#ضلموني
البارت العشرون
بقلم ام مصطفى
ومرت الايام
جانت مرحله كلش صعبه ع البنات وع حسوني الي يباوع بالوجوه يدور وجه امه
بعد اربع اشهر مرت ع سفر ريهام
الظهر خليت الاكل
وصحت البنات
اجت نرجس كعدت
لعد وين اختج
ماادري ماكوو
يعني شنوو ماكوو
ماما وين مريم
هنا جانت قبل شويه شفتها
كمت اصيح مريومه مريم
امي كالت خاف فوك اصعدي شوفيها
نرجس اصعدي شوفيها
طلعت ادور بالكراج
بالحديقه جانت حديقتنا جبيره
واكو ترك بضهر البيت اطلعله من الحديقه
امشي واصيح مريم
مريومه
ماكو
رجعت فتت جوه
نزلت نرجس
عمه ماكوو
ياا عزه
امي كامت وين البنيه خاف طلعت
لا ماما اني بالمطبخ مفاتت مني والباب قافلته تعرفيني
اخاف احد يطلع وماانتبهله
لج نرجس خاف مدورتيها زين فوك
اصعد اني اشوفها
صعدت دخلت لغرفتي ماكو
بالصاله ماكوو
مريم
دخلت غرفت حازم القديمة هم ماكو
هاي وين
خاف بغرفتهم
فتحت الباب
طبعا من يوم الي طلعت رييهام
نقلت ملابس وغراض البنات
جوه بالغرفه الثانيه الي بصف غرفة امي
لان مااكدر اصعد وانزل
والبيت فارغ مابي احد
ماكو داعي اصعد بعد فوك
حتى ملابسي نزلتهن جوه
هيج بقت ملابس وحاجات مااريدها
فما داخله غرفة ازهر بس مره رتبتها وعفتها ع حطتها
فتحت الباب وانخمش كلبي
صحت مريم
اباوع بالغرفة
شفتها تباوعلي بكره وخاتله بالزاوي
وضامه شي وراها وتخزرني
مريومه حبيبتي شسويين
انت معليج
بس تعاي حبيبتي انزلي اكلي
ماءءء
زين شنو هذا الي خالته وراج
انت معليج
تقربت منها ضلت تبجي
عوفي صورة ماما وبابا لا تاخذيها
عوفيها طلعتها من وره ضهرها وحضنتها وتبجي
شلتها هي والصوره وخليتها بحضني وكعدت ع الجربايه
شبعت بجي وياها
جانت صورة تخرج ازهر جبييره معلكه بالغرفه
باوعتله كتله زهوري تقبل بعالوضعيه
كولي شسوي هسه اني
الامانة صعبه
التفتت ع صورة ريهام هي وازهر بعرسهم
لج ريهام امانتج صعبه ليش هيج
شنو ذنب هالطفله هاي
متت والله ياربي صبرك وعفوك
امي كامت تصيح
ها اخلاص لكيتي البنيه
مسحت دموعي
وكمت اكح اريد يتعدل صوتي وتروح العبره
صحت اي ماما هياتها فوك تلعب جانت
يله لعد نزليها تاكول
اي ماما جايه
مسحت دموعها
ومسحت ع راسها حبيبتي مريم
خلي ننزل ناكل
هزت راسها اي بس لا تاخذين الصوره مني
لا مااخذها
يربي شلون خاف تشوفها امي وتكلبها مناحه
كتلها زين خليها هنا وتغدي وارجعي اخذيها
لاءءءءء ماءءء كامت تبجي
لا تبجين يله يله خليها يمج حبيبتي
شلتها وابوس بيها مدري اسكتها مدري اسكت روحي
نزلت لكيت امي توكل بحسون ومريم تاكل
كالت وين جانت خاتله شلون خوفتني
كتلها بغرفتهم
باوعتلي امي
سويت روحي مهتميت
خليتها بحضني احاول مااخلي امي تشوف الصوره
هي حاضنتها
وكعدت اوكل بيها
انتبهت امي عليها
هي شنوو هاي البيدها
كالت بعصبيه معليجج صورة ماما وبابا
امي خنكتها العبره
اني غيرةةالموضوع
مريومه مو عيب تصيحين ع بيبي
هي مو اكبر منج بيبي ليش انت تصييحين عليها مو حرام الله يذبج بالنار
احسن هيج ترحين للنار
لاءءء اني اريد اروح للجنه يم بابا اشتاقيتله
مااريد النار
عمو حازم كال ابوج راح للجنه
هنا امي كامت تصرخ بعد مابيها مجال
عافت الاكل وكامت تولول
ماما كافي فدوه موزين عليج
والبنات اخترعن
راح تصير اكتئاب عدهن فدوه يمة اسكتي
دك مبايلي
ركضت نرجس جابته
رقم دولي مكتوب
دولي منو يخابرني
جاوبت الو
جاوبت وحده بصوت مخنوك الو اخلاص
اي منو انت
اني ريهام اخلاص
اشلونج
سبحان الله صدك كلب والده ويعلم
معقوله علم كلبها بمريم
بجيت لج ريهام
شلونج ليش هيج تسويين ابناتج ليش
عفيه اخلاص اطيني بناتي بس اسمع صوتهن
فدوه ابوس ايدج
باوعت ع امي
كتلها هاي ريهام تريد تحجي وي البنات
هزتلي بالموافقه وتبجي
مريم بحضني
مريم هاي ماما ريهام تحجي وياج
بسرعه ابتسمت
انطيني احجي وياها
ماما
ريهام : مريومه حبيبتي شلونج ماما
ماما تعاي اني مشتاقتلج
انت ليش رحتي
اي ماما اجي ان شاء الله واخذكم
بس اخلص الشغل
انطيني اختج نرجس
ضحكت مريم احسها ردت روحها
هاج نرجس ماما تحجي وياج
كأنما تغير بيه
نرجس حاجت امها بس عادي متأثرت مثل مريم
عاد اخذته منها
لج ريهام صدك تحجين
هيج تسافرين وتعوفين جهالج
اخلاص غصب والله غصب
اني دا اموت والله جنت مريضه كول هاي الفتره
لج اني جاي اتعذب اخلاص اريد ارجع
بس مااعرف شلون
وجماله ابوي قدم لجوء السويد
يعني خاف عندي امل ارجع
فراح ينكطع
اخلاص عفيه جهالي امانه بركبتج
واني راح اخابرج بين فترة وفتره
ان شاء الله
بس قبل لا ينكطع انطيني اسمع صوت حسوني
خليت المبايل ع اذن حسون هو بسعره كال الو
مممه وكام يدردم عود مثلنا شلون نحجي
يخرط مدري شنوو
هههههههه مسحت ادموعي وضحكت
سدته منهم
مريم غفت بحضني
نومتها ع سريرها
وصعدت نزلت صور امها وابوها علكتهن .بالغرفه الهم جوه
كلت لمي
غلطنا من شلنا الصور منهم
يعني حتى من شوفتهم نحرمهم
لزمت جاكووك ودكيت صورة تخرج ازهر بالصاله
وصور عرسهم بالغرفه
من كعدت من النوم تباوع ع الصور ومكيفه متعجبه
خابرت حازم وحجيتله ع وضعيت مريم
وكتله ريهام خابرت
فرح
بس كال تحضروا
اخذكم نزور الجهال للامام الكاظم ع
واشتريلهم ملاعيب افرحهم
اي والله حازم حتى اني نفسيتي تعبانه
وامي هم تطلع
كال لعد تحضروا
كلت لامي كيفت
دخيلك يابو الجوادين
لبستهم كتلهم عمو راح ياخذنه للزياره
ويشتريلكم ملاعيب
ساعة ودخل حازم
اول موصل خابرت هدى تصيح وتعيط
صوتها شعلوه
وهو يكلها شبيج تخبلتي
حتى من الايتام تغارين
مدري شتكله
يمكن تكله تصرف عليهم
عاد كالها تره لا خلف الله عليج وعلي فلوس ابوهم سمعتي
انتي شنو من بشر فهميني ماعدج رحمه
سده منها
دولي
ضلت تخابر مجاوبها
كال يله اصعدوا
محجينا شي حتى امي اشرت الها تسكت
مدام هو سكتها لهدى
ماكو داعي نحجي
طول الطريق ساكتين
لحد موصلنا نزلنا
ا مي من بعيد كامت تدعي وتبجي
واني هم انفتح كلبي
مدري ليش من اشوف الضريح مالت الامام
تخنكتي العبره وابجي
وابدي اشكيله واحجيله
شايله حسون وامي بيدها مريم
ونرجس بيد حازم
امشي وادعي
يباب الحوائج اريد تقويني وتقدرني
ع تربيتهم
بجاهك عند الله
يابو الجوادين حنن كلبي اكثر واكثر عليهم
وصلنا للتفتيش تفرقنا
بعدين التقينا دخلنا زرنا
وامي تطوف وتبوس بالشباك وتدعي
صلينا وطلعنا
دخلنا مطعم حازم وخال مريم بحضنه يوكلها
وهي مكيفه وتبوس بيه
بعدين طلعنا
اشترالهم العاب وبدلات وقاط لحسون
وحلويات وكرزات اشكال الوان
بعدين طلعنا
طبك ع ابو اللعاب اشتره مرجوحه وزحليكة وكبان
انطاع فلوس كله باجر اجي اخذهن منكم
صعد امي ضلت تدعيله الله يطول عمرك يا يمة
كلها يمة اني ممتفضل عليهم هاي فلوس ابوهم
هذن باجر ادز العامل يجيبهن الكم
اخلاص ذبيهن بالحديقه
وخلي يلعبون بيهن يتلهون
حتى لو تنداس الحديقه وتخرب فدوه الهم
حديقتنا جانت كلش حلوه ومعتنين بيها هواي
امي كالت فدوه الهم كلشي
رجعنا للبيت مرتاحين والله نفسيتنا ارتاحت
فدوه اروحلك يابو الجوادين
صدك انتم الراحه النفسيه اهل البيت
البنات تعبن ونامن
وحسون هم نومته
امي شربتها علاجها ونامت
دك علي مالك
من ذيج السالفة مااجاوبه
خابرني كم مره ومااجاوب
وبعد ماخابر
بقى يدك مااجاوب
دزلي رساله بس جاوبي اسمع صوتج
كلشي مااريد شلونج
كتبتله زينه الحمد لله
كال صارت عندي بنيه وسميتها اخلاص
بالجنسيه
كتبتله الف مبروك بس ضلمت الطفله بهالاسم
اخاف اسمي فال مو حلو عليها
لان اني فكر خاف افكرها
لا دكولين هيج ع نفسج مااقبل
دك جاوبته
اووف مااكدر كلما نبتعد واكول راح اعوفه
نرجع من جديد
شلونج اخلاص الحمد لله
انت شلونك
والله موزينه هنا الاوضاع وراح ابيع البيت واجي لبغداد
بس ماصيرلي فرصه القتل عالهويه هنا
صاير
يمكن لوما امي سنيه جان من زمان انقتلت
بس امي شافعتلي هنا
عمامي طشوا حاليا بقيت بس اني
وحتى لو ماانباع البيت راجع هذا الشهر ليغداد
يبوووي شوكت نرتاح
فدوه مالك تعال عوف البيت لا تخوفني عليك عفيه
الكاتبه الله يصير
دخيلك ياربي
ادري اذا عمامك طلعوا ليش مطلعت وياهم
شكو باقي
ردت ابيع البيت واخذ فلوس اشتري ابغداد بيت حتى لو صغير
خوما هم ارجع ايجارات
دتعال يمعود
كومه بيوت عدنا
اختاروا البيت اليعجبكم
ازهر طلع عنده تسع بيوت مشتري جدد
