Hate Race
By wuyetihan
.............
.......................
သောကတွေ ခဝါချထားခဲ့ပြီး ငါ့ရဲ့လက်ကို ရဲရဲသာဆုပ်ကိုင်လိုက်ပါ။ ပြီးတော့ ငါတို့ ရာဇဝင် လိမ္မာအောင် အမုန်းတွေကို နှစ်ဦးသဘောတူ ချန်လှပ်ထားခဲ့ကြမယ်လေ။
နင်သဘောတူမယ်ဆိုရင်တော့ ငါတို့ရဲ့ သမိုင်းတွေကို ပြန်ပြင်ရေးကြရအောင် Taoရာ။
ကန်ရေပြင်ကို ဖြတ်သန်းတိုက်ခတ်လာသော လေနုအေးက Kris ၏ စိတ်တွေကို ကြည်လင်လန်းဆန်းသွားစေသည်။ မခံစားဖူးသော ခံစားမှုနွေးနွေးလေးတွေပင် လေပြေနှင့်အတူ တလှပ်လှပ် တိုးဝင်နေကြ၏ ။
Kris မျက်နှာအရင်ကလို သုန်မှုန်မနေဘဲ ကြည်လင်နေသည်ဟု tao တစ်ယောက် ခပ်တိတ်ိတ်လေးတွေးပြီး ကျေနပ်နေမ်ိ၏ ။
Tao ဘဝမှာ ဒီလိုနေ့မျိုးရောက်လာလိမ့်မည်ဟု ဘယ်တုန်းကမီ မတွေးမိခဲ့ ။ ဒီနေ့မှ ထူးထူးခြားခြား ကိုယ်နဲ့ အဖော်လိုက်ပေးတယ်တဲ့ ။ စိတ်တွေ ပုံမှန်ပြန်ဖြစ်သွားလို့ ထင်ပါရဲ့ ။
ဒါမှမဟုတ် ဗိုက်ထဲက ကလေးက သူ့ကလေးလို့ အပြီးတိုင် ယူဆလိုက်လို့များလား။
ဒါဆိုရင် Kris ခဗျာ နဖားကြိုးထိုးခံရတော့မပေါ့။
အတွေးအတူ ခပ်လွင်လွင်လေး ပြုံးလိုက်ပြီး စုံတွဲထိုင်ခုံမှာထိုင်နေသော kris ဆီသို့လျောက်လာပီး ဘေးမှာ ဝင်ထိုင်လိုက်သည် ။
"Kris"
"ဘာလဲ "
တင်းမာသော လေသံမဟုတ်ပေမဲ့ သိပ်လည်း မပျော့ပျောင်း ။
"နင် ငါ့ကို ကြွေနေပြီမဟုတ်လား "
"အဟက်....နင် ဒီမေးခွန်းကို ပါးစပ်အရသာခံပြီး မေးကြည့်တာတော့မဟုတ်ပါဘူးနော်.."
ပြန်ပြီး ခနဲ့လိုက်သော Kris အမေးကြောင့် Tao ပခုံးလေး ကို ဆတ်ခနဲ တွန့်လျက် ခပ်တိုးတိုး ရယ်လိုက်သည် ။
သူမ၏ ရယ်သံ ခပ်တိုးတိုးတို့ကို လေကြည်တို့က အဝေးတစ်နေရာကို ခပ်ဖြည်းဖြည်း သယ်သွားကြ၏ ။
"ဒါဆို နင် ငါနဲ့ ဘာလို့ လိုက်လာတာလဲ "
"ငါ့ရဲ့ ဂုဏ်သိက္ခာအတွက် "
"ဘာရယ်..."
လေပြေကြောင့် ဝေ့ဝဲ လှုပ်ခပ်နေသော ဆံစတို့ကို သက်တင်ရင်း နားမလည်သောအကြည့်ဖြင့် ဆတ်ခနဲ လှည့်ကြည့်မေးလိုက်သည် ။
"ဟုတ်တယ်လေ....နင်အမြဲတမ်း sehunနဲ့ပဲသွားနေတာ ပတ်ဝန်းကျင်မှာ အမြင်မသင့်တော်ဘူးလေ ။ ငါ့အသိုင်းအဝိုင်းက မြင်ရင် ဘယ်လိုထင်မလဲ...ငါသိက္ခာကျတာပေါ့ "
Tao မျက်မှာ ကြည်လင်နေရာမှ ချက်ချင်း ညိုမှောင်သွား၏ ။ ဒီစကားဟာ Tao အရှိုက်တည့်တည့်ကို ထိမှန်သွားသလို....လိပ်ပြာမလုံဖြစ်စေမိတာလဲ အမှန်။
"ဒါဆို...ဒီဗိုက်ထဲက ကလေးက နင့်ကလေးဆိုတာကို ယုံတယ်ပေါ့ "
"နင့်ကို ငါ မုန်းပေမယ့် နင့်ကာရိုက်တာကို ယုံတယ်...အဲဒီတော့ ဒီကိုယ်ဝန်ဟာ ငါနဲ့ငြိတဲ့ ကိုယ်ဝန်ပေါ့ "
Tao ဘာစကားမှ မဆိုဘဲ ကန်ရေပြင်ကိုသာ အဓိပ္ပါယ် မဲ့ ငေးမောနေလိုက်၏ ။
နောင်တတရားတွေက ရင်ဘတ်ထဲက ရင်ခုန်သံအတွေးလှိုင်းတွေထဲမှာ ငုတ်ချည်ပေါ်ချည်နဲ့....လူကို တဒင်္ဂတော့ မိန်းမောစေသည်မို့....။
ကိုယ့်ရဲ့ အငြိုးတွေက ကိုယ့်ကိုယ်ကို ပြန်လည် အဆိပ်သင့်နေပြီ ထင်ပါရဲ့ ။
ကလေးဟူသော မျှော်လင့်ချက်နဲ့ သူက tao အပေါ် တစ်ထစ်လျော့ပြီး ညင်သာသွားတာကတော့ အတော့်ကို မယုံနိုင်စရာ.....။
တကယ်တမ်း မရိုးခဲ့တာက ကိုယ်ကိုတိုင်ပဲလေ ။ ဘယ်လောက်လွဲမှားလိုက်တဲ့ စိတ်ရူးစိတ်မိုက်လဲလို့။ သို့သော်...ကံကြမ္မာက ပြင်ဆင် ခွင့်မှ မပေးတော့တာ..။
ဒီတော့ အလိုက်သင့် မျောလိုက်ရုံပေါ့ ။
~~~~~~~~ HR ~~~~~~~~
"ဟင်...များလှချည်လား Kris "
Tao ထိုင်နေသော ဆိုဖာခုံပေါ်သို့ တစ်ပုံတစ်ပင်ချလိုက်သော ပစ္စည်းပစ္စယတွေကြောင့် tao တအံတသြ ဖြင့် ပြောလိုက်သည် ။
ဒီလို ရက်ရောမှုမျိုးကို Kris ဆီမှာ တွေ့ရတာ ဒါဟာ ပထမဦးဆုံး အကြိမ်ပဲုဖြစ်သည် ။
"ငါ့ ကလေး ကျန်းမာစေဖို့အတွက် နင် ဒါတွေစားပေးရမယ် ...ရော့ ဒီမှာလည်း ကိုယ်ဝန်ဆောင် အားဆေးတွေ ဝယ်လာတယ် ။ "
အားဆေးပုလင်းတွေက အများကြီး ။
"ဟင်..ငါ့မှာ ဝယ်ထားပီးသားရှိတယ်လေ ။ ဘာလို့ အများကြီး ထပ်ဝယ်လာရတာလဲ "
"အများကြီးရှိတော့ လဲ မွေးပြီးတဲ့အထိ ဆက်သောက်ပေါ့ "
ဝယ်ချင်ရာတွေကို အချိန်အဆ မရှိဘဲ ဝယ်လာမိသော Kris၏ စေတနာတွေထဲမှာ tao အတွက် မြူတစ်မှုန်စာပင် မပါဘူးဆိုတာသိနေပေမဲ့ ရင်ထဲမှာ ဘာကြောင့်မှန်းမသိ နွေးတော့ နွေးနေသည်မို...။
"မာမီကပြောတယ်...ဒီကလေးက ငါနဲ့တူမှာတဲ့ "
"ဟင်...ဘာကြောင့် နင်နဲ့ တူရမှာလဲ။ ငါ့ဗိုက်ထဲကထုတ်ပြီးမွေးရမှာ ..ငါနဲ့ပဲတူရမှာပေါ့ "
"မာမီပြောတော့ နင်ကိုယ်ဝန်ရှိစ ချဉ်ချင်းတက်တာ မာမီ ငါ့ကိုယ်ဝန်ဆောင်တုန်းကနဲ့ တူတူပဲတဲ့။ ဒါကြောင့် နင်စားချင်တာမှန်သမျှ ဝယ်လာတာ။ ရော့..ဒီပန်းသီးလေးစားကြည့်...ဒါ အီတလီကအသီးတွေ...ငါ့သူငယ်ချင်းတစ်ယောက် ပြန်လာတာနဲ့ ကြုံလို့ ငါကြိုမှာလိုက်တာ "
"......"
