#ضلموني
البارت الحادي عشر
ام مصطفى
انتقلنا لبيت خالتي
بعد مااصر مالك اله نكعد عدهم
مااردت اروح يمهم
بس امي كالت عيب
يمة خلينا اهنا
والله احسن النة
لا عيب بعد الولد حلف يمين
بعدين ابيت خالتج احسن ناخذ راحتنا
وبيتهم مسدود
اوف مااعرف ليش استصعبتها
رحنا لبيت خالتي قريب كولش وراهم
شلت جنطتي وامشي بتردد
ياتره راح اتحمل اكعد وياه بنفس البيت
شلون اتحمل اشوفة وياها سوه
امشي وفكري كله يمة
وصلت لباب البيت
صار بوجهي
كال هله اخلاص تفضلي نور البيت بدخلتج
باوعتله بنظره ورجعت نزلت عيني شكرا
شلونج
الحمد لله
طلعت امل
ها خلوصه اجيتي
انداريت الها اييي
ومشيت باتجاها عفته واكف وراي
كوه امشي يربي مجاي اتحمل
شلون اختبار صعب هذا
-امل تعالي حبيبتي فدوتي
دخلت البيت مقبط مثل بيوتنا استقبال من جهة اليمين مسدوده
ومن الجهة الثانية مطبخ
فتت من للمطبخ دخلنا لصاله جبيره
وكبالها بيبان غرف
كالت فوتي حبيبتي
هاي غرفة ماما تعاي فوتي دخلي ملابسج هنا
اي اي مشيت اشرت ع غرفة كالت هاي غرفة مالك
انفتح الباب طلعت نسرين عيونها حمر
مبينه باجيه
شافتني كبالها سلمت وراحت للمطبخ
هزيت راسي لامل شكو شبيها
هيج هي ومالك مدري شكو
جان جوه يمها واسمعهم يتعاركون
مدري ليش حسيت اني السبب
دخلت لغرفة خالتي
امل كالت حضرتلج الحمام تعالي اسبحي وغيري ملابسج
اي والله اموله كلش تضايقت من ملابسي
عندج ملابس لو اطلعلج مني
لا عندي وجايبه وياي دشداشتين
ديله لعد فوتي اسبحي
فتحت جنطتي
طلعت دشداشتي جانت قماش فانيلة ردن طويله بيضة مخططه باسود وبيها
رسم ورد
واخذت الخاولي
واكفة امل بالباب
تعالي فوتي
اجت امي وريهام وبناتها
ريهام كوه تمشي
بطنها واصله لخشمها
ها وين
راح اسبح متت
ايي لج حتى ادخل وراج اني هم
اي اوكي
خالتي فاتت هي ومرت خالي
دخلن بالصالة كعدن
عاد فتت اني للحمام
خطيه اموله خاله الشاميو وصابونه
والمي دافي جات
فتحت الدوش
وسبحت شكد ارتاحيت يمه
عبالك صار سنة مسابحة
كملت كمت انشف
لبست وطلعت الخاولي ع راسي
فات مالك مني يباوعلي
كال
نعيما
محجيت بس ابتسمتله
يربي مجاي اتحمل شلون شيخلصها
فتت ختلتي كالت حمام الهنا يمة
تسلمين خاله
دخلت لاغرفة نشفت شعري ومشطت
ريهام اخذت بناتها سبحتهن وطلعتهن الي
هم مشطت الهن وهي فاتت سبحت
وطلعت
صبوا العشه
نسرين ساكته متحجي بس تشتغل بعصبيه
كعدنا ناكل
خالي ومالك وازهر ومحمد بالاستقبال كاعدين
واحنه بالصالة
دخل مالك كال خوما ناقصكم شي
امي جاوبت
لا خاله عساك سالم
اني مرفعت راسي ابد
صاح ع مرته تتناوش منه المواعين
رحت واحنه ناكل
خلصنا امي كالت يمة عيب كومي ساعديهن
اي ماما هو هم كلت اني اي بعد امج
كمت اشيل بالمواعين ولميت الفضله الزايده
مسحت السفره بسفنجه وشريتها
بعدين
دخلت جانت امل تنظف بالموعين
كتلها اني اغسلهم اطيني
نسرين واكفه تمسح بالكاونتر
من سمعت ركضت علي
جرت مني السفنجه والماعون
صاحت بعصبيه لا شكرا ميحتاج
اني اغسلهن
انتي خطار منريد انتعبج
فشلت منها ورجعت
امل باوعتلي واندارت الها
تره اخلاص مو خطار ولا غريبه
احنه اهل ورابين سوه
وعادي متعوده نبات يمهم ويباتون يمنا
ووحده تساعد الخ