وذن ضلن محد كاعد بيهن .بس كم بيت ماجرهن حازم
والبقيه فارغات
لا مستحيل اكعد بعد ابيت من بيوتكم
انسى يمعود
تره حازم تغير من موتت ازهر والله احسه مو ذاك حازم القوي الضالم المتكبر
لا والله تغير
حتى لو
المهم مالك لاتبقى فدوه مابيه حيل مصيبه
والله كلبي خلص
تخافين علي
لعد شون ماخاف
لعد ليش عايفتني احترك بنار الفراك
ليش تجافيني دوم
مالك فدوه انت مزوج واني ماريد اسببلك مشاكل
لج من خ...ه بزوجتي طبها مرض اني مجابرها هي قبلت بيه وتعرف كلش زين اني احبج
ثانيا الشرع محلل اربعه
وهاي الناس اليمنه هالكلها تزوج اثنين
واتلاثة بس اني
بس اني مااقبلها ع روحي
وثانيا اني بعد شلت فكرت الزواج من راسي
متفرغة لجهال ازهر وبس
اعرف والله اعرف واصلا شلت هالموضوع اني بس انتي لا تبتعدين
خليني بس بحياتج كلش كافي علي
بس وجودك بحياتي يسببلك مشاكل
هي المشاكل موجوده موجوده بيج وبلياج .......
بعد مرور ثلاث سنين
اخلاص
يله بنات اكعدن ماما الساعة سبعه هم يله تلبسن ترحن للمدرسة
اي ماما شويه شويه
لج نرجس كومي لا اكتلج مو نفس اللقطه تنعاد علي شويه وترجعين تنامين
يله ماما كوموا
حسون كوم ماما راح تجي سيارة الروضه
كوم حبيبي
ماءء مااروح
لا تروح تره اعاقبك واحرمك من الالعاب
لا الروح
هههه فديتكم يله
غسلوا وجوهكم وغسلو اسنانكم
وتعالو اتريكو
جانت الدنيا بارده ومغيمة جنها راح تمطر
خلي اطلع قماصل الهم مطرية احسن
واحضر شمسياتهم
حظرت كولشي الهم
كعدوا يتريكون
حبيابي يله غسلوا اديكم وتعالوا البسكم
كعدت البس بيهم
سويت سندويشات الهم
وخليتهن بجنطهم
يله وين بوسة ماما
باسوني
دك هورن سيارة نرجس ومريم
يله اجه الخط اصعدوا
طلعوا يسولي بيبباي
حبيباتي بيباي
وشويه وجه خط الروضه ضعد حسوني
وياشرلي بايباي
ابتسمت اله وراحوا
سديت باب المطبخ ودخلت
والله بارده
امي تصيح اخلاص
راحوا جهال ازهر
اي يوم
لعد تعاي كوميني اغسل
اي جايه
امي بهاي السنين بدت تفقد بصرها
السكر تعبها كولش
رحت كومتها يله ماما كومي
الله يرضى عليج بنيتي ربي يوفقج
ويفتحها بوجهج
ويجازيج كل خير
كافي ماما شكد تدعيلي ادري غريبه اني
انتي امي وهذا واجبي اتجاهج
كعدتها وصبيت ريوكها
وشربتها علاجها
لزمت سبحتها وتسبح
اكلج اخلاص خابري خالتج تجيني
ضايجه كلش
اي ماما هسه اخابرها تجي يمج
دخل حازم علينا منوالصبح
عصبي وضايج
سلم كعد
كال اخلاص سويلي جاي رحنه لبوج راسي طك
امي حجت شبيك يوم اسم الله
مابيه شي فدوه يمه عوفيني راح اهج
اي شكووو
لج هاي هدى اذا مااطلكها واخلص ماارتاح اني موتتني
ساعة السوده الزوجتها
كول يا الله يمه
كايل يا الله
بس والله طاخه بعقلي اطلكها واخلص
وللحكاية بقية ام مصطفى