ဖက်ဖူးရောင်ထနေတဲ့လမ်းမက
နေမင်းရဲ့မညှာမတာ
အလင်းလွှင့်ချက်ကြောင့်
သပိတ်ရောင်ထနေပြီ
လမ်းပေါ်မှာဖိနပ်စီး
ဥပဒေထုတ်ထားပေမယ့်
ကျွန်တော်ဟာ...ခြေဗလာနဲ့
တစ်ခါတစ်ရံမှာ
မတတ်သာတဲ့အခြေနေကြောင့်
ဥပဒေကိုမလိုလားသူမဟုတ်ပေမယ့်
ဆန့်ကျင်တဲ့သူတော့ဖြစ်မိသွားတယ်
ကျွန်တော်မညာချင်ဘူးလေ....
ချောင်ပိတ်မိနေတဲ့
ဝမ်းတစ်ထွာပြဿနာကြောင့်
ဖိနပ်စီးရမယ်ဆိုတဲ့ဥပဒေကို
တစ်ခဏတော့ လစ်လျုရှုရမယ်
ဖိနပ်လား........
စီးချင်တာပေါ့ဗျာ.......
ဒါမယ့်...ကျွန်တော့်ဘဝမှာ
ဖိနပ်ကောင်းတစ်ရံမရှိခဲ့သလို
မကောင်းတဲ့ဖိနပ်ကိုလည်း
ကျွန်တော်ကောင်းကောင်းမစီးခဲ့ရဘူး.....
ကျွန်တော့်ကို....
ရိုးသားတယ်လို့မထင်ဘူးလား....။
ကျွန်တော်...အဲ့ဒီလို....
အမြဲရိုးသားနိုင်ပါ့မလား......
အရာရာ ရိုးသားခဲ့ပြီးကာမှ....။
.
.
.
ဟော...ရှေ့မှာဖိနပ်လေးတစ်ရံ
ဘယ်သူသိတာမှတ်လို့....။
ကျွန်တော့် အကြည့်တွေက
ကျွန်တော့် ကိုယ်ကျင့်တရားကို...
ဒီနေ့မှာလုံခြုံမှုမပေးနိုင်တော့ဘူး....။
မရိုးသားတဲ့အကြည့်ထဲမှာ
ကျွန်တော့် သိက္ခာလုံခြုံစေခဲ့မယ်ဆိုရင်....
ဟင့်အင်း.....။
မဖြစ်ဘူး...မဖြစ်ဘူး....။
ကျွန်တော့် အကြည့်တွေအရိုင်းမဆန်မိဖို့
ကျွန်တော့် စိတ်တွေမရိုင်းစိုင်းမိဖို့..
ကျွန်တော့်ရဲ့ လိုချင်တပ်မင်စိတ်ကို
ကျွန်တော့်ကိုယ်ကျင့်တရားနဲ့
ခပ်ကြမ်းကြမ်းဖုံးပစ်လိုက်တယ်...။
ကျွန်တော့် ဝမ်းတစ်ထွာအတွက်...
ကျွန်တော့်ဘဝကို
ကိုယ်ကျင့်တရားတွေ သိက္ခာတွေပိုက်ရင်း
ကျောင်းရအုံးမယ်လေ....။
ဒါကြောင့်..နေ့တိုင်းအော်နေကျအတိုင်း
ကျွန်တော်...အော်ပစ်လိုက်တယ်။
"အစ်ကိုကြီးတို့အစ်မကြီးတို့ရေ...
ဘူးစုတ် ပုံးစုတ်လေးများရှိရင်
အပေါ်ထပ်ကနေ
အောက်ကိုပစ်ချပေးကြပါဗျာ...." လို့လေ...။
အဲ့ဒီအသံဟာ အရင်နေ့တွေကထက်
ပိုပြီးကျယ်လောင်နေခဲ့တယ်....။
11.1.2017
Noon