#ضلموني
بارت صغير جدا باجر اكمله
بارت الثالث عشر
ام مصطفى
عفته واكف ورجعت للبيت سريع مخطوف لوني
انوب احمد علي
بعد مااطلع امشي وأدردم صارت
نسرين بوجهي خزرتها
وطبيت
دخلت للغرفه امي نسولف
عرفت مالك يكذب
كالت ها شو رجعتي
اي تعبت كلت ارجع
ماما شوكت نرجع لبيتنا والله ضجت
ان شاء الله بس نشوف الاوضاع
دخل ازهر كال ماما
حضروا روحكم باجر نرجع لبيتنا
صدك يا الله
اي والله
يكولون سقطت بغداد والاوضاع هادئه حاليا
خلي نرجع بوم تره هنا الاوضاع راح تتأزم
ليش
بدوا الحزب ينهزمون لهنا
وفدائيون صدام دخلوا لديالى يكولون
خاف تصير معارك ومنكدر نرجع
باجر الفجر نطلع
اي ان شاء الله
شكد ارتاحيت من سمعت راح نرجع
مرت خالي كالت رجع وياكم
ضال بالي ع عثمان
مدام انفتح الطريق نرجع
راحت تحاجي خالي
شويه واجوا
كالوا تحضروا باجر نطلع سوه
كمت لملمت ملابسنا
جنت غاسله حبل ملابس بره
كلت لمي يوم جيبيه
مااكدر اطلع الولد بره
راحت جابتهن واجت
خليتهم بالجنط
امل طبت
ها لج وين رحتي مو منتظرتج تالي مليت ورجعت
انتبهت علي الملم
شكو اخلاص شصاير
لج باجر نرجع
وبيت خالي هم يرجعون
يكولون انفتح الطريق وبغداد سقطت والاوضاع هادئه
باجر الفجر نطلع
صدك تحجين
اي والله
راحت ورجعت
كالت اني هم راح ارجع
لان محمد يكول نرجع
خلي الملم غراضي
اي اموله
بس سوينه اكل للطريق
خطيه بنات ازهر يجوعن
اني مااكدر ادخل للمطبخ تعرفين
اي عفيه صدك لازم اسوي اكل
كلشي يصير بالطريق
راح اسوي نواشف وخبز ناخذ
اخلي نسرين تخبز
راحت امل بالمطبخ
وبقينا بوكتها للصبح نسولف كلنا كاعدين
الفجر صلينا وتريكنا
كالوا يله
بديت نصعد بالجنط
صعدوا بيت خالي بسيارتهم واحنه بسيارتنا
مالك يباوعلي بحزن
كال لخالي باجر عكبة اجيكم
ويباوعلي عود يسمعني
خالتي تبجي
طلعنا وذبت ورانه مي
طلعوا احمد ومالك بسارتهم يمشون
ورانه وصلونه لنص للطريق
بعدين اشرولنه
وكفوا
نزلوا الولد اسالموا وياهم
اجه يم الجامه مالك
دكها نزلتها سلم ع امي
وكال الله وياكم طريق السلامه
يباوعلي بقهر
حتى امي احسها انتبهتله
ودعونا ورجعوا
واحنه طلعنا
وصلنا لمدخل بغداد
جان ازدحام
كالوا امريكان كاطعين الطريق
بقينا ساعتين بالازدحام
البنات جاعن طلعن لفات مسويه الهن
ومي
كمنا ناكل كلت همزين جبنه ويانه
ساعتين يله وصلنا سيطرة الامريكان
لول مره نشوفهم
والناس تاشر الهم وتسلم
كود كود مستر
ويصيحون وتضحك العالم وياهم
سي جديد علينا مشايفيه
طلعنا السيطره
ودخلنا بغداد
جانت متربه وعبالك مهجوره
وللناس تحمل اغراض
من الداوائر
كلت لاازهر شكو هاي
كال نهبوا الداوائر ومقرات الحزب
يا عود ليش
صارت بعد هيته ماكو قانون
ها
نمشي ونباوع والله نعصر كلبي
خراب وبغداد مدري شلونها صايره
وصلنا لبيتنا تقريب ساعة ١٢ الظهر
من الازدحام
نزلنا اووف هسه ردت روحي
دخلت للبيت
امي كالت فريت مكه ورديت غير بيتي مالكيت
البيت صاير تراب عبالك تاركينه سنين
صار
نزل ازهر الاغراض
واني استلمته غسل وتنظيف
همزين التانكيات تارستهن
ومي جان يجري بوكتها بس بله ماطور
ماكو كهرباء
ساعة خلصنا تنضيف
اكلنا لكمه
وكلمت دخل لغرفته نمنا
ذبينا روحنا للمغرب يله كعدنا
كمت نسوي عشه كلشي ماكو ماعدنا
امي كالت سوي تمن وعدس نتعشه بيه
عاد سويت
رهام كالت اريد أروح أشوف اهلي شلونهم مالونهم
كلها ازهر بدلي نروح اذبج عليهم
واروح أشوف بيت حازم رجعوا لولا
امي كالتله اي عفيه بعد امك
عاد راحوا
كعدنا اني وامي
ماكو كهرباء وعالكين فانوس
امي تسولف بعمام مالك شلون ناس
شلون استقبلونه
ربي يوفقهم لو ما همه جان الله اليعلم بحالنه
ضلينا كاعدين
وره وساعتين تقريبا طب ازهر
ومكلوب وجهه
كال وين امي
كتله شكو
حازم بيه شي
لا
زين اجو
اي بالبيت
لعد شكو احجي
كال عثمان مات
شنوو
اي والله
ليش وشلون
من طالعين منا اكعه طلقة وطايحه براسه وميت
يمةةة عزه
منو كلك
هسه غير مريت ع بيت حازم وفتت من الاعضميه قريت القطعة
ركض رحت لبيت خالي
لكيتهم يتصارخون صارله ٨ أيام ميت
ودافنيه
واحنه مندري
يمةةةة عزه الله يساعدهم
هسه شلون اكولها لامي
لازم نروح عيب
ايي اي
اووف مدري شصار بيه متت بجي
فتت شافتني امي ابجي وازهر مخطوف لونه
صرخت يمةة لا دكولون حازم بيه شي
لا يمه مابي بس
بس شنوو احجوا
ازهر حجه يمه عصمان ميت طلع
صرخت يمةةة ابن اخوي
كامت تعيط
لبستها عباتها
ولبست اني هم وصعدنا
كال ازهر بس امر ع ريهام اطيعا خبر
نبقى هناك حتى هي تبقى يم اهلها
نزل من ودخل حاجاها تطلع
بيتهم قريب علينا
رحنا للاعظميه لبيت خالي
والكهام يتباجون
شفت مرت عثمان منتهيه خطيه
ومرت خالي تدك وتلطم
شافونه نصرخ طبينا
وهنه زادن
امي خطيه تصرخ
شلون متت شلون
ومرته تصيح مات بين اديه مات كدام عيني
اويلي عليك عثمان
متت بجي وقهر
بتنا يم بيت خالي
لان خالي سوه فاتحه ٣ ايام
يوم الثالث اجه مالك
تفاجأ بالفاتحة
يتبع ....
ام مصطفى