"..ထောပတ်တို့ ဒိန်ခဲတို့လဲ အကောင်းဆုံးကိုဈေးကြီးပေးဝယ်ခဲ့တာ....တစ်ပတ်အတွင်းကုန်အောင်စားနော်....ဒါမှ ကလေး အားရှိမှာ "
ပန်းသီးစိုစိုကို တစ်ရှုးနဲ့ အလျင်အမြန်သုတ်လို့...
"ရော့...အလုံးလိုက်သာ ကိုက်စားတော့."
ဇွတ်အတင်းလှမ်းပေးသော ပန်းသီးကိုယူကာ တစ်ကိုက်ကိုက်လိုက်သည်။သူပြောသလို အရည်အသွေးကောင်း၍လားမသိ အရမ်းချို၍ အရသာတော်တော်ထူး၏ ။
" Tao...."
ပန်းသီးကိုက်နေရင်းမှ ခေါ်သံကြောင့် kris အား ဘာလဲဟူသောအကြည့်ဖြင့် မျက်လုံးလေး ဝေ့ကြည့်လိုက်သည် ။
"ငါ့ကလေးကို ငါနဲ့တူအောင် မွေးပေးမယ်မဟုတ်လား.."
ကလေးတစ်ယောက်လို သူလိုချင် သူဖြစ်ချင်တာကို ဇွတ်အတင်းပူဆာနေသော Kris ကိုကြည့်ပြီး Tao စိတ်ပျက်စွာပြုံးလိုက်မိသည်။
" ငါမွေးလိုက်တဲ့ ကလေးက နင်နဲ့ တူအောင်မွေးဖို့ဆိုတာ ငါက နင့်ကို ချစ်ခင်စွဲလမ်းနေမှသာ ကလေးက နင်နဲ့တူမပေါ့။
ခု ငါက နင့်ကိုချစ်မှ မချစ်တာ အဲတော့ ငါချစ်တဲ့သူနဲ့ပဲတူတော့မှာပေါ့ ဒီကလေးက ။ ဒါသဘာဝပဲ မယုံရင် နင့်အမေမေးကြည့် "
"သွားစမ်းပါဟာ...အဓိပ္ပါယ်မရှိတဲ့ စကားတွေ..."
Kris မျက်နဗာမှာ အလိုမကျဟန်တွေဖြင့် ပုတ်သိုးသွား၏ ။ Taoက သူ့ကို မုန်းနေမှတော့ မွေးလာတဲ့ကလေးက သူနဲလ ဘယ်လိုလုပ်ပြီး တူနိုင်တော့မလဲ ။
"ဟဲ...ငါတကယ်ပြောတာ..ဘယ်သူမှ မကြည့်နဲ့ နင့်ပဲကြည့်လေ နင့်မာမီက နင့်ဒယ်ဒီကို သိပ်ချစ်တာမဟုတ်လား မွေးလာတော့ နင့်ရုပ်က နင့်ဒယ်ဒီနဲ့ ချွတ်စွတ်လေ...ပုံလောင်းထားသလိုပဲ..ကြီးလာတော့ ရုပ်ချင်းအရမ်းဆင်နေတာ လက်တွေပဲမဟုတ်လား။ ဒါခိုင်လုံတဲ့ သက်သေလေ.."
"ဒါဆို နင်ကရော.ဘာလို့ နင့်အဖေနဲ့ မတူတာလဲ.."
"မတူဆို ငါ့အမေက အဖေ့ကို မိဘပေးစားလို့ အတင်းယူလိုက်ရတာလေ..ငါ့အဖေကတော့ အမေ့ကို ငုံထားမတတ်ချစ်တာ...ဒါကြောင့်မွေးလာတော့ ငါ့အဖေရဲ့ အသည်းစွဲဖြစ်အောင် ငါက ငါ့အမေနဲ့ သွားတာတာပေါ့ ။ "
ဟုတ်တာရော..မဟုတ်တာရော..ပေါကကရတွေ ပုံကြီးချဲ့ပြီး ပြောသော tao၏ စကားတွေကြောင့် Kris အနည်းငယ် တွေဝေသွား၏ ။
သူတို့နှစ်ယောက် တစ်ယောက်ကို တစ်ယောက် မကြည့်ချင်လောက်အောင် မုန်းပြီး လက်ထပ်လိုက်ကြတဲ့အတွက် မွေးလာတဲ့ကလေးက ဘယ်သူနဲ့များ တူလာမလဲ ဆိုတာ kris အပြင်းအထန်စဉ်းစားနေပုံ...။
ကိုယ်(kris)က သူ့(tao)ကို မချစ်တဲ့အတွက် သူနဲ့တူစရာအကြောင်းမရှိဘူးဆိုသလို...သူကလည်းလုံးဝမချစ်တဲ့အတွက် ကိုယ်နဲ့လည်းတူစရာအကြောင်းမရှိ ။
"ဒါဆို နင်ချစ်တာ ဘယ်သူလဲ.."
Kris Tao၏ပခုံးနှစ်ဖက်ကို အားမလိုအားမရ ဖြစ်လွန်းစွာဖြင့် ဆွဲကိုင်လှုပ်ရမ်းပြီး မေးလိုက်၏ ။
"ငါ့ကိုငါပဲ "
Tao နှုတ်ခမ်းအစုံကို တွန့်ကွေးကာ ခပ်မဲ့မဲ့ပြုံးကာ ဖြေလိုက်၏ ။
"ဟင်...ဒါဆို ကလေးက နင်နဲ့တူမယ်ဆိုတဲ့ သဘောလား..."
"ဒါပေါ့..."
Kris လုံးဝလင်မခံနိုင်သလိုဖြစ်ကာ..
" မတူရဘူး ငါ့ကလေးက သူ့အဖေဖြစ်တဲ့ ငါနဲ့ပဲတူရမယ်...ဒီတော့ နင် ငါ့ကိုချစ်ပါ Tao ...နင့်အချစ်ကို ငါ ခံချင်တယ်ဟာ..နော်....Tao...နော်...."
ကလေးတစ်ယောက်လို ဘုမသိကိုးမသိ ပုံစံဖြင့် ရင်ထဲက ခံစားချက်မပါပဲ အတင်းချစ်ခိုင်းနေသော Kris ကိုကြည့်ပြီး Tao အတော်လေးစိတ်ပျက်မိ၏။
"သွားစမ်းပါ...krisရယ် နင်တော်တော်အတ္တကြီးပါလား။ နင့်ကလေးကို နင်နဲ့တူဖို့ ငါက နင့်ကို ချစ်ရဦးမယ်..ဟုတ်လား "
"ငါ့ကလေး ငါနဲ့တူဖို့ ဒီနည်းတစ်လမ်းပဲ ရှိတော့တာလေ...ဒီအတွက် စိတ်ကောင်းလေးမွေးပြီး ငါ့တောင်းဆိုမှုကို လက်ခံလိုက်ပြီး..ငါကို ချစ်ပါနော်... "
အရူးတစ်ယောက်လို တတွတ်တွတ် တောင်းဆိုနေသော Kris၏ပုံစံကိုကြည့်ပြီး Taoရင်ထဲမှာ တဆစ်ဆစ်နာကျင်လာသည် ။ စိတ်ထဲရှိတဲ့အတိုင်းသာဆို လက်ထဲမှာရှိတဲ့ တစ်ကိုက်သာကိုက်ရသေးသော ပန်းသီးဖြင့် သူ့ခေါင်းကို တိန်ခနဲနေအောင် ထုထည့်လိုက်ပြီးလောက်ပီ....ခုတော့ Tao စိတ်တွေကိုမနည်း အောင့်အီးမျိုသိပ်ထားလိုက်ရ၏ ။
" ပြောလေ Tao ..နင်ငါ့ကို ချစ်တယ်မလား "
"ငါ့ကိုမုန်းနေတဲ့ ယောက်ျားတစ်ယောက်ကို ငါက သာတယ်နာတယ် သဘောမထားပဲချစ်ရမယ်ပေါ့ ဟုတ်လား။ နင်တော်တော် တကိုယ်ကောင်းဆန်ပြီး နင့်အတွက်ပဲကြည့်တာပဲ Kris ,။ ငါက နင့်ကလေးကိုလဲ မွေးပေးရဦးမယ်...နင်နဲ့ရုပ်ချင်းဆင်အောင် နင့်ကိုလည်း တစ်ဖက်သတ် ချစ်ရဦးမယိ...ဟုတ်လား တန်ရာတန်ရာပဲ တောင်းဆိုစမ်းပါ Kris ရယ် "
Tao စိတ်အချဉ်ပေါက်စွာဖြင့် ပြောလိုက်၏ ။ Kris ကတော့ အရင်လို ဆတ်ဆတ်ထိမခံ ပြန်မလေပတော့ပဲ သူလိုချင်တာကို မရရအောင် ဇွတ်ကြိုးစားယူမယ့်ပုံစံဖြင့် Tao ကို ပြုံးပြုံးကြီး ကြည့်လိုက်ကာ...
" ခုမှ ငါအသေအချာကြည့်မိတယ်... နင်တော်တော် ချစ်ဖို့ကောင်းလာတာပဲ Tao ya...."
Kris tao မျက်နှာနား ထိလုမတတ် တိုးကပ်ပြီး မျက်လုံးရွဲကြီးဖြင့် စိုက်ကြည့်လိုက်သည်
" ငါ့ကို ဒီလိုပေါ်တင် ဒိုင်တွေလာမထည့်နဲ့ kris နင်ဒီစကားပြောလို့ ငါရင်ခုန်မယ်ထင်နေလား....ဆောရီးပဲ ...နင်ကို ငါချစ်လာဖို့ ဘယ်ဗျူဟာပဲ သုံးသုံး ငါ့အတွက်ကတော့ နင်ဟာ နှစ်ငါးရာ ကျက်သရေမရှိတဲ့ ယောက်ျားတစ်ယောက်ပဲ Krisရဲ့. "
အနိုင်နှင့် ပိုင်းကာ ပြောချင်ရာပြောပြီး krisရင်ဘတ်ကို တွန်းကာ tao ထထွက်လာခဲ့သည် ။
Kris မကျေမနပ် မျက်နှာဖြင့် ခပ်တိတ်တိတ်ဆဲကာ နေရာမှာ ကျန်ခဲ့၏ ။ ..။
စိတ်ချ နင်ငါ့ကို အရူးအမူးချစ်လာအောင် ငါကြိုးစားပြမယ် tao။
ဒါမှ ငါ့ကလေးက ငါနဲ့တူလာမှာလေ..။
ဒါဟာ ငါ့ရဲ့ အကြီးမားဆုံး ဆန္ဒပဲ ။....။
.
.
.
.
.
.
.
.
.
..........next မျှော် .........
V Day လက်ဆောင်မပေးနိုင်တာ sorry ပါ !
ဒါကို လက်ဆောင်ပေးတယ် သဘောထားလိုက်နော်...!
အနော် နောက်ပိုင်း ဒိတ်ဖို့ကြာပါမည်။
စာမေးပွဲတွေဖြေရတော့မယ်။
ခုထိ design ထွက်သေးဘူး။
ဗြဲ.....!
But.....
Readers တွေရဲ့ support မှုပေါ်မူတည်ပြီး တင်မတင်ကတော့.....
အားပေးကြပါနော့