#ضلموني
البارت السابع
ام مصطفى
اخلاص
سديت التليفون من امل واني محطمة تماما
امي شافتني
كالت شتريد امل
شتريد عادي تسلم وتسئل لو هم امل ممنوع علي بعد
يعني محجت بطاري مالك
لا حجت وكتلها قسمة ومتصير خلي يشوف غيري
اي عفيه بنيتي
جريت حصرة
ع حضي صدك تهدمت كل أحلامي وي مالك احس
كمت من امي شغلت الغساله وخليت ملابسنا بيها
ورجعت شلت فراش البيت غسلته
ردت الهي روحي بالشغل
للعصر طب ازهر
كالب وجهه علي مااعرف ليش انكلب علي هيج
جنت متوقعته حنين
ثاري ماكو حنان من بعد حنان ابوي
سلم ع امي وصعد
اندك الباب فتحته
طبوا بيت حازم
تعجبت هدى جايه وياهم مو بالعاده تجي
سلمت وطبت
هله بيج
وحازم هم فات
وين امي
موجوده قابل وين
طلعت امي بس سمعت صوته
هله بيكم هله يمة توه نور البيت هله بهداوي بنيتي
باوستها
مدري ليش امي تخاف متها
امي صاحت طلعي الكعك ابو الدهن
وسوي جاي بساع
شهوده تبوس ليه
مزاعليج
ليش ولج
انتي تحبين نرجس
أكثر مني
لا والله اموت عليج يروحي بس ذيج عنونه بعدها
وانتي كبرتي
مااحبها
ليش ولج
كلكم كمتوا تحبوها انت وبيبي
واني نسيتوني
ههههههه ياروحي
ودنكت بستها
حطيت الكعك والجاي بصينية
واجيت يمهم
هدى تتبسم وتجامل
اي شلونج اخلاص
الحمد الله
عيني خلوصة متقدملج عريس
خوش ولد وابن عائلة
باوعت عليها باستغراب
امي مدنكة وساكته
حجة حازم
جبار اخو هدى اتقدملج
واني وافقت خوش ناس ونعرفهم
باوعتله وعطت
شنو وافقت
ليش انت راح تتزوج
اني كتلكم بعد ماازوج اي واحد بطلت
يعني لو تزوجين مالك لو ماكو بعد
متزوجين غيره
لا مااريد ازوج
ليش تره خوش ولد
هاا ومنو يكول مطمعان بالورث مثل ما مالك دكول طمعان
هدى: شنو طمعان احجي عدل اخويه الف وحده تتمناه
بس اني كلت اخطبج اله وقنعته بيج تره كوه
هههههه وليش كوه
والله هو يريد حلوه
وانت دبه
هااا لعد كوليله الدبة رفضتك
صاح حازم كافي شو متحترمن
اني بكيفي تره
كتله لا والله مو بكيفك لو يضل بس اخو هاي مااخذه
لج شنو هاي ماعندي اسم
صحت ماما متحجين
ليش ساكته شنو عاجبج الي ديصير
والله بنتي انت واخوج تجازين اني ماادخل
ليش لعد انت مو امي
اي بس مالي كلمة منو ياخذ بحجايتي
هاي انتي وياه لو يقنعج لو تقنعيه
لا يقنعني ولا شي لو يضل بس هو مااخذه وكتلكم بعد ماازوج
كامت هدى وكفت
شوفي والله اذا مااخذتي
تندمين طول عمرج
ههههه ليش بعد منخلق غيره بس اخوج
لو تموتين ماازوجه اني اعرف
مخططاتج شنو
شنو بالله
ميحتاج احجي واتعب نفسي يكفيني اهدمهن
حازم كال
اخلاص تره جبار خوش ولد ونعرفه
ليش لعد مالك مو خوش ولد ومنعرفه
لججججج انت شعندك وي مالك انت
ليش مجلبه
هدى- ليش متدري حب وعلاقة
عبالها ماادري بتليفوناتها وياه
باوعلي بغضب شنوو
امي حجت
كافي لهنا وكافي حدج توصلين لسمعت بنتي
عمة مااقصد
شنو الي متقصديه
الزواج مو غصب مدام متريده انتهى الموضوع يله سدوه
حازم، بس اني منطي كلمة لنسابتي الهم اخلاص
اخلاص ،، وانت منو كلك تحجي ابدالي وتتخذ قرار
لج سدي حلكج مثل الق ........ تاخذيه
واله تحلمين بالعرس بعد
كومي امشي هدى
جر جهالها وطلع
وهدى تباوعلي وتضحك بشماته
فرت فور يربي راح اموت قهر
درت وجهي ع امي
بس كولي اني بنتج لو جايتج من الشارع
شنو حازم يتحكم بيه وانت ولا يمج
