سمير رجع يخدم مقدرش..تنهد خمم في سارة واش صرالها ..وعلاه راهي تبكي مع الصبح..زعما تبلعيطة جديدة ولا منها صح.. لحقت لعشية راح لليسي يستنى فيها حب يعرف واش بيها... خرجت سارة مع ماريا وباينة ماهيش في نهارها... بقا يشوف فيها...راح لعندها . سارة شافتو هبطت عينيها .. سمير: وشبيك سارة؟؟ سارة: مابياش.. سمير: ممم بيك حاجة ماشي عوايدك عاقلة هاك.. سارة: الله يسترنا وعلاه موالفة نهجم على الناس.. سمير جبدها من يدها باش يهدرو وحدهم...حسها ماهيش نورمال. سمير: وضرك متفهمينيش واش صرالك ؟؟ سارة تلعب بيديها.. سمير يعفسلهة على رجلها....وجعها..ينحيه شوي ويرجع يعفس.. سارة: نحي رجلك شبيك هبلت ؟؟ سمير: حتى تنطقي تقولي واش بيك؟؟ سارة : منقولش مدخلك.. سمير بدا يتقلق..يعفس على رجلها.. سارة: اااا ...نحي رجلك يالزمر.. سمير: منحيش ..حتى تهدري.. سارة: ونتا واش كلفك باش تسقسيني.. سمير: سارة متقلقينيش ..قتلك واش بيك؟؟ سارة : نحاولي تليفون.. سمير طلع حاجبو..مستغرب.. سمير: على هذي راكي مشنفة؟! سارة: ايه نحاتولي ماما زعما على جال الباك..قاتلي يتلف الراي.. سمير غلبو الضحك.. سارة تقلقت منو: بففف علاه راك تضحك..؟؟ انا البهلولة لي نقولك.. سمير دار وجاي رايح.. سارة: وين رايح.. سمير: نخدم..ضيعتيلي وقتي حسب كاش حاجة صراتلك وهو تليفون.. سارة.رجعت تغلي : ايه تليفوني والفتو معايا ..وديما نسمع الغنا قبل منرقد والفت ونقرا بيه الكرونيك ....البارح بسيف باش رقدت.. سمير: ههههههههه خطيك مالتليفون ...اتلهاي بقرايتك..ومور الباك يرجعوهولك...اوك.. وراح يمشي.. سارة كانت حابة تغيضو ويعطيها تليفونو بصح هو جا ضدها ..ولات تغلي كي مردش عليها ومحنش قلبو.. سمير يمشي وهي موراه..وشافت فيه..بتحدي.. سارة: ماليوم متزديش تهدر معايا..هاني قتلك وحذرتك.. سمير وقف مستغرب مفهمش هو واش دخلو في حكاية التليفون.. طلع حاجبو وقاللها : اوك كيما تحبي.. وكمل طريقو.. سارة حبست هذا واش بيه ماشي زعما يحبني كيفاه مغضتوش في حكاية التليفون..وزيد قتلو متهدرش معايا جاتو عادي..لهاذي الدرجة معنديش قيمة عندو..بففف والله منسكتلو . راحت قطعتلو الطريق..حبس يشوف فيها متبسم.. سارة: اعطيني الفوطو لي صورتها ذيك الخطرة انا وياك.. سمير: كي يولي عندك تليفون نعطيهالك.. ومشا ..سارة ضربت يدها على جبهتها تفكرت بلي معندهاش تليفون... سارة في قلبها : ااععععع انا حمارة.بففف نسيت يااع.. سمير رجع عندها : امشي يابهلولة راح يفوت الحال.. سارة فاتو وهو موراها وهي تزرب باش ميلحقهاش.. سمير : سارة راهي 12:15 ... يزيد شوي سمير: سارة راهي 12:20 سارة خزرت فيه: قتلك قولي شحال راهي الساعة؟؟ سمير: نقولك خاطر معندكش تليفون متعرفيش الساعة ههه سارة: بفففف متقوليش مقتلكش قولي.. وتمشي وتسب... راحت فطرت ولعشية رجعت.. سمير: هههه راهي الوحدة غير ربع اجري ههههه سارة غلقت وذنيها وراحت وهو يضحك عليها
-----------------------------------------------------------
شفتو خلعتكم باطل 😂😂😂😂
ولاد الحومة
By Nihel-nina
قصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس More