Chapter 24:
Lyka's Point of View:
Napabuntong hininga tuloy ako. Nandito ako ngayon sa likuran ng building ng room namin. Dito nalang ako kumain ng lunch ko. Ayoko ng maulit pa 'yong nangyari kahapon. Baka kasi pagtrip-an na naman nila 'yong pagkain ko kaya ako na mismo ang lumayo.
Pero hindi kasi mawala sa isip ko 'yong ginawa ni Kulot kanina. Ipinagtanggol niya ako tapos nginitian pa niya ako kanina. Ano kayang ibig sabihin non? Mabait na kaya siya sa akin? Pero bakit? Dahil ba kila Nanay at Tatay? Yung pinakita nila sa kanya kagabi? Bigla tuloy akong napangiti, kasi naman 'yong ayaw niyang pagkain ko e kinain niya rin naman kagabi. Tapos nakakatuwa pa 'yong itsura niya. Tapos pinaglaruan pa nila Nanay 'yong buhok niyang kulot tapos nauntog pa siya.
"HaHaHa!" Hindi ko na napigilan tumawa na talaga ako. Nakakatawa talaga kasi si Kulot kagabi.
"Hala, nababaliw na siya."
Bigla akong napatingin sa likuran ko nang may dumaang dalawang babae na kaschoolmate namin. Napagkamalan yata nila akong nababaliw dahil tumatawa akong mag-isa. Pero kung alam lang nila 'yong dahilan ko kung bakit ako tumatawa sigurado akong tatawa rin sila kay Kulot. "HaHaHa!"
"Umalis na nga tayo rito. Baka mahawa lang tayo sa kanya." Sabi nung isa kaya napailing nalang ako.
"Yun ang akala n'yo." Bulong ko habang patuloy pa rin akong natatawa.
Pero naalala ko nga pala may pinapabigay sila Nanay at Tatay sa kanya. Ibibigay ko pa ba sa kanya 'to? Minabuti kong umalis na ron at maglakad-lakad na papunta ng classroom namin. Five minutes nalang kasi ang natitirang oras bago magstart ulit ang klase namin.
Pero pagpunta ko sa hallways nagulat ako nang may pinagkakapulungan ang mga estudyante rito. Lumapit na ako ng husto para makita ko kung anong nangyayari pero nagulat ako ng mga Pabebe girls ang makita ko ngayon dito.
Mga nakaluhod sila sa bilao na may lamang monggo. Shocks, ang sakit non. Pero bakit? Ano kayang nangyari? Sino ang may gawa nito sa kanila, si Kulot din ba?
Wala naman kasing ibang nagpapagawa non sa mga estudyante dito kundi siya lang. Pagkakita nila sa akin bigla nila akong tinuro at sinigawan. "Ikaw! Ikaw ang may gawa nitong lahat!" Sigaw sa akin ni Chelsea.
"Napaka—mo talagang Queen Barney ka!" Papaiyak naman na sigaw ni Nikka.
At dahil hindi ako makapaniwala tinuro ko ang sarili ko na parang sinasabing 'ako talaga?' Eh ang alam ko ako nga 'yong palagi nilang pinagtitrip-an e. Mga pabebe talaga sila, tch. Iniwanan ko nalang sila roon saka binelatan ko pa sabay takbo. Mga assumera kasi. Nararapat lang 'yon sa kanila.
Pero sa pagtakbo kung 'yon biglang may humatak sa akin papuntang hagdan kaya nanlaki na naman ang mga mata ko. Buyset, wala naman akong ginagawa. Ano na naman ba 'to? Sino 'to? Hindi ko siya makita kasi nga nasa likuran ko siya at tinakpan niya ang bibig ko. Di ako makasigaw.
"Come with me." Aniya.
Pero boses ni Kulot 'to.
Di nalang ako pumalag. Bagkus nagpahatak nalang ako sa kanya ng tuluyan hanggang sa makapunta kami ng parking at sa likod niya ako dinaan ng building. Ibig sabihin walang nakakita sa amin na magkasama kami. Pero ano bang gagawin namin dito? Mula sa pagkakatakip niya sa bibig ko ngayon naman hatak-hatak na niya ako habang nakahawak siya sa pulsuhan ko.
"Pasok." Aniya ng marating namin ang sasakyan niya.
"Pero bakit?" Mabilis kong tanong. "A-Ano bang problema mo ha? Saan tayo pupunta?"
