#ضلموني
البارت الثاني والعشرون
ام مصطفى
بقت امي لثاني يوم شايله مني وتحجي علي
سويتي مشكله والولد جاي تعبان
ماما هي بدت ويراد واحد يوكفها عند حدها
اذا سكتت مره لخ
راح تعيدها ع البنات مره ثانية ...
كاموا الجوارين يجن يباركن لمي ع العمره
وامي توزع بالهدايا للجهال التجي وياهم
اجوي بيت عمي هم ومرت عمي تغدو وراحوا
بعدين اجه خالي ابو سلوان وابنه
اسبوع الناس تروح وترجع
والله هلكت واني وحيدي
اركض منا واجي منا
اي بالطبخ وايد بالتنظيف
والجهال يرادلهم وقت تدريس
والعب وياهم مرات
امي شو من اجت بدت صحتها تتدهور
تعبانه ونايمه
وع الطول السكر صاعد عدها
وكل ساع اضربها ابرة انسولين
ورود بنت خالي عرسها الخميس وعزمتنا
ورود خلصت ماجستير
وازوجت عميد بالكليه وياها
امي كامت متكدر تتحرك
كالت مااروح اخذي الجهال وروحي
يا اشلون اعوفج وحدج
مااكدر
دروحي بنيتي قابل تنحبسين وياي
وبعدين عيب من بيت خالج
ع كلشي همة يجونه ركض
لوما همه احنه بالضيم منو النه غيرهم
بيت عمج بالسنه مره يجون
اي ماما ميخالف
بس وحدج مااعوفج
نرجس كالت اني ابقى يم بيبي
شعجب ولج مترحين
مريم كالت ماما اني اكلج ليش تريد تبقى
تريد تلعب بالاتاري وحدها
هااا مو اكول شعجب
زين لعد اني مااطول
اي شي يصير خابريني
من مبايل بيبي
اي اي
لبست حسوني
ومريم واني هم بدلت
طلعت للسوك اليمنا اخذت الها محبس ذهب
بذاك القوقت ب٢٠٠ الف
اجرت تكسي ورحت
لكيت كولها جايه ملتمه
بس العروس بالصالون بعدها
اموله عيد عدها من اجي اني
خطيه شفتها مشغوله باللفات
اسرفنت كتلها اساعدج
لهناك طبت نسرين
تباوعلي صفح شلونج
الحمد لله
مااهتميت الها
وكفت يم امل
اموله تدرين البارحه مالك حبيبي جابلي كلادة ذهب باسمه هاي
كالت الها بالعافيه حبي تستاهلين
اي هو هم يكول
لج مااكلج يموت علي صاير
عبالك بطل السحر ورجع لاحضني مشتاق
كامت تشاور بامل وتضحك
شكد سخيفه عفتها وطلعت
مريضه مو بيدها
اجتي العروس
شطالعه تخبل
سلمت عليها وكعدت
اباوع الها شلون فرحانه وزوجها هو جابها حناها وراح
شكد حلوه
يربي لعد اني ليش انحرمت من هاي اللحظات
جنت اتمنى البس بدلت العرس
حالي حال اي بنت تحلم ابدلة عرس
وعريس تحبه ويحبها
هزيت راسي استغفر الله شبيه اتحسد البنيه
ربي يهنيها
والله يعوضني خير بجهال اخوي
شغلن اغاني وكعدن يركصن البنات
اجت بنت مالك باستني شلونج عمه
فدوه حبيبتي بستها وكعدت يمي
دوم تجينا وي خالتي
فتعرفني
اشو هاي المسمومه اجت طايره
خوخه كومي شعندج يمها كاعده
جرت البنيه حيل ومشت
عمةةةة اي والله عمةة شبيها
شكد لعد محتركة مني
هسه اني يمج لو بس اعرف شبيها
