الشاعرة ام زينب كربلاء:
فزاعيه لم البنين ع
ضعن ام السبع حمل بظهريه
لاشاله ولد لا صرخت بنيه
...........
ماعدها ولد ياهو المشه بيها
وحيده ولا بنيه ونت عليها
وين الاربعه من شال حاديها
وحشه اجنازتج شالت يبدويه
...........
مايدري الحنين وخل يخبرونه
يلحك بالنعش غربه اليزتونه
عن امه الحنينه نامت عيونه
تعال ابساع يمصكر الحربيه
............
يصكار الزلم لمك تعناها
وانشد ياسبع ياهو الشالاها
موتدري الجنازه تريد ولياها
يوحش لومشه بيد المجيريه
...........
ضعن امك يكافل كاطع البيده
ما وياه حبايب ونت بهيده
محتازه الولد جنازها اتريده
لمه ما حضر ونت التاليه
...........
يم الاربعه والكول تسوينه
يلوك الون عليها من تونينه
وكت الموت والكافل تعتبينه
غفت عينه الحنين ومالحك بيه
..........
✍ام زينب كربلاء غير مبري الذمه من ياخذ الكلام وينسبه له او يحذف الاسم
🥀 🥀🥀🥀🥀🥀🥀🥀🥀🥀
نعي لوفاة ام البنين ع
امك ونين الموت ونت
عتاب الك ياعباس ودت
لجمعاتكم هاليوم حنت
امك تريدك كوم ليها
اعدل غطاها ومد اديها
تون الوالده لحك عليها
امك يبوالغيره تريدك
تشيل النعش عباس بيدك
دفان بيها انته وعضيدك
هاي الربت وسهرت ليالي
صاحت ييمه بدمع هالي
الدفان غيرك ماحلالي
شمحله الولد بالنعش شيال
يميل عالمتنه النعش لومال
لورادت امه اتشد الارحال
العندها ولد ماتت بهيبه
ايشيلها وايوفي حليبه
وعباس لمه منين اجيبه
عباس عنها بعيد دربه
وعيونها الجيته تربه
الموته بلاولد ياناس صعبه
محله الولد لوللدفن راح
محزم براس النعش لواح
كلب الوالده بالموت يرتاح
ام عباس ونت وين ابنها
الوالده شعطلك عنها
عليك ديون واتوافي لبنها
امك ياسبع من طلعوها
وحشه الجنازه من خذوها
اضن الاربعه ما خبروها
الطارش تعطل ماوصلهم
خلي الاربعه ايفزعون لمهم
وحشه الجنازه ورايدتهم
تعطل شويه يالشلتها
براض خل تحضر ولدها
اسباع اربعه ام عباس عدها
كلولهم خافن يزعلون
عطلو الجنازه يالتدفنون
حنان وعله امهم عيب يرضون
ماضن يقبل المتروس غيره
امه وراسها بيده يديره
مهظومه والهظمه جبيره
هضمه هظمتج يم البنين
وين الاربعه وخامسهم حسين
ماحضروج من كمتي تونين
بعازت ولد خلاني دهري
وعباس بامه عيب يدري
مسدود عنج باب كبري
✍أم زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لم البنين
مر طاري الشجاعه وسولفو بيها
واسم ام السباع امفصل عليها
..............
بديوان طاريج يجيبونه
يم الاربعه واسمج يذكرونه
بالكعدات ماضيج يعيدونه
هيبه وتفتخر يالجبت طاريها
............
طاريها شرف والزود و الهيبه
يالجابت ولد نسوان متجيبه
ربت بالسبع واحسنت ترتيبه
دره وصافيه وعالراس اخليها
...........
عليها اشماكلت بالوصف موهيه
هاي ام البنين اربات نشميه
الها اصكور رضعتهم البدويه
انشد كربله وتشرح معانيها
.........
معاني هواي لم عباس كالوها
هاي ام الوفه والطيب سموها
شكالت من اجو بحسين خبروها
هالصوره تضل لدوم نرويها
............
