#ظلموني
الجزء الثاني من البارت الاخيير
بقلمي ام مصطفى
دخلت للبيت جان صغير وحلو مرتب
المره تلكتني
حازم كلها ام زينب تره هي مكسوره مثل مكتلج
اريدج تعينيها ومتعوفيها هالفتره
حتى تباتين يمها
كالت مو تدلل ابو سيف والله اخدمها بعيوني
عاشت ايدج وراتبج هالشهر مقدم تستلميه وكلما ترضى عليج ازيدج
دخلتني للغرفه بيها غرفة اخشاب كامله
كالت بنيتي نامي ولا تتحركين شتردين اشري
المره جان عمرها بالخمسين
بس طويله وضعيفه ونشطه بعدها
مبين عليها شاطره
كتلها رحم الله والديج خاله
البنات اجوني ماما وين غرفتنا
حازم كلهن فوك غرفتكم
وحسون يم اخلاص ينام
اي حسون يمي مااعوفه
راحن يركضن هنه
كال ها عجبج البيت
كتله خير من الله اهم شي راسي بارد من المشاكل ومرتاحه
جهالي يمي
كلش زين لعد راح اسوكلكم وارجع
واي شي تحتاجوه اكتبوه بورقه
من اجي اخلي العامل يجيبهن الكم
ان شاء الله
طلع
اباوع ع البيت مرتب حلو غرفة نوم جوه واستقبال صغيره وبنصهن صاله ومطبخ صغير جوه
عبالك بيت بيوت هههههه
متعوده ع بيت اهلي جبير ٥٠٠ متر جان
بس الحديقه ١٠٠ متر
وبيت خالي هم جبير
البيت هذا صار بنظري بيت السنافر
بس حلو حبيته ولا مشاكل هدى
وكعدتي يم الناس
وحتى بيت اهلي جبير جان ومتعبني بالتنضيف
نزلن البنات يتعاركن يمي
شكوو شبيجن
اخذت جربايتي
اني عاجبتني فله
لا اني اريد فله الي
شبيكم ماما تخبلتوا صغار انتن تتعاركن ع الجرابي
اني اريد الورديه ام الفله
ليش ذيج شلونها
سمائي بيها توم وجيري
شنو ولد اني اخذها
هاي مريم تحجي
لج مريم ماما هي توم وجيري للولد قابل
مو كلنا نتفرج عليها
ماءءء معلي اريد فله لابسه بدله وحلوه
نرجس ماما انت جبيره انطيها لاختج
واني بس اطيب
اجيبلج وحده نفسها بالضبط
باوعتلي بزعل اي كله مريم تاخذ الشي الاحبه مني
مااحبها هاي مو اختي عدوه
يااا عززه شلون هيج دكولين ع اختج
شوفيها شلون تعيب وتغور بيه
ادري انت مو كبار شنو هالسوالف مال المزعطه
بطلوها لو ازعل منكم
وبعد مااحجي وياكم
لا لا راح نصالح
تباوسوا كدامي يله
اي ماما صار
عفيه بالحبابات
يله روحن العبن
خابر مالك
جاوبت الو
الو ها حبيبتي شلونج
شنو الاخبار
الحمد لله زينه البيت صغير وحلو لامنا
وحازم جايب مره تساعدنا
وانت شلونج
الحمد لله دا اخذ العلاج والابر والله كريم
اشتاقيتلج
واني هم
شوكت نلتم اريد اخذج بحضني واضمج حيييل لصدري واطلع قهر سنين
احم مالك استحي تره
واني شكلت
وع شنو تستحين انت هسه زوجتي ع سنة الله ورسوله
لازم تتعودين علي
حياتي كافي تستحين
تعودي منا وهيج ع هيج حجي واكثر
لج عمري كله احلم تصيرين زوجتي واخذ راحتي وياج واعبرلج عن حبي الج
