#ضلموني
البارت الثاني عشر
ام مصطفى
كمزت رجعت ليوره صاحت بعصبيه
شجاي يصير
مالك التفت عليها ابرود
شيصير يعني اشفتي
واكف احجي بنت خالتي
اكو شي
والحجي ميصير بس بنصاح الليالي
لو تستحي جان احترمت البيت وكالت عيب احجي وياه بنص الليل
لو بنات بغداد ماعدهن مستحة
انت شكاعد تخربطين هااا
ارجعي فوتي لغرفتج يلله
اي حتى تاخذون راحتكم
حجيت أني
انتي فاهمة غلط حبيبتي نسرين
تره اني كاعده قلقة ع مرت اخوي
ومالك شافني
ديسئلني عليها
اي واضح كلش
عفتها ورجعت دخلت للغرفة
شجاني هسه وصفنت بوجها ليش اضعف كدامه
حقها البنيه حقها
اني وحده خفيفه ومااسيطر ع مشاعري
بس اني مسويت شي
المفروض هو يسيطر ع نفسه
اووف
صار حجي بيتهم ومصايح
اخذها الغرفه وهي تصيح وتغلط
رجعت لفراشي بنات ازهر يمي
تمددت بس لشتي كلها ترجف
خاف تصير مشكله
يربي
ويسمع ازهر وامي
هسه شطلعني للصاله
شجابني هنا
شوكت تخلص هالحرب ونرجع
مااريد ابقى كرهت نفسي وكرهته
بقيت اتكلب للفجر
اسمع صوت امي كعدت بفراشي خفت حتى اكوم اتلكاها
طبت للغرفه تكود بريهام
وكفت ها الحمد الله ع السلامة
لزمتها من ايدها الخ
دخلت خالتي شليله الطفل
شجابت كتلهم
كالت جابت حجي حسن
ولد صلاوات
دخل ازهر فرحان خاله اطيني خلي اشوفه
نامت ريهام ع فراشها
خالتي راحت جابو سله طفل
كالت هاي محضرتها لأبن مالك
ازهر اذن باذان الطفل
وباسه
كال راح انام متت نعاس
دخل مالك
ها بشرو
ولا درت وجهي عليه
خالتي كالت جابت ولد
كال بيها الخير الف مبروك زهوري
تسلم مالك يوم الالك
رحم الله والديك
امل كعدت تفرك بعينها
ها اجيتو
لا بعدهم كلها مالك
هههههه صح النوم لج تضلين تنبل مال نوم
انتي
ازهر كال اروح انام اني تعبت كلش
مالك راح وياه
جابت امي الطفل
لريهام مترضعيه سويه
خلي يرضع هسه حليبج يصير بي صنع لازم يرضعه لان بيه عافيه للطفل
خلته بحضنها وكعدت ترضعه
اني نعست عفتهم ونمت
للصبح كعدت ع صوت الطفل
امي تكمط بيه
صباح الخير ماما
صباح النور
ريهام هم كاعده
خالتي جابت الريوك
كيمر عرب وجاي وخبز حار
ولكم والله نعمه الناس بحرب وحصره عليها اللكمه
واحنه اطيب الاكل ناكل
لات كعدتنا صارت يمهم
وهمه كلشي ميشترون كله من البستان
وعدهم ابقار ودجاج و خرفان
والزرع اشكال الوان
خير من الله
كعدت ريهام اكلي يمه كومي انت نفسه
كمت اني اغسل وجهي
شفت ميريت بالمطبخ
باوعتلي وخزرتني
راحت ورجعت
مالك خط احمر ديري بالج توصليه
وراحت
هاي شبيها
غسلت وجهي كلت بعد مااطلع من الغرفه
