى عليج
ان شاء الله
دكيت ع مالك
صباح الخير مالك
صباح الانور يروح مالك
ابتسمت مكدرت احجي امي يمي
اكول مالك خالتي يمك
امي تريدها تجي اليوم يمها
اي مو تدلل خالتي
شعندي غيرها هي وبتها يأمرن امر
شوكت تجيبها
هسه طياره
زين لعد ننتضرك
مع سلامه
ههههه اخذ راحته بالحجي يعرف امي يمي ومااكدر احجي
ضليت اتبسم
امي هاا شنو
هااا ماما اي هسه يجيبها مالك
لعد شبيج وجهج ورد وتوزعين ابتسامات
هاا يوم ماشاء الله عليج كمتي تشوفين
مو ع اساء نضرج قل
لا اشوف كلش زين
واحس وافتهم بس اعبر بمزاجي
تره
هااا زين لعد
لج يمه خالتج ذاك اليوم فاتحتني بموضعكم من جديد انت ومالك
واني ادري بيج تحبينا تره حتى لو جبيره اني اعرف بهاي السوالف
شنو شكالت خالتي شنو موضوعنا
دكول الولد لهسه يحبها ويريدها
ويحن ويون عليها
ليش منزوجهم
شنو هالحجي يمه لعد هو مو مزوج وعنده جهال
اي شكو بيها
انت تبقين يمي هو مو غريب
وهذيج يم خالتج تبقى
هاي صدك تحجين انت يوم
اي مابيها شي
بنيتي اني ايامي معدوده
اذا متت منو الج
اريدلج رجال امنكم يمه
ومحد مثل مالك يقبل بيج
انت وجهال ازهر هو مو غريب
ماما من سابع المستحيل اقبل
انسي هالموضوع مااريد اسمعه بعد
اني رضيت بقسمتي
الحمد لله ع كل حال
شنو يعني اذا مزوجت اموت قابل
عندي ٣ ذول الله عوضني بيهم بكلشي
مااريد شي بعد من ربي
بس يقدرني ع تربيتهم تربيه صحيحه
ماما اني احس الله سبحانه وتعالى وكف قسمتي لخاطر ذول الايتام
مسامعه من يكولون بيها صالح
بيها صالح من ماازوجت
ربي ينطيج ع نيتج يابنتي
شكول غير الحمد لله والشكر ع كل حال
تقريب وره ساعة اجوي بيت خالتي
مالك وخالتي
فات مالك سلم ع امي
مبقى بس سلم وطلع كال
عندي شغل
خالتي بقت يمنا امي حجتلها راح تروح للعمره
وطلبت منها تبقى يمي بفترة سفرها
هي وافقت كالت الها عادي ابقة روحي
انتي مالج شغل باخلاص يمي اني ابات يمها
عفتهن يسولفن وبديت اسوي اكل الهم
ركبت تمن مطبك وشويت دجاجه بالطباخ لاميىوخالتي
لان موزين عليهن القلي والدهونات
للساعة ١٢ ونص طبوا مريم ونرجس
هلو ماما
جانو فرحانين
ماما نجحنا
لازمين نتائجهم بيدهم
اووي فدوه بله خلي اشوف
يمه فدووه للبنات طالعات اوئل
ماما شوفيهن لبابا حازم من يجي
اي ان شاء الله
اي حتى يجيب النه هدايا
شنو تردون
نريد اتاري نلعب بيه
شنو هاي انتم ولد قابل
ماءء مثل ولد عمووعثمان مو عدهم
ويلعبون بي يخبل
بس انتن بنات
ميخالف نريد
يله ادللو اني اجيبلكم والعب وياكم هم ادللوو حبيباتي
بس روحو غيروا ملابسكم
حتى اصب الغده الكم
راحوا ركض فرحانين
واخذوا الشهايد لامي
انطتهم فلوس كيفوا بيهن
اجه حسون من الروضه
بدلتله وكعدته يم امي
ماما بس اصلي لهسه ممصليه
حتى اصب اكل الكم .
