#ضلموني
البارت الثالث والعشرون
ام مصطفى
اخلاص
شوفي هدى مدامنه باولها
حبيبتي هذا بيت ابوي ولسه مسجل باسمه
مثل ماالحازم بيه الي ولذول الايتام
بيه
فعليه حبيبتي اطبخ انام اكعد
جهال ازهر تلعب تاكل بيكفهم بيتهم
انت مالج دخل سمعتي لولا
هذا بيت جدهم وابوهم وعمهم مو ببت ابوج
والله اخلاص جاي بكل قوتج
اي حبيبتي وديري بالج تندكين بالايتام
يله عمة اكلوا الف عافيه عليكم
طلعت تأفأف وتصيح ع شهد
وتغلط ع حازم
عاد اني غسلت مواعين ورتبت المطبخ
وصعد الجهال يمي
بعد منزله
الاحد تبدي امتحانات اخر السنة
كمت اقري بالبنات هنه شطورات ميتعبن
بس شهوده صف سادس ابتدائي
هم اقريها
امتحاناتها وراهم
واقريها تصعدلي
الخطوط حولتها
للكاظميه لبيت حازم
كمت اطبخ يموميه غده وعشه
وحازم مكيف
بس هي توز بيه ومشاكل صارت بينهم
يوميه عركه
وهدى تسمعني حجي
لو تصيح ع الجهال
بزعتني والله وصابره لخاطر اخوي
اكول يجي تعبان
وهي تستلمه
رغم اني شلت المطبخ كله علي
وناكل ونصعد مامأذيتها بشي
بس هي متريد
وحدها متريد احد وياها
اخوات واخوانها يجوها تريد تطلع اطب تسولف تاخذ تنطي
شدت وياي فد شده
مرات اسكت الها ومرات لا والله
اتعارك وياها وواوكفها عد حدها
خلصت الامتحانات ونجحوا الجهال
بس سيف طلع اكمال
كتله عمه اني اقريك ميخالف سهله
انوب اني تحملت مسؤولية جهال حازم هم
اقريهم واطبخ الهم
وهي ملتهيه باللبس والمكياج
بس طلعت اربعين امي
نزعت الاسود
وكامت تلبس اشكال الوان عود تغورني
استغفر الله يارب
اكو ناس مو ماشيفه هم ولا ماره عليها مصايب
فما تحس بمصايب غيرها
الدنيا زاهية الها
فد يوم حسون وعلاوي يلعبون بالكراج طوبه
فشامرين الطوبه واكعة بالمطبخ
موكعة تحفية مالت مطبخ
بالكاع
جنت بوكتها اغسل ملابس الجهال
سمعت صوت ذبيت الملابس واجيت
لكيت
هدى لازمه حسون وضرب
راشديات
اجيت طايره عليها
جريت حسون منها ودفعتا
لج انت شكاعد تسوين
شلون تضربيه
متشوفين شسوه
لو مايحترك كلبج مال عمك مايهمك
وشنو نمونه قحط تحفه هسه اطلع اجيبلج عشره
بس ايدج متمديها ع جهال اخوي
انوب اكسرها الج
حسون خاتل وراي
افترت وراي وضربته
بله اشوفج شلون تكسريها
لزمت ايدها ولويتها حيل ودفعتها ع الكاونتر اهتزت الجدوره وكعت
جانت خالتهم ع الملحق
وكع قبق جدر كزاز ع راسها
تلمست طلع دم
كامت تصيح ولج بايره اطلعي من بيتي
تضربيني فوك ما ملفيتج
ابيتي والله اليوم لو اني لو انتي
ضلت تغلط وتسب
البنات كامن يتباجن وحسون يبجي
صعدهم فوك وصعدت
كافي ماما شبيكم
ماما خلي نرجع لبيتنا
مانريد نبقى هنا
نرجس حجت
دوم عمه هدى تلوي اذاني اذا شافتني
وتخزرني وتخوفني
خلي نرجع نعيش ابيت بيبي
هي ذكرت اسم امي
واني كعدت انوح وابجي
وينج يمةةة
تعالي شوفي شصار بيه خلافج
يمةةليش عفتيني
ازهر خويه والله تعبت
وامانتك صعبه
الحمل كثر علي وبعد مااتحمل
بجيت
ويسكتن بيه ماكو
نرجس مخابره امل
دكلها ماما اخلاص بس تبجي
اطتني المبايل منو ولج
عمه امل
مسحت ادموعي هاا امل
اخلاص شبيج شصاير ليش تبجين
لج تعبت والله تعبت
بنت وحدانيه ومحتاره بيتامى ٣
وهدى علي
اسمع هدى تصيح وصوت حازم صاحح اخلاصصص بعالي صوته
كتلها استلمي
شحنت حازم علي الله يستر
