ဝမ်းသာစရာသတင်းလေးပါရှင့်.....
ချစ်ရသောစာဖတ်သူလေးတို့ရေ.....
နွန်း ရေးထားတဲ့"တစ်သက်တာပြကွက်များဆိုတဲ့"
ကဗျာလေး....အထူးဆုအနေနဲ့ရွေးချယ်ခြင်းခံရတယ်။
မထင်ထားပါဘူး....ဒီလိုဆုရလိမ့်မယ်လို့
အထူးဆုစာရင်းမှာ ကိုယ့်ကလောင်နာမည်
"နွန်း"ဆိုတာလေးသွားတွေ့မိတော့...
ပျော်လွန်းလို့ထတောင်ခုန်မိပါတယ်။
အောက်မှာ နွန်း ဆုရခဲ့တဲ့ကဗျာလေးပါ
ဖတ်ကြည့်ပေးကြပါအုံးလို့....
ရေစီးရေလာမကောင်းဘူး
အမှိုက်သရိုက်တွေက လာမင်းမူနေတယ်
မြောင်းပုပ်မှာ၊ကြွက်ပုပ်ကတစီစီ၊ယင်ကတဝီဝီနဲ့
အစာနင်စရာကောင်းတဲ့လေထုကြောင့်
လည်ချောင်းဝ ထမင်းလုတ်ကမြိုမကျတဲ့...၊
ရှင်သန်နေထိုင် အသက်ရှင်ခြင်းကိုက
ဘေးထွက်ဆိုးကျိုးဖြစ်စေတဲ့ဘဝ.....။
ဘောလောမြောနေတဲ့...ပဲ့တဲ့တဲ့အလုပ်ကြောင့်
ငတ်ကြီးကျ ဖွတ်မင်းနောင်ဘဝကနီးစပ်လာပြီ
မွဲခြောက်နေတဲ့ဓနိတဲလေးဘေးက
လွှားလွှားတက်လာတဲ့မီးခိုးငွေ့တွေ.....
ဆေးရောင်တကူးတကမလို....
ထင်းမီးကြောင့်အရောင်တောက်နေတဲ့
မဲညစ်ညစ်ထမင်းအိုးက....
ဒေါသပုန်ကြီးစွာနဲ့ တပွတ်ပွတ်ဆူလို့
ဝမ်းရေးကိုဖြေရှင်းပေးတော့မယ်..။
ညစ်ထေးထေးကလေးတစ်သိုက်ရဲ့
အော်ဟစ်ဆော့ကစားမြူးတူးသံတွေကြောင့်
ချောင်ကြိုချောင်ကြားရပ်ကွက်စရိုက်အထာက..
ပြန်လည်ကာဦးကြော့လာကြပြီ.....
အပီပြင်ဆုံးသူတို့လေးတွေရဲ့လွတ်လပ်မှုက
ပညာမသင်ရလည်းပျော်ရွှင်နေတဲ့ဘဝလေ....
သန်းခြောက်ဆယ်လူထုကြီးထဲက
မခမ်းနားတဲ့လူတစ်ချို့ရဲ့ဘဝ
ချမပြတော့အမှောင်တွေက
တဖြည်းဖြည်းဖုံးလာတယ်....
အကုန်လုံးက လောကဓံရဲ့
အဓိကသရုပ်ဆောင်တွေမို့...
သရုပ်မဆောင်လည်း..
ဘဝက...ပီပြင်လွန်းတဲ့မြင်ကွင်း
အကယ်ဒမီပေးစရာမလိုဘူးလေ....။
တစ်ယောက်ဆင်းတစ်ယောက်တက်နဲ့
ဆွယ်မိဆွယ်ရာ...ဟောမိဟောရာ
ပြောသွားကြတာ....သရဲစီးသလိုဘီလူးစီးသလိုပေါ့
လက်ခုပ်သံတဖြောင်းဖြောင်းတီးနေပေမယ့်
သန်းခြောက်ဆယ်ဘဝထဲကတစ်ချို့လူတွေ
ပြောခွင့်မရတဲ့ဘဝနဲ့ရှိနေသေးတယ်
အသေရရ...အရှင်ရရနေ့ထဲ
ပြည်သူတွေသက်သာတဲ့ဒုက္ခကို
စိတ်ကြိုက်ရွေးရတယ်....
သြော်....သန်းခြောက်ဆယ်သောပြည်သူတွေ...။
နွန်း
7.3.2017
ဒီကဗျာလေးကအဟောင်းလေးပါ
အရှေ့မှာလည်းတင်ထားပါတယ်....
ဆုရတဲ့ကဗျာလေးမို့ စာဖတ်သူတွေကိုချပြတာပါ
အားလုံးကိုကျေးဇူးပါရှင့်