#ضلموني
بارت الخامس عشر
ام مصطفى
ريهام فاتحت امي بالموضوع
كالت نسئل عليه شكو بيها
ازهر هم كال خوش ناس وخوش ولد اني شايفها
بقى بس حازم
خايفه يرفض ويطلعلة حجت عليه
دزت امي عليه ازهر
العصر اجه طب كعد وامي فتحت الموضوع وياه بسرعه عصب
منين هذا
لازم اسئل عليه واعرف
بعدين شمعنا هذا وافقوا عليه واخو هدى رفضته
ليش
امي كالتله تره لا شايفيه ولا شايفته
مجرد ريهام حجت بالموضوع
واخوك كال خوش ولد واعرفه
وخلص
بعدين يوم اختك مو صغيره كبرت تره
ومو كل يوم يجيها نصيي زين
فلا توكف بطريقها
يعني واذا كبرت نشمرها شمر لياهو الجان غير اسئل عليه نعرف اخلاقة شعنده ماعنده
اي طبعا هاي من الزينات تكون حريص ع اختك
اسئل ع راحتك اني اريدك تسئل لعد شلون
نزل ازهر
صاح عليه
تعال بلله شنو موضوع اخلاص
هذا الولد تعرفه انت
اي والله خوش ولد شايفه هواي محامي
وحالته متوسطه
خلي يجي اشوفه واحجي وياه
يله انطي رايي
اكيد يجي ونكعد وياه
لازم يشوف البنيه تعجبه لا
يمعود تعجبه لا تخاف اني
اكلك
لعد شنريد احنه
وينها رهام خلي ادز خبر الهم يجون نشوف الولد
ريهام جاوبت ان شاء الله
شويه فرحت كلت يا الله راح ابدي حياة جديده وازوج واكون اسره
واكيد راح انسى مالك
واحب زوجي
طلع حازم
وامي احسها حيل ارتاحت البسمه متفارك وجها
اجيت يمها كالت الله يتمملج ع خير بنيتي
هيج واشوفج عروس
وارتاح
الله يخليج الي ماما
ويخليج الي بنيتي
شعندي غيركم اني
واحنه هم ماعدنه غيرج ماما
نزلت ريهام حسون يبجي بيدها مفرفح
صاحت امي
شبيه الولد ريهام
عمة مدري شبيه بس يبجي
بس هاي نرجس شايله جانت
يبووي بس لا ملخت ايده
ماادري
دنطيني ياه مو سكر من البجي
لزمته امي كامت تفرك بضهره وبكتفه وهو يصرخ
عززه بعينجن مالخات الولد
جيبلي دهن خلي اخرطله ايده
اووف ليش تخلينها تشيله
ومكعته ع راسه شلون
والله عمه جان نايم بقريولته وبس نزلت سويت جاي لحازم
هي شايله
خبلتني شسويله
كامت تدلك امي بضهره بالدهن
كمطته ونام ع ايدها
شوفي شلون ارتاح ونام
لا تحلين كماطه هسه عوفيه
وفرشيله يمي
اي عمه كلت اخذ نرجس واروح لهلي
ساعة زمان
ع مود موضوع اخلاص اكللهم يجون بيت عمي باجر
كلتي لازهر اي كتله
زين لعد روحي وعوفيه يمي
راحت ريهام
واني كمت ثرمت بصل وكرفص سويت عروك للعشه
شويه ورجعت فرحانه
هااا
كلت كلش فرحت مرت رحيم
وكالت راح ادز خبر الهم باجر العصر يمكم
ابتسمت
وهي ضحكت كالت الله يوفقج حبيبتي ويقدم البيه الخير الج
اشكرج
اكولج عود نخلص عشه وتعاي حفيلي شواربي
ووجهي تره شواربي ينحلف بيها صايرات
ههههههه ادللي عيني
احس نفسي فرحت بشي اريد اتغير وانسى الماضي
صح كلبي واجعني ع مالك
بس لازم انسى وابدي حياة جديده
هو عنده زوجته وابنه بالطريق
ان شاء الله بس يشوفني ازوجت راح يرجع الهم وينساني
تعشينه واني ماخذني واهس
صعدت فتحت الكنتور شلبس
تنوره وقميص
لو بنطرون
اخر شي عندي بنطرون اسود قماش
وياه سترته لزنها ابيض ومخطط اسود
جانت طويله الستره مستوره
وجواها ستراب اسود
اي هذا القاط حلو علي
البسه
باوعت ع وجهي
طلعت مكياجي
جنت استخدم باودر ابو تاج يسموه
وكحله سينما ستوها داخله نوعيتها زينه
كلت باجر اخلي قليل
اخذني الواهس
وهناك اتذكرت مالك
انتي الي ومتصيرين لغيري
بزه صارت بكلبي عليه
اسفه مالك لازم انساك وابدي حياة جديده
الله يخليك لعائلتك
الصبح
سويت كيك وعصاير طبيعيه خليتهم بالثلاجه
ريهام حفتلي
شويه طلع وجهي
فرحت بروحي
الظهر اجه حازم عيونه براسه
كعد اباوعله يهز برجله بتوتر
وعيونه شرار
