Chapter 68:
Lyka's Point of View:
10:37 pm.
Tagilid dito, tagilid don. Tahiya dito, dapa doon. "Haaays," Bigla akong umupo. "Hindi talaga ako mapakali. Hindi ako sanay dito matulog." Pagmamaktol ko sa sarili ko. Masyado kasing malaki itong kuwarto para sa aking mag-isa. Medyo natatakot ako.
Tinakpan ko ng kumot 'yong buong sarili ko. Nakakainis. Dapat kasi itinabi nalang ako kila Nanay e.
Pero 'di na talaga ako mapalagay kaya naisipan kong lumabas ng kuwarto.
Nanakbo ako hanggang sa makarating ako sa 'di ko alam na sulok nitong bahay nila Kulot. Nakalimutan ko kasi kung saan 'yong kuwarto nila Nanay kanina. Doon sana ako papunta.
Panay ang tingin ko sa kapaligiran. Bakit ba naman kasi sobrang laki nito? Puro kuwarto pero mabuti nalang at may mga ilaw kaya 'di naman nakakatakot maglakad.
Sinubukan kong tignan ang bawat kuwarto pero lahat mga nakasarado.
Napabuntong hininga tuloy ako. Saan na ako nito papapunta ngayon? Sa tingin ko hindi ko kaagad mahahanap sila Nanay.
Nang bigla akong makakita ng hagdan na siya kong ikinatuwa. Ibig sabihin kasi makakababa ako. Ayos 'to kahit sa sala nalang siguro ako matulog. Nagpatuloy lang akong bumaba habang hingal na tumitingin sa kapaligiran at hagdan. Napakalaki at lawak ba naman kasi ng hagdan nila. Ilang steps kaya 'to?
Nang marating ko ang ibaba bigla akong na galak sa mga nakikita ko ngayon kahit pa napagod ako sa pag-baba. Bumungad ba naman kasi sa akin ang napakadaming mga pictures.
Sala na pala itong napuntahan ko. Grabe, ang cute ni Ezen dito sa pictures nung bata pa siya. Sadyang kulot talaga ang buhok niya.
Nagpipigil lang ako ng tawa ko ngayon habang nakatitig sa napakaraming litrato. Minamasdan ko ang lahat ng nasa frame ngayon nang maisipan ko 'tong picturan. Makaganti man lang kahit papaano sa kanya. Nakakatawa talaga. Hanggang sa iba't ibang tao na sa pictures ang mga nakikita ko.
"Pero tama nga ba si Yena 'to?" Tinitigan ko ang isang nasa frame tapos parang 'yong mga future Black Sapphire 'to nung mga bata pa sila.
Ang cute nila grabe. Namiss ko tuloy bigla si Yena kumusta na kaya siya?
Nang biglang para akong may naaninagan na nalaglag sa swiming pool kaya napatingin ako ron. Malapit kasi sa bintana 'to. At dahil nacurious ako mabilis akong lumabas at tinungo 'yon. Medyo malamig pero ayos lang titignan ko lang naman e.
Pero biglang nanlaki ang mga mata ko nang marating ko 'tong pool. Tao kasi ang nakikita ko ngayon na lumulubog. Kaya kahit malamig pa tumalon nalang ako bigla para lang masagip siya. Sinisid ko ang ilalim ng pool at nagulat ako sa nakikita ko dahil isa 'tong lalaki.
S-Si Zero?
Nagtaka man ako pero mabilis ko siyang hinila papaahon kahit pa ang bigat niya. Sa una gulat pa rin akong pinagmamasdan siya pero kailangan niyang magising. Wala kasi siyang malay. Ano ba kasing nangyari sa kanya?
Sinubukan kong i-press ang dibdib niya nang maihiga ko siya sa samento. Wala akong pakialam kung maginaw dito. At kagaya ng mga nakikita kong sitwasyon sa tv kapag ganito ang nangyari ginawa ko 'yon pero hindi pa rin siya nagigising.
"Z-Zero." Tawag ko sa pangalan niya. "Zero, gumising ka." Ano ba kasing ginagawa niya rito? Kinabahan tuloy ako bigla. "Zero, gumising ka na."