اي ماما
جانن يسولفن من شافني سكتن
عرفت ديحجن بموضعي
ميدرن اني نذرت عمري لجهال ازهر بعد
وشلت فكرة الزواج
صح لهسه احب مالك
وامنيتي كأي بنت تتمنى تتزوج وتخلف ويصير عدها رجال يسندها بوكت الشده
بس هذا قدري بعد
لازم اضحي لخاطر ذول الايتام
بذاك الوكت ابد مفكرت شراح يصير بيه
بعدها
كل همي جان اربي جهال ازهر اخذتني العاطفة ونسيت نفسي
صليت وخلصت صبيت الهم غده تغدوا
والبنات وحسون ناموا متعودين ينامون ساعة
اني هم غفيت وياهم
للعصر كعدت سوين جاي الهم
خالتي خابرتلها مالك اجه اخذها وراحت
عادي صار مالك يروح ويرجع
بعد مااهتمله مثل قبل
مو مااحبه اجذب عليكم اذا اكول مااحبه
بس تعودت ع وضعنا اني وياه
وقابلين نبقى هيج
اني اريده يبقى بحياتي
وهو هم يردني ابقى بحياته وبس
مطمعانين اكثر
مرت الايام
امي كصيت الها اقماش ابيض ودزيتهن للخياطه تخيطهن الها تعمر بيهن
امي سبق ورايحه وي ابوي للحج
حضرت جنطتها
باجر تسافر
سويت الها كيكه وكبب وبورك خليت الها بحافظه
ماما هذن تاكلوهن بالطريق
فدوه اروحلج
انه اكل تدرين بيه
ميخالف لحازم ادري بمرته متسويله شي
فدو اروحلج بنيتي شكد حنينه
الجهال التموا ع بيبيتهم
وهي تبوس بيهم
شتردون اجيب الكم
كاموا يطلبون منها وفرحانين
شويه واجو بيت خالي
خالي وامل ومحمد
اجوي يسلمون ع امي
وراهم اجه مالك وخالتي
خابرت ع حازم اجه
بقينا لنص الليل سوالف وضحك
كلش حلوه لمة الاهل
الصبح ودعت امي للمطار اني وخالتي ومالك
رحنا بسيارة حازم
ورجعنا للبيت
كمت ابجي احس امي اخذت روحي وراحت
وحازم رغم السواه بيه بس ماعندي يعد سند غيره
طول الطريق ابجي
وخالتي تسكتني شجاج خاله زغيرونه انتي
اي خاله صغيره بدون امي اضيع
هاي اول مره تفاركني
اني لو ما جهال ازهر جانت رحت وياهم
مااكدر افارك امي صعب علي وهي مريضه محتاجتلي
اخاف ازهر ميعرف لدواها لو ينساه
لا تخافين شنو القصه حازم كولشي يعرف ولا تفاولين عليها
ادعيلها ترجع
قابل وين رايحه هي
لبيت الله بالعافيه عليه الي يروح
ويلزم بيت الله
تحجي واني مختنكه
مالك كام يتأفئف
اخر شي طك مكدر يسكت
كال كافي احتركوا اهلي شلعتي كلبي
ع شنو تبجين
ماادري مالك احس ماالي احد بالدنيا غيرهم
لو صارلهم شي وين اروح اني
كال واني وين رحت
لج والله سند الج طول العمر انت بس اشري
سكتني استحيت من خالتي احجي بعد
وصلنا للبيت
الجهال بالمدارس
البيت فارغ احس
بدون امي
خالتي صلي ع محمد يمه
شني هي اسبوعين غمض فتح تجي
ان شاء االله
بقت خالتي يمنا
تطلع تسوك النا
العامل مالت حازم هم يمر علينا
يجيب اكل مرات من المطعم لو مسواك
يكول حازم وصاني
اسوك الكم ولبيته
هنا مر اسبوع
وهدى ولا خابرت ولا اجت والا سئلت
امي تخابرنه يوميه بالليل
كوه احس خلصن الاسبوعين
ورجعت امي
احس ردت روحي بردتها
اجت محمله اشكال الوان من بيت الله
دراعات جايبتلي وعباي وجنط وعطور وبخور وملابس كومه لجهال حازم والعاب اشكال الوان
الجهال كيفوا
خالي اجه جاب خروف وذبحه الهم
سوينا عزيمه شكبرها
اجت هدى كوه شايله خشمها
ولابسه الذهب كله
تتعيقل عبالك مشايفه ذهب الحمد لله والشكر
بنت الفكر تبقى مشايفه لو تموت ماتتغير
امي عاتبتها ليش مامريتي ع اخلاص
دكولها اني يرادلي واحد يمرلي
ليش اني مو وحدي هم
اشرت لامي تعوفها
عاد شلون ميته عليها
سيوفي طابك وي نرجس دك سوالف
حازم كله اي بعد نسق وي خطيبتك من هسه
ضحكنا سيف اول متوسط جان ونرجس
ثاني ابتدائي
حجت هدى اوي شنو قحط نسوان
ازوجه بنت ريهام ابني هسه تطلع ع امها ماعدها رحمه
حازم خزرها
جانوا خوالي هنا
خزرها وسكتت
اني هم سكتت محجيت بس بكلبي فرت فور بودي اكطعها تكطع
بس محجيت ضميتها الها من طلعوا
كتلها اكولج انت اشايفه روحج هاا
اكولج تره انتي بخير ابوي كبرناج فلا ترفعين خشمج زايد علينا
ومرت الخ اذا حجيتي هالحجايه متلومين اله نفسج سمعتي
طاري ريهام لا جيبيه ع السانج
ياا والله عيني خلوصه طالعلج السان العانس
دخل حازم جان يوصل خالي للباب سمعها هيج كالت
اجه عليها ضربها راشدي
كلها هواي جاي تتجاوزين وساكتلج
انت شنو من بشر
شنو هيج تحجين كدام الناس ماستحين
لج شنو انتي ماكو رحمه بكلبج
واختي مو عانس وانت تعرفين كلش زين
امشي يله جيبي جهالج وامشي
هي سكتت ولا حجت شي
حل برد كلبي بيها
راحوا وامي استلمتني كله منج سويتي مشكله بينهم
يمه انتي لشوكت تبقين تخافين منها
بس كليلي مسويتلج عكد لسان
مشفتيها شلون تحجي كدام الطفله وتعيرها بامها
هي عقلها هيج جاهله
شبيها جاهله مره شكدها شكبرها
ضلت اني تحجي
عفتها ونمت الله لايوفقها طيرت فرحتنا
وللحكاية بقيه
اسفة ع التاخير عندي خطار جان