#ضلموني
البارت الخامس
بقلمي ام مصطفى
بعد مرور سبع اشهر
ريهام :اه اه
الحكلي ازهر راح اموت وجع عندي مو طبيعي بطني وضهري
راح اموت اخخ صيح عمتي
اي اي
نزل ازهر يركض
اني من يوم الي مات بابا
بعد انام يم امي بغرفتها مااعوفها وحيدها
اسمع صوت ازهر نزل ويصيح
يووم ماما مااااما وينج
طفرنا اني وامي
شكو
فحطان كوه يحجي وياشر ع الفوك
ماما هاي ريهام تصرخ يمكن عدها ولاده
ها بيها الخير لعد شبيك يمةة عادي
لا تخاف بس شغل السياره
حتى ناخذها
وخابر ع ام رحيم تجي تروح وي بتها
اي اي ان شاء الله
ركض ازهر مخبوص
وصعدنا لرهام لازمة حافة الجربايه وتصرخ
ماما كالت الها تحملي بنيتي
عندج طلوك مبين
عمة وجع مااكدر اتحرك
اي اي حبيبتي هاي ولاده عدج
صاحت اخلاص بسرعه لبسيها ونزلي
جنطة الطفل
تجتها امي وننزل بيها
اشو كامت تمشي وتذب مي
عمة فدوه شنو هذا
لا تخافين بنيتي مي الراس طك
هاي من شوكت عدج وجع غير تحجين
من العصر عمه بس عبالي تقلصات
دنزلي انزلي بنيتي
نزلتها كوه امي
واني حضرت الجنطة
ماما خلي اروح وياكم
وينبنيتي اكعدي بالبيت هسه ساعة زمان ونرجع
راحوا واني ضليت افتر شسوي
لزمت التليفون خابرت ع خالتي لميعة ام مالك
طلع مالك
صار من موتت بابا ما محاجيته بس يجينه ويروح
سمعت صوته كال الو
وكلبي كام يدك كوه طلعت الكلمة
الو
شونك مالك
اخلاص
اي
اويلي يابة فدوه اروح لصوتج
لج وينج هيج حارمتني من هالصوت
شلونج
الحمد لله
بس امل موجوده
اي موجوده
شنو لازم ممشتاقتلي
لا اي
شنو هسه اي لو لا
سكتت
كال هانت اخلاص
بس كم شهر ادير سنة الحجي
واتقدملج
اني توضفت وي ابو صديقي
وجبت ورثنا اشتريت سياره بيه
وبقى البيت اجرناه ماقبلوا عمامي نبيعة
وامي ضمت كم فلس للزواج مالتي
منتظر بس ادور السنه واتقدم
شكد فرحت من سمعت هيج كال
هواي محتاجته جنت بهاي الفتره
ومشتاقتله واتمنى احضنه وابجي بحضنه
بلكت الكه بيه محنة وحب بابا
كتله خير ان شاء الله
بعدها صاح امل
وحجت وياي
لج ريهام تطلك راح
واخذوها للمستشفى واني ضليت بقلق عليها
بقيت وحدي ضايجه كلت اخابرج
اتسلى بالسوالف لحد متجي
خطيه رهومة الله يسهل عليها
اي شكو ماكو
اوكفي خلي اروح الغرفة
خاف مالك يسمع
يله منتظرتج
ها شنو
لج مو محمد كال راح يجون اهلي يخطبوج هذا الاسبوع
صدك
اي والله
لك مصدكين شلون فرحانه
احسب للخميس حساب
خالتي ام عثمان راح تجي تحاجي امي
واكيد امي مراح ترفض
هي هواي تحب خوالي
الله يوفقكم حبيبتي
ويوفقج انت وملوكي
صدك مالك حاجه امي
بس هي كلتله عيب نفتح هسه الموضوع
اله تدور السنه
وهسه منتظرين اتدور السنه
ربي يجمعكم هيج وتصيرين مرت اخوي
والكاج يمي بالبيت
هههه لج وين مو راح تزوجين
اووو صدك يعني انتي تجين للبيتنا
واني اروح
مو خوش هاي شغله
هههههه لعد ضلي لا تزوجين ليش مو انت لا تزوجين عيني
لج اني مااصدك محمد كال راح اخطبج طرت فرح وانت بطرانة عشره مثلج ماابدلهم بحمودي
ها هيج صارت حمودي احسن مني
اكيد حبيبتي بله نقاش
لعد ولي مزاعليج
وج اشاقه
لا عيني ولي
نصبت عليها سويت روحي زعلت وسديته
بسرعة دك جاوبت
شتردين امل روحي لمحمد جاوب ازهر لج ياامل اني ازهر هاي صارلج
ساعة مشغول وي امل لج متملين سوالف وياها
اسفة والله ضجت وخابرتها
يله مو مهم
ردت اطمنج ريهام جابت بنيه
صدووك فده لله
اي لك تخبل تشبه ماما
لا عبالي تشبهني
ولي الدبة شنو تشبهج غير اشمرها بالزبل
لا والله اخبل اني
جانوا يقلدون عليه اني قصيره وسمينه
وخشمي مدعبل وعيوني كبار
وبيضة كولش خدودي كبار وجهي مدور وسمين
لذالك يصيحولي دبه
