#ضلموني
البارت الثامن
ام مصطفى
كال تفضل
اباوع دخل خالوا ابو عثمان
ودخل وراه مالك وخالتي
كلها نصدمت
احنه بهوستنا بعدنه واني منكوشة وشعري املخ وخشمي يجري دم
شفت خالي وركضت عليه خالو خالو
شافني تخبل
منو هيج مسوي بيج
دخل مالك تخبل من شافني
وخالتي
صاحت شصاير
مالك جان بوجهه ضربات ولاف ايده وكصته عليها لزكه
عاط خالي
منو ضاربها
صاح حازم اني واكسر راسها
وهذا شكو جاينه للبيت
أفضل اطلع بره
لك احترم نفسك جاي وياي واطرده
معناه تطردني
لا العفو خالو بس هذا مااريد خاين العشره
ليش شمسويه
خالي يباوع ع عرضنه
وبكل عين كويه يكلي احب اخلاص ومتصير لغيري
وليش هيج كلك
لان رفضناه
وليش ترفضه بيه عيب هو
خالي رحمه لوالديك لا تدخل بينه بكيفنا هاي اختنا
وبعدين شنو هذا المهتلف وانطيه مره
احنه مكعديها ابيتنا
خالتي حجت
ليش خاله مهتلف اشفت عليه اشو الحمد الله كامل مكمل
إذا ع بيتكم من باجر اروح لديالى
واكعد ابيتنا
احنه مو ماعدنا بيت عدنه وعمام مالك معروفين بديالى روح اسئل عليهم
اني من اجيت هنا بامر من اخوي ابو عثمان طلب مني
اجي ابغداد واعيش قريب منهم
اجرت بيتي
واجيت ادور بيت
الحجي الله يرحمة
كعدني بالبيت ومقبل ياخذ مني فلوس
كال مو عيب اخذ منكم شنو غريبه انتي
مشه لجهالي راتب كل شهر
جنت استحي ارده
مادريت يجي يوم تعير ابني ياحازم
جان مكعدت بالبيت ولا دقيقة
خالة اني مو ع البيت
بس الصراحة مالك ميناسب اخلاص
واني هم انطيت كلمة لنسابتي مااريد اصغر كدامهم
خالي حجه وانت باي حق تنطي كلمة واختك ماتريده
مو بكيفها متعرف مصلحتها
وانت منو موكلك عليها
امها موجوده وهي مو قاصر تره
خالي كال اكعدوا كعدت بصفه
وكل شويه عيني تروح لعيون مالك
هو متأذي واني هم
كمت الملم بشعري وامسح بوجهي
صار حجي بينهم
بس اني ومالك بغير عالم همه يصيحون
واحنه واحد صافن بعين الخ
عاد كبوا
حازم مصر وتعارك وي خالي
مالك حجه
حازم إذا تريد تتنازل الك ع الورث اخليها تتنازل
اعرفك انت خايف ع ورثها
خلي تتنازل وبعد مالها طبه هنا
باوعلي مالك تتنازلين
كتلة لا
هذا حقي بالشرع وبالقانون ليش اتنازل
لعد ماكو زواج
خالي ضل يصيح علي
ضل يتجاوز ع خالي تالي كام
كله من اليوم ورايح لا اعرفكم ولا تعرفوني
سكت حازم
ازهر كبه دكول يا الله خالي
لا خالكم ولا اعرفكم
مع الأسف انتم ولد حجي حسن
ابوكم جان ينضرب بيه المثل
كال لمالك كوم خالي كوم
الله مقاسمها الك ربي يعوضك بغيرها
باوعلي بقهر
صاح حازم فرغ البيت سمعت لك من باجر ما الكاك بيه
جاوب مالك من اليوم طالع لديالى وبعد
متشوف طولي يا ابن خالتي
صح احنه فقره بس عدنه عزة نفس
خويه تسوه كنوز الدنيا
كومي يمة كومي اني دكيت الباب الغلط
طلع خالي ومالك حتى ماالتفتلي وطلع
وخالتي تبجي
حازم راح
امي بس طلعوا تخربطت
واخذها ازهر وراح
مااكدر اروح وياها اباوع ع وجهي
مشوه
متت بجي وقهر ع امي مدري ع حضي مدري ع مالك مدري ع الوجع الي احس بيه