Patuloy lang ako sa ginagawa ko nang mapatitig ako sa labi niya kaya napalunok ako. Pero hindi puwede. Hindi ko pa naibibigay kahit kanino ang first kiss ko. Napahinto ako sa ginagawa ko habang nagdadalawang isip kung gagawin ko ba 'yong nasa isipan ko. Pero maililigtas ko kaya siya kapag ginawa ko 'yon?
Muli akong napalunok. Dahan-dahan nilapit ko ang mukha ko sa kanya. Sobrang bilis ng pangyayari pero napatitig ako sa mukha niya dahilan para mapuri ko ang napakaguwapo niyang itsura. Guwapo kasi talaga siya.
Kinakabahan man ako pero napatitig ulit ako sa labi niya nang balikan ko 'yon. Tapos non nagsimula na akong ilapit ang labi ko sa labi niya kaya mas lumakas nang lumakas ang tibok ng puso ko.
Nang bigla niyang iminulat ang mga mata niya kaya nanlaki ang mga mata ko habang magkatitigan kaming dalawa. Kaonti nalang ang pagitan ng mga labi namin para magdikit. Ramdam ko ang init sa buong mukha ko dahil parang gusto ng sumabog nito.
Pero bigla siyang tumagilid tapos bigla siyang napaubo kaya nawala ang kaba sa dibdib ko. Pero ang lakas pa rin ng tibok ng puso ko habang nakatitig ako sa kanya. "What... are you trying to do?" Napaubo niyang sabi habang napahawak naman ako ng mahigpit sa laylayan ng damit ko. Medyo nahiya kasi ako sa inasta ko. Nakaluhod ako ngayon.
"A-Ano kasi... s-sinusubukan lang kitang iligtas. Ano ba kasing ginagawa mo rito sa pool? Bakit ka nalaglag?" Aniko.
Pero imbes na sagutin niya ako napayakap siya sa akin ng mahigpit na siya kong ikinagulat. Medyo awkward pero ang daming gumugulo sa isipan ko. Bakit niy ko niyakap? Parang nanigas yata ako dahil sa ginawa niya.
Ilang segundo ring tumahimik ang paligid habang nakayakap pa rin siya sa akin. Halos hindi ako makapagsalita.
"Thank you for saving me." Mahina niyang sabi kaya natauhan ako. Pero kahit ganon pigil pa rin ang hininga ko kasi hindi pa rin niya ako binibitawan.
"W-Wala 'yon, iniligtas mo rin naman ako kanina 'di ba?" Bigla siyang bumitaw sa akon tapos nagtataka siyang nakatingin sa akin. Sa tingin ko naguluhan siya sa sinabi ko. "Umh, I mean, 'yong kanina sa hospital. Doon sa dress salamat." Napalihis ako ng tingin.
Pero bigla siyang ngumiti sa akin na siya kong ikinagulat kaya nilingon ko ulit siya. Tapos non ginulo niya 'yong buhok ko kaya parang kinilig ako ron.
Hindi ko inaasahang ngumingiti pala ang isang katulad niya. Kasi kung titignan mo siya parang napakaseryoso niya bukod sa astig siya. Napalunok tuloy ako. Hindi ko alam kung anong gagawin ko. Napanganga na yata ako rito ngayon.
"Let's go, you need to change your clothes." Aniya. Pero ang mas kinagulat ko ay ang bigla niya akong buhatin.
Di na talaga ako nakapalag. Tila naging bato na ako at nawalan pa ng boses habang nakatitig sa kanya.
Saan niya ako dadalhin? Saan niya ko kukuhaan ng damit? Ito lang naman ang gusto kong itanong sa kanya pero parang hihimatayin yata ako sa kakiligan.
(Book 3) of Campus Prince meets Gangster Princess
Written by MsjovjovdPanda
2017 All Rights Reserved
3rd Generation of KANG SERIES
Votes | Comments | are highly appreciated
Thank you so much, JOVinians
— Miss Jov 💕
TARGET AUDIENCE : 13 - 15 yrs old.