يكلها عظم اجرج كالت احجيلي
خبرني بعزيزي هدمت حيلي
انه مانشدك عن بدر ليلي
زينب وين والمهيوب واليها
✍أم زينب كربلاء
🥀🥀🥀🥀🥀🥀🥀🥀🥀🥀🥀
موشح لم البنين ع عن لسان حال الحسين ع
اليوم كلب حسين يتناكط حنين
محزن ودمعه جره عله ام البنين
..............
اليوم محزن والدمع بعيونه
الموتت ام عباس غايب لونه
ايكول حالج يالوفيه شلونه
من لفاج الموت مايمج معين
............
كلبي يمه عليج يتناكط دمه
بريع دلالج وفيتي الفاطمه
الج موقف شهدته املاك السمه
حكي هذا اليوم اجهر بالونين
.........
ارد اون عليج ونات الحزن
واذكر ارباج واعله فكدج اون
يالحنينه وعله جلماتج احن
يوم كلتي الاربعه فدو الحسين
.............
انتي نبع من الوفه يالطاهره
يالفديتي جفوف سبع الكنطره
وعشتي بحزانج وحيده محيره
ارد اون عليج يم كلب الحزين
..........
اليوم وين اهل العزه ايواسوني
يومها ام عباس طفه عيوني
اشكد اعز ام الوفه اتعرفوني
الضحت بطف كربله اربع بنين
ام زينب كربلاء
✍أم زينب كربلاء
🥀🥀🥀🥀🥀🥀🥀🥀🥀🥀🥀
نخوه لام البنين ع وكذالك لسفره
كلمن طايحه بشده / تكوم البيرغ اتعكده
ودمع عيونها تسيله/ عليها تشمر الشيله
كلمن طايحه بشده
...........
وين الي عليها هموم خل تكصد البدويه
تندبها وتصيح دخيل ديري عيونج عليه
متعنيه وجيت اليوم يالبشدد منخيه
الج شان والج وكفات بيج الحاجه مكضيه
العدها داخله اليلة / عليها تشمر الشيله
كلمن طايحه بشده
................
هاي الماترد كصاد جيت اليوم اندبنها
لم الاربعه اتعنيت الشيله عليها اذبنها
جبت ضيم الوكت وياي وبيبانج ادكنها
وفيه والكرم غاطيج غيره البيج اعرفنها
وين الجايه دخيله / عليها تشمر الشيله
كلمن طايحه بشده
.............
كومي يالعليج هموم لم عباس حشميها
كلمن طالبه الحاجات وضيم الوكت موليها
تنخه الوافت ويحسين وحاشه ماتخليها
لو حرتي بهظم دنياج بالمذبوح حلفيها
هم الجايه تشيله/ عليها تشمر الشيله
كلمن طايحه بشده
............
انخيها شماكثر بلواج طلبي وشدي الرايه
هاي راية العباس وعليها غاليه هوايه
التعكدها وتهل العين وتكلها جيت شكايه
تدري باليلوحه الضيم يتيه من الحزن رايه
لومال الوكت ميله / عليها تشمر الشيله
كلمن طايحه بشده
..............
عكدي بيرغ العباس وخلي العين مجريه
ذكري العل شريعه يلوج والجفين مرميه
ماونت عله الويلاد من حزنت البدويه
ونها عله البكه المطروح والزينب المسبيه
بحك الراحت نحيله / عليها تشمر الشيله
كلمن طايحه بذده
✍أم زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لام البنين ع بدايتها نعي وكذلك لتشيع
كون الاربعه يفزعون ليها
يشيعونها ويمشون بيها
اهل الزود لاتبطي عليها
الجنازه موحشه ورادت وليها
(نزلت الفزاعيه)
لايبطون هذا النعش يتناهم
هاي الحنينه التعبت عله ارباهم
...............
امهم تريد ارباها لايبطون
اسباع تمشي وياها لايبطون
وعباس لو زتاها لايبطون
عزاز عدها والكلب رادهم
............
امهم تدير عيونها لايبطون
رادتهم ايشيلونها لايبطون
تطلب بشيل متونها لايبطون
محلاه لو ويالنعش ممشاهم
............
محله الولد دفانه لايبطون
راد النعش وليانه لايبطون
وين السبع واخوانه لايبطون
اليوم وين الاربعه تنخاهم
............
ام عباس وين اولادها لايبطون
حاير صبح جنازها لايبطون
فزعت الكافل رادها لايبطون
ياحيف ماشال النعش يمناهم
.........
