#ضلموني
البارت السابع عشر
بقلم ام مصطفى
امي كامت تلطم وين راح الولد
اني اخابر وريهام نخابر
ماكو مغلق
تالي امي كالت دكي ع اخوج حازم خابريه
خابرت حازم
دك دك ماكو
بعدين جاوب نايم الوو
هلو
اني ابجي الو حازم
حجه حيل
هاا اخلاص شبيج
امي بيها شي
لا حازم
ازهر لهسه ماكو مجاي
شنو مجاي يعني وين
مااعرف والله
مخابرتوه
نخابر ماكو مغلق
من شوكت طالع
هو من الظهر
ريهام دكول راح ع بيت بالكراده يشتريه
اي
ولهسه ماكو
اخذ فلوس وياه
مااعرف
اسئلي ريهام لج
ريهام ازهر اخذ فلوس وياه
اي اخذ ٣٥ مليون
غبي غبي انعلس
شنوو
لج امي وين
هاي يمي كاعده لا تحجين شي يمها
شنو شحجي
اووووو لا تلغين
هسه شنو حازم
شسوي مااعرف حضر تجوال مااكدر اجيكم
والوضع موزين
بلكت للصبح
امي صاحت اطيني اخوج
هاج
اخذته ولك حازم يمه اخوك ماكو ممبين
شلون يمه شلون انام وتغمض عيني
اخاف صارله شي لو الامريكان اخذوه
ولك يمه شرتاح اخوك ماكو
اخذته منها وهي تدك
كال لا يصعد ضغطها طمنيها يجوز تاخر بشغل وصار حظر تجوال وتاخر مكدر يجي
هاا اكو هيج شي
لج ايي يجوز لا تفاولين ع الولد
صار عصبي ويصيح وسده
انوب اني خفت بالزايد
صدك الوضع يخوف
منا الامريكان يعتقلون عامي شامي
ومنا صار القتل ع الهويه
ونسمع ناس تكتل ناس
وتصفية حسابات
يربي شلون
امي كالت شكلج
يمةة يكول يجوز طالع لمكان بعيد
وتاخر وصار حظر تجوال ومكدر يجي
منا للصبح ننتظر وهو هم ميكدر يجي هسه
مو تعرفين حضر تجوال
واني شيصبرني للصبح
يوم نامي فدوه اروحلج لا يصعد ضغطج وين نولي بيج هسه بنص الليل
اخذتها ع فراشها
انمطلي يمه
اباوعلها عيونها ورمت
امي من يصعد ضغطها
عيونها تورم من جوه
فاعرفها
رحت اجيب قياس الضغط
لكيت ريهام تملخ بروحها
ياا شجاج
اخلاص ازهر اكيد انخطف
لج اخذ مبلغ جبير وياه
شلون عفته ياخذه ويطلع
اخخخ شلون ياربي لا تشعب كلبي بيه
اسم الله كولي ياالله
بقيت اصبر هاي واصبر ذيج
بساعتها الله انطلني قوه يمكن لخاطر امي
رحت قست الضغط لامي
صاعد معلك
اووف جبت علاجها يمه اشربي علاج صاعد ضغطج
رحت فورت نومي بصره الها
ريهام تروح وترجع
وتبجي
شربت امي النومي كوه
اذن كالت كوميني اتوضأ
ا
كومتها للمغسله احس حيلها انهد امي
توضت واني هم توضيت
ريهام شافتنه
هم فرشت مصلايتها
وصلينا
كولنا كعدنه ندعي يرجع بالسلامه
خلصنا كومت امي ع فراشها
لزمت السبحه تسبح
احسها غفت
اشرت لريهام نطلع ونعوفها
ريهام سمعت صوت حسن يبجي ركضت للدرج
هنا حسن عمره سنه نص تقريبا
ومريم ٣ سنوات
ونرجس اربعه ونص
راحت صعدت لحسن
واني تمددت ع الكرويته بالصاله
مااعرف شلون غفيت
فزيت ع دكت الباب
ايي يا الله بلكت ازهر
ركضت الجو هستوه بده يفتح
تقريب ساعه خمسه ونص الصبح
صحت منو
كال اني حازم افتحي الباب
بسرعه
فتحته
ها بشري
ماكو خبر كلشي ماكو حازم
رجعت طبيت جوه
لكيت ريهام سامعه صوت الباب ونازله
وامي كاعده
هااا
حازم دنك ع راسها وباسها
ماما لا تخافين ان شاء الله يبين منا لبصبح
واذا ماكو اطلع ادور
