#ضلموني
البارت الثالث
بقلمي ام مصطفى
من صعدوا امي اندارت علي ارتاحيتي
كتلج جوزي منها
ماما واني شسويت
هي بنها وكعت وانهدت بيه
دكلي شنو شغلج انت ليش مدرتي بال الها
ابوي حجة
نرجس عوفي اخلاص تره اني متحمل عليها
وردتها حجة
بس يارجال وين تريدهم يطلعون ويتبهذلون
وليش يتبهذلون
عدنا بيوت خير من الله ياخذله اي بيت
وخلي يعتمد ع نفسة هو ومرته
كافي منتكلين علينا
وبعدين من يطلع بعد مراح يعوف الشغل
يضل يشتغل لان راح بيته يحتاج مصرف
مو مثل هنا اكل وشرب بلاش فندق همس نجوم
وفوكاها مرته تريدلها خدم
مو هاي مرت ازهر مصارلها ايام هنا
اشوفها شلون مخليه ايدها وياجن بكلشي
مبين عليها بت اصول ومرباية زين
مو مثل ذيج ذرة احساس ماكو تنزل تاكل وتصعد
انتي واخلاص مو خدم عدها
جان حست كالت عيب عمتي مره جبيره وتخدمني
نزلت رهام الظاهر جانت تسمع بس تستحي تنزل
شافت ابوي
الله يساعدك عمو
هلة بنيتي
عمو متغدي اصبلك غده
لا يابة ماكل مشكوره
دخل للغرفة وامي وراه
لج اخلاص هاي شكو
عمي يصيح ع حازم
استحيت انزل ليش طلعهم عود
كتلها وين جنتي نايمه مسمعين
هدى والعركه الصارت
لا والله اخذتني نومة واني انتظر ازهر
لعد تعالي احجيلج
حجيتلها الصار
ضلت صافنه
اكلج هي هيج من زمان متسوي حاجه
لو لان شافتتي اجيت
لج هي هاي من يوم الاجت عروس
يمكن كم مره غسلت مواعين وبعد بطلت
تكعد الظهر وتلكة جهالها متريكين
ولابسين
تطبكة غده وريوك وترجع تخابر فوك لو مدري شسوي
حتى كعده متكعد ويانه
خطيه تره اكو هوايه هيج
يجوز عدها حالة نفسية متحب تختلط
يجوز ماادري بعد
دخل ازهر تبسمت رهام
ها حبيبي الله يساعدك تاخرت
اي والله صارتلي شغله
اصبلك غده
اي ميت جوع
سوده علي حبيبي
عيني صارت بيها حب وحبيبي اروح اني
عفتهم وصعدت
واسمع هدى تحجي وتصيح
دخلت وقفلت الباب من جوه
مدري ليش خفت
فتحت كنتوري كلت ارتبة
طاح البوم الصور مالتي
فتحت وبقيت اتفرج ع الصور
الله هاي من جنت صف ثاني ابتدائي
مالك واكف يمي ولازم ايدي
جان وياي نفس الصف
شبسرعة كبرنا
ياريت لو باقيه ع ذيج الايام
سديته للالبوم
وكعدت ارتب بكنتوري
تعبت عفته وتمددت
اسمع صوت حجي وصياح
فتحت الباب ونزلت
شفت جنط ع الدرج
يمة شبسرعة لمتهن هدى محظرات
امي دكله وين يمه من هسه طالعين
اي يوم بعد مالنه كعدة بالبيت
اودي هدى لهلها لحد ما ارتب وضعي
يمة شجاك حبيبي ساعة عصبية
قابل ابوك طردك
انطاك بيت تكعد بيه وهالشي المفروض يفرحك وليدي
اي ماما مصار شي
هدى هم تريد تشتري اغراض وتجهز البيت
لان راح اخذ البيت الي بالكاظمية قريب ع اهل هدى
بس بي مؤجر البيت
عادي يوم راح ابلغة اسبوع ويطلع وارتبة
اي لعد شكو من هسه طالع
فدوه وليدي لاتروح تدري بيه وروحي
متعلكة بالجهال
ابقوا منا هيطلع المؤجر وترتب البيت
نزلت هدى وتحجي
اختنكنا نريد نطلع
امي البيت الي انطرد منا مالي كعده ساعة بيه
وخلي خلوصة تشبع بيه