امي كلتله خير
اكلج يمه هو هذا مو نفسه الي جان عينه ع ريهام ونهى عليها لو لا
امي كالتله اي
اييي وابنج المخنث مكيف
عاط وينه ازهر
لزمت كلبي بيدي
نزل ازهر خير
كله انت ولا تستحي
لك مو هذا جان يحب مرتك وعينه عليها
شلون تامن مايباوع عليها بعد ونفسه مو بيها
متستحي ع مرتك من يطب ويطلع ويشوفها كدامه
انت شكاعد تحجي شتخربط
اسكت لك احترم شنو شخربط
هذا التحفه خطب مرتك لولا قبل
اي خطبها عادي
شلون لك عادي يعني جان خال عينه عليها
وانت حضرت جنابك جايبه يمها
راد يحجي
طلعت ريهام
من رخصت ازهر
ابو سيف تره ناصر صح خطبني
بس عمره ماباوعلي موزين
ولا عنده شي وياي
مجرد لان احنه ناخذين اخته لاخوي ريحيم
رادو منه مره كصه بكصه
وخلص
ايي وليش ماقبلتي بيه
الكلب وما يريد
ضحك باستهزاء
دارت ريهام ع ازهر
ازهر اذا ماقابلين شكو دزيتوا ع بيت عمي
من هسه اذا ماقابلين كولوا
ادز خبر ميجون
كلها لا خلي يجون
اي طبعا من نسابتك
الله اليعلم شنو متفقين انت ومرتك
صار مصايح بينهم
احس راحت فرحتي
امي ضلت تحجي ع حازم
سكت وكعد
كال يجون بس اوافق بشروط
يجون وتسمعوهن
لزمت كلبي بيدي اووف يربي عديها ع خير
ريهام كالت تره راح يجون اصعدي بدلي
وخليها ع الله
صعدت كوه مكسور واهسي
لبست وابجي
يربي بس اني هيج
من دون البنات حازم واكفلي عظمه بلعومي
شلون يربي
التفتت ع صورة بابا جانت ع الكومدي مالتي
اعتب عليك بويه ليش عفتني بيد حازم
ترضاها الي يسويه بيها ترضاها بويه
والله تعبت
لبست
وامسح بدموعي
صعدت رهام كالت اجوي تعاي
اي هسه
خليت شال اسود ع راسي
ونزلت
دخلت للمطبخ
مكعديهم بالاستقبال
طلعت الكيك والشربت من الثلاجه
خليتهم بكلاصات
بس كلبي يدك وخايفه ومتوتره
اديه ترجف رجف
بحيث اصب بصف الكلاص كمت ريهام اخذت اطيني اني اصب
مسحت الصينيه
ورجعت صبت
ريهام عفيه طبي وياي
اي لا تخافين
وياج حبيبتي
اي فدوه لعينج
خلصت
شلت الصينيه وايدي ترجف
مشيت وريهام وراي
وصلت للباب فوتي ريهام
لج انتي فوتي واني وراج
اووف
يله
فتت سلمت مساء الخير
خليت الصينيه ع الميز
باوعت امه واخته سلمت عليهم
رفعت عيني عليه
ويسولف
حلو شخصيه مبين عليه
ولبق ويحجي بثقه
حازم يسئل وهو يجاوب
امه حاجتني شلونج
ابتسمت الحمد لله
صلوات ع محمد ربي يحفضج بنيتي
امي لا زمه التسبحه وتسبح
والمره تسئلها ع عمري
اني جاوبتها ٢٥ سنه
الله يخليها زين مقارب لعمر ابني
خلصوا حجي
صار هدوء
حجة حازم
احنه ماعدنه مانع
بس عدنه شروط
كال تفضل وهي
اولا تسجل بيت باسمها
وغايب عشرة ملايين وحاضر خمسه
انصدمت منه بذاك الوكت كلش هواي هيج مبلغ
سكتوا همه
يعني انطبق المثل الي يكول الي ميريد يزوج بتته يغلي مهرها
كال وماتترك وضيفتها
ورثها مالك علاقه بيه
يبقى اني ادير ورثها من ابوي
كله الشرطين الاخيرين ماعندي شكال بيهن
والبقيه افكر وازلك خبر
صراحه اشوف نفسي اكدر عليهن
امكانيتي تسمحلي لا
كله اخذ راحتك
اني متت بدي الزم حازم اعدمه
حسيت نفسي سلعة ويبيعها
مو اخته
كلشي عنده افلوس
ترخصوا وكاموا
وكبت العيطة بين حازم وازهر
ازهر يكله فشلتني كدام نسابتي
وهو يكله بكيفي
اختي اريد اامن مستقبلها
صار حجي ومصايح وصلت للغلط
صرخت كافي بطلت مااريد ازوج
تالي ازهر كال هو ماميت عليج
اني اعرفه يريد الورث مالت ابوي
الي يلعب بيه بكيفه
من باجر نتقاسم الورث وانت معليك بينا
سمعت
باجر اخلي محامي
اجه حازم لزمه من ياخته وضربه
تكامشوا امي صرخت ووكعت بالكاع
وللحكاية بقيه ام مصطفى
ولو اليوم استراحتي بس انقهرت عليكم
كلت انزل الكم بارت 😂