"Mamaya na kita sasagutin. Pumasok ka na muna sa loob."
Napangisi tuloy ako. Grabe siya makautos sa akin. Pero sumakay na ako saka rin siya sumakay. "Pupunta tayo sa inyo."
"Ano??" Gulat ko. Wengya 'tong Kulot na 'to, ang lakas ng trip niya. Pupunta raw kami sa bahay namin?
"H-Hindi puwede. May klase pa tayo saka dadating na 'yong teacher natin sa Mapeh. B-Baba na ako." Binuksan ko 'yong pintuan ng kotse pero hinatak niya ako pabalik. "A-Ano ba? Malalate na tayo."
"I don't care, ang importante masunod ang gusto ko." Aniya.
Aba'y talagang sinusubukan ako ng Kulot na 'to. Nginisian ko ulit siya sabay tinitigan ko ng masama. "Ano ka ba namang Kulot!" Sigaw ko ng malakas.
"Urgh, ang sakit sa tainga!" Bulyaw niya. Eh, kung hindi ba naman kasi sira ang tuktok niya.
"Eh, bakit ba kasi pupunta tayo sa amin kita mong may klase pa tayo ha?!" Sigaw ko ulit.
"Eh, kasi nga ayun ang gusto ko. Bakit ka ba nagrereklamo?!"
"Abah! Bakit ako nagrereklamo?!
May saltik ka ba talaga ha?! Di mo gets? May KLASE pa nga tayo, ayokong magliban ng subject!"
"Tss, kahit naman hindi ka pumasok wala namang pakialam ang lahat sa grades mo." Nakacross arms niyang sabi sabay ikinabit niya ang seatbealt niya.
Matapos ay kinuha niya rin ang seatlbelt ko kaya di na ako nakakibo. Ang bango niya!
Matapos niya akong kabitan tinignan niya ako sabay nginisian niya ako. "Mabuti naman at tumahimik ka, tss." Sabi niya matapos ay umayos siya ng upo niya samantala napalunok naman ako.
Sasama ba talaga ako sa kanya? Pero wala na. Umandar na 'tong kotse. Kainis! First time ko lang magskip ng klase at dahil pa 'yon sa kanya, tch.
"Oh, pinabibigay nga pala 'to ni Nanay." Inabot ko sa kanya ang maliit na paper bag na may lamang baunan at pagkain sa loob.
"Ito? Para sa akin?" Nagulat siya at parang hindi siya makapaniwala.
"Umh, sa 'yo 'yan, pinabibigay ni Nanay, baka kasi kapag 'di ko binigay sa 'yo 'yan makatikim ako ng malutong na sermon e."
"Talaga?" Aniya. Tumango ako tapos bigla niya akong kinutusan.
"Argh! Siraulo ka talagang Kulot ka! Grr." Ang sakit kaya non. Siya na nga binigyan ko ng pagkain nangutos pa. Hindi man lang nga nagthank you e. Ang sama niya talaga.
Pagtingin ko naman sa kanya ngiting ngiti siya. Nakakainis! "Hm, ang sarap nito." Nakangiti niyang sabi habang nanguya. At sa tingin ko sarap na sarap nga talaga siya sa pancake ni Nanay.
"Hindi ka ba nilulutuan ng Mommy mo ng ganyan?" Tanong ko sa kanya. Para kasing nakikita ko sa kanyang sabik siya sa luto ng isang Nanay.
Bigla siyang napayuko habang nakain. Okay lang ba siya? Para kasing may mabigat siyang dinadala. Kita ko ang paglalim ng hininga niya. "My Mom and Dad lagi silang busy sa business, kung hindi naman ay sa F.O.L. Si Ate sa pagsasanay. Wala silang time para lutuan ako ng ganito kaya napakasuwerte mo because you have a happy family, and I like it. "
Bigla akong nagtaka sa sinabi niya. Totoo kaya 'yon? Actually na met ko na ang lahat ng family niya at sa tingin ko mababait naman sila. Hindi kaya rebelde itong si Kulot?
(Book 3) of Campus Prince meets Gangster Princess
Written by MsjovjovdPanda
2017 All Rights Reserved
3rd Generation of KANG SERIES
Votes | Comments | are highly appreciated
Thank you so much, JOVinians
— Miss Jov 💕
TARGET AUDIENCE : 13 - 15 yrs old.