طارش يروح الكربله لايبطون
ينده بهالي المرجله لايبطون
اليوم المعاتب حله لايبطون
حنان ذوله والترب ظماهم
✍ام زينب كربلاء
🥀🥀🥀🥀🥀🥀🥀🥀🥀🥀🥀
نعي لام البنين ع
الدهر اجرع مصايب راد مني
وحده فوك وحده راد مني
مهلني الموت لحظه راد مني
امنيتي الاربعه يحدرون بيه
.........
نعي
تمنيتهم بالموت اجوني
كعدو اكبالي وناشدوني
وبيده الولد غمض عيوني
.........
الوكت بولادج شيعيده
تعتبين والسجه بعيده
شوف الولد كلبج يريده
........
لربتك كوم واتعنه
شيل الحنينه بغير منه
تعتبين واحنه وين جنه
.........
يالوالده عتابج وصلني
ودمعات البعينج جوني
عنج ييمه الموت كضني
..........
علينه ييمه لاتعتبين
ماحضرو اولادي تكولين
شيال الجنازه بغير جفين
✍ام زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لم البنين ع
ضعن ام السبع حمل بظهريه
لاشاله ولد لا حضرت بنيه
...........
ماعدها ولد ياهو المشه بيها
وحيده ولا بنيه ونت عليها
وين الاربعه من شال حاديها
وحشه اجنازتج شالت يبدويه
...........
مايدري الحنين وخل يخبرونه
يلحك بالنعش غربه اليزتونه
عن امه الحنينه نامت عيونه
تعال ابساع يمصكر الحربيه
............
يصكار الزلم لمك تعناها
وانشد ياسبع ياهو الشالاها
موتدري الجنازه تريد ولياها
يوحش لومشه بيد المجيريه
...........
ضعن امك يكافل كاطع البيده
ما وياه حبايب ونت بهيده
محتازه الولد جنازها اتريده
لمه ما حضر ونت التاليه
...........
يم الاربعه والكول تسوينه
يلوك الون عليها من تونينه
وكت الموت والكافل تعتبينه
غفت عينه الحنين ومالحك بيه
..........
✍ام زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لم البنين ع
ماشالوج ياشيالت الراس
وين الاربعه والحيد عباس
...............
ماشالوج يسباع الميادين
مايدرون بمهم شابحه العين
يم عباس اولاج مشو وين
( الوفايه /وياهو الشال )
............
ياهو الشالها وشيع نعشها
هاي ام المحنه وين ابنها
يسباع المعاره وين عنها
( ماشالوها /جاليش امهم )
..............
وين الحيد ذاك الينحلف بيه
ماجه ابساع امه تعتب عليه
تعذر والنعشها ما وصل ليه
( اتعناها / يالبيك زود )
...............
تعنه للحنينه وشيلها بهيبه
يلمشكر وراضع من صدرنيبه
هاي الربتك عالزود واطيبه
(واتنومس بيها / شيل امك)
..........
شيل الراس واتنومس بطاريها
هاي البالوفه محد وصل ليها
حك اليوم امك تحزن عليها
( وتسوه الهوسه / بدويه امه )
.........
✍ام زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لم البنين ع
عليج اليوم شالو بيرغ الساده
تعازي الحيدر الكرار اولاده
...............
محزنين والج نصبو التعزيه
وشالو بيرغ الكافل يبدويه
زودج ياكريمه حجو ماضيه
(ذكروها / ايامج بالطف)
..............
ذكرو وكفتج والرايه شالوها
وتعازي الحيدر وعباس ودوها
هاي ام الوفه والطيب كالوها
( بطاريها / انشال الراس)
............
ماضيها شرف يامن تذكرونه
ماينعد فضلها شما تعدونه
حله البيرغ عليها من يشيلونه
(يعرضونه / اليوم عليها)
..........
حك عليج بالييرغ يعرضون
وهاي الجابت الكافل يكولون
يم الاربعه ويشهدلج الكون
(بماضيها / اشهد ياكون)
...........
طيبه وضلت الها ايام مشهوده
وشالت راسها بالشمر ازنوده
مري عله الشريعه وسولفي بزوده