#ضلموني
البارت التاسع عشر
بقلمي ام مصطفى
بقيت للصبح اتفزز وي حسون يبجي ع امه يفز يدورها
واكعد اسويله ممه
واسكته لحد ميغفى
والله يبجي وابجي وياه مااعرف شسويله
يمل بجي وينام
الصبح كوه فتحت عيوني
خابرت المديره طلبت اجازه يومين
كلت اشوف شيصير بهاي الايام
واصرف بعدين
كعدت لملمت البيت
البنات كعدوا وامي تون من راسها كعدت
ها يوم شلون صرتي
خاله اديها ع راسها
شلوني احس راسي راح يطك من الوجع
خلي اسويلج ريوك حتى اقيس ضغطج
اي فدوه بنيتي
رحت للمطبخ خليت القوري ع الطباخ
البنات يحبن بيض طكيت الهن
فورت مي ع الطباخ لحسون
للممات
مريم تبجي ماما ماما
احسها بدت تتنحس
نرجس احسن منها
حبيبتي ليش تبجين
اريد ماما
هسه تجي يروحي انت متحبيني
لا احبج
لعد ليش تبجين
اسكتي حتى اخذج اشتريلج لعابه
حلوه مثلج
تعالي حبيبتي
شلتها خليتها ع الكاونتر
واشاقيها
سكتت شويه
خليت الريوك بصينيه
ونزلتها يله تعالي ناكول
حتى اخذج لبيت خالو ابو عثمان
تلعبين انت ونرجس وي
طه وسرمد
ضحكت ايي الووح الوح
اووي فدوه لهاي الضحكه
اجيت يم امي خليت الصينيه
ماما يله تريكي
مالي نفس
يوم فدوه اروحلج اكلي
مابيه بعد حيل هبطات البينه كافينا
هذا قدر وصار
بركبتنا ٣اطفال اذا توكعين منو النه
نصير تحت رحمة هدى
باوعتلي وهزت راسها
صبيت جاي الها
الف وواوكل البنات
اكلت وياهم
حسون يبجي
سويتله ممة وغيرتله ملابسه
يفتر بالبيت سوده علي يدور ع امه
يصيح اماه اما
نرجس حبييتي اصي جيبي مكعباته خلي يلعب بيهن
اي عمه
نرجس الوحيده الي متعب هادئه جانت وذكيه كولشي تفتهم
صعدت تجيبهم
دك حازم
الو صباح الخير
صباح النور
ها بشري شلونها امي
ريهام مارجعت
امي الحمد لله زينه
وريهام ماكو خبر منها
استغفر الله شبيها تخبلت واني جنت اكول عليها عاقله وفاهمه
والجهال شلونهم
والله حازم يردون امهم وكوه جاي اسكت بيهم
لا حول ولا قوه الا بالله
دسكتيهم بعد اخوج
دبري حالج وياهم
ادري بيج سباعيه وتكدريلهم
لا تخاف ذول امانه بركبتي
يله اي شي تحتاجين بس خابري
واني هم العصر امر عليكم
ان شاء الله
حازم من بعد موتت ازهر احسه انكسر واتغير كولش
نزلت نرجس شايله سطلةالمكعبات
خلته يم حسون
ايي عفيه
لعبوا بين ماانضف
كمت اشتغل ذبيت فاصوليا ع الطباخ تسلك للغده
انظف وكل بالي يم ريهام شلون هسه كلبها وشحالها
اووف بلكت ترجع مااصدك تعوف جهالها وتروح ان شاء الله ترجع ...
للعصر اجه حازم
ها ماكو خبر من ريهام
لا والله
والجهال شلونهم
يعني نص ونص تعبوني
واليوم مارحت للدوام
والله مصيبه هاي
فات دنك ع امي وباسها
ها يمة شلونج
هله يوم شلوني
الحمد لله واالشكر ع كل حال
اي ماما فدوه اروحلج صيري قويه
تره كلنا نباوعلج
الله كريم وليدي
