#ضلموني
البارت العاشر
ام مصطفى
سمعت باسمة وجمدت بمكاني
باوعت كولها نايمة
رفعت راسي اريد اشوفة اشتاقيتله هواي
عدلت شعري ربطتة بالقراصة وكمت ع حيلي
مااعرف شلون مشيت
جنت نايمة بملابسي تنورة وقميص
لان مكدرت اغيرهن ازهر بالغرفة جان
فكمت فتحت الباب
امل صارت كبالي
وهو منطيني ضهره يحجي وي امل
امل باعتلي
اندار علي هو
صارت عيني بعينة
كمت ارجف من فوك ليجوه
ياربي مااريد اضعف
كوه واكفة ع حيلي
اخخخخخ شكد مشتاقتله
شوفته رجعتني لاحلى ايام عمري
لذيج السنين وابويه و ايام الطفوله والمراهقة
بلحظه كولشي نعاد كدامي
اخلاص شلونج
حجيت بصوت ضايع
هلو مالك الحمد لله زينه
ورجعت ليوره ردت ادخل
كافي مدا اتحمل اخاف افقد
خاف اصرخ بوجهه واكولة اشتاقيتلك
ليش خذلتني ليش ازوجت
انسحبت بهدوء
بس كمت ارجف جسمي كله يرجف
وكلبي وجعني ع حركة معده
نغزه ورجفة بكلبي صارت
محد يعرفها بس الي عاشك وعايش الحب
امل حجت
اخلاص خالتي كاعده مالك يريد يسلم عليها
حتى مرديت عليها
رجعت فتت
امي حست كعدت
شافتني واكفة
ها كامت كعدتي بيش الساعة هسه
ماادري ماما بس دنيا عصر
كالت شبيج لونج مخطوف
واحوالج متخربطه شكو
شكو ماما غير هستوني كاعده
كالت خلي اكوم عيب من العالم
كامت فزت مريم تبجي
جانت مرعوبة من صوت القصف
ومانامت
كعدوا كلهم ع صوتها
طلع ازهر
اسمعة اتسالم وي مالك
واني من يمي كلبي يدك
شلون اطلع شلون أشوفه بعد
ياربي ليش شفته ليش التقيت بيه
مااتحمل قربه يمي
هذا الشخص
دخلت امل
صح النوم عيني
دنكت ع امي باستها
خاله مبين تعبانين
ايي والله يمة كلش
الله يساعدكم
اكلج عثمان اجه لا
لا والله خاله وخالي رايح جاي ع الشارع
ومرت خالي كلش قلقانه
حتى محمد وومالك هستوهم رجعوا
راحوا للكراج ورجعوا
عبالهم يشوفونه هناك
والاتصالات انقطعت كولها
والله ضل بالنه كلش عليه
أن شاء الله يوصل بالسلامة
كل غايب وعذره وياه
خلي اكوم عيب من مرت الشيخ
باوعتلي اخلاص كومي افرفرج بالمزرعه هاي الي دوم اسولفلج عليها
تذكرين من اكلج تخبل جنه هناك
اي اذكر
دكومي لعد
لا مااريد اطلع
ليش اخلاص
باوعتلها افتهمت هي
كومي كومي يمعوده نروح مكان محد بيه
اخذت نرجس بيدي وطلعت
جرتني امل بس كوه امشي
مااعرف شجاي يصير بيه
شفته واكف وي امي وازهر يحجي
صارت عينه علي
دنكت
امل كالت تعالي نروح يم الشط
جان بيتهم بنص بستان
تمشي امل وامشي وراها دكلي شوفي الطبيعة شلون حلوه شوفي المكان يجنن
صدك مكانهم يخبل
اشرت هذا بيتنا شوفي
باوعت بيت جبير حلو
شميت ريحت خبز
ترد الروح
كالت من ترجع اخذج اشوفج بيتنا من جوه
نمشي بنص الزرع
الخضار يجنن
اكو جان طريق تراب ياخذج للشط
مشيناه
من بعيد شفت مرت مالك تخبز
بتنور طين
باوعتلي من بعيد
واندارت اتطلع بالخبز
درت وجهي ع الصفحة الخ
جان اكو ابقار تاكل بالزرع
الله شنو هالمتظر
يربي مشايفة هيج منظر بس بافلام كارتون
معقوله حقيقه
سبحان الخالق
وصلنا يم الشط
جانت اكو نزله
تكعدين عليها أو تردين تنزلين للبلم
قارب صغير مربوط بخيط ومربوط بغصن شجره
لج امل شنو هاي الطبيعة الحلوه
انفتحت نفسي جريت نفس
يخبل النفس تحسبه صدك نقي
الله
ردت روحي
اي اخلاص يخبل المكان
تذكرين من جنت اكولج اروح لبيت عمي بالعطله
لان مكانهم يخبل
جنت العب اجي هنا ونصعد اني ومالك
بهذا القارب
من جابت اسمه جريت حصره
كالت بعدج تحبيه اخلاص
ليش اني حبيت غيره
فتحت عيوني ع عليه
طفولتي ومراهقتي وشبابي وياه
مو عشرة يوم وانساه
عمر عشنا سوه
اه يله مالنه نصيب
انه الحبيت والغيري صفيت
تره هو هم حبج من كل كلبه
وحب صادق
وحيل اتاذى ع فراكج
اي مبين ركض ازوج
لا اخلاص
تره مر بضروف بس الله يعلم بيها
وعمي انطاه بنته غصبه عليها
راده ينساج
ليش عمج يعرف بعلاقتنا شنو
ليش منو ما يعرف
غير بوكتها وكع مريض
وجان مضروب
وامي حجت الهم الصار
ورادوا يجون يوكعون ع عماكم
حتى يخطبوج وبلكت يوافقون
بس مالك مقبل كلهم لا ما انزل كرامتي واروح الهم مره لخ
بقى متكأب
وتمرض نفسيا صار عصبي كلش ع كلشي يعصب
امي رادت تزوجه رفض
بعدين عمي مله غصب عليك تاخذ نسرين
بقى خاطبها فتره وتزوجوا
طبعا هي كولشي تدري
وهو حاجيلها انو يحبج جان
وهي متفهمه ع اساس
وتكله بمرور الوقت تنسى
جانت علاقتهم بارده
بس من حبلت لا احسهم اندمجوا
وكام يهتم الها
هي تحجي واني كلبي يدك سريع
واختنكت
حتى الهوه كمت مااشتمه كوه مسيطره ع دموعي
اتعس شعور هو هذا الشعور
تحس شي ملكك ويروح لغيرك
وانت لا حول ولا قوه متكدر تسوي شي
لا الك ولا اله
كتلها الله يوفقهم ان شاء الله
زين انت ليش لهسه ماازوجتي
مااريد انكسر كلبي
مو ابالي
وهم حازم يطلع بالواحد الف عيب
الله كريم
اي وانت شلون حياتج وي محمد
لا الحمد الله زينه ومحمد يحبني
وينه هو مشفته ولا مشتاقتله
جان رايح يشوف عثمان بلكت اجه للكراج مالت ديالى
هااا خطيه ان شاء الله يجي بالسلامه
حسيت أحد يمشي ع الزرع ويطلع صوت
التفتت شفت ولد شاب طويل
وعنده لحية خفيفة
يتوجه علينا
امل هذا منو
ابتسمت هذا ابن عمي احمد ابن الشيخ
اتقدم
كال الله يساعدكم
اموله شلونج
ويباوعلي باستغراب
هز راسه منو هاي
اعرفك هاي اخلاص بنت خالتي
اجوي شاردين من القصف
ولكفناهم هههههه
كل الهلا بيهم
عفيه احمد همزين اجيت
تعال صعدنا بالقارب شويه نفتر
ضايجين
اي مو تدللن
نزل فتح الرباط
وكال يله اصعدن
عزززاا امل وين ولج
شبيج وشويه نغير جو
لا يمعوده انوب نرجوسه وياي
لا استحي غير مره
شبيج مدام احمد هنا خوش يمشي القارب
لا استحي والله
صاح يله اصعدن
امل كللتله غير مره حمودي
ع راحتجن
ضل واكف يم البلم ويشاقي بامل
كتلها اموله نرجع
لا لج خلي نبقى للغروب احلى شي هنا من تغرب
لا عفيه استحي من الولد خلي نرجع
اوكي امشي
بس غير مره اصعدج بالبلم
اوكي ميخالف
رجعنا
كالت امشي اشوفج البيت
لا مو هسه لان ضجت
شبيج
هيج ماكو شي اريد ارجع يم امي
يله امشي
وصلنا
لكيت مالك يحجي وي عمه الشيخ وازهر وخاله
يكلهم بيت خالتي بضيافتي
يرحون وياي للبيت
الشيخ يكله عدي ابيتي انه مضيفهم
وهو مصر نروح للبيت
يكول شنو قابل غربه واعوفهم بغرفة الضيوف
يرحون البيتي معززين مكرمين ذول اهلي
تعذر ازهر وتوسل
هو ماكو الف يمين نروح لبيتهم
وللحكاية بقية ام مصطفى
بارت صغير اعذروني هذا الكدرت اكتبه 😘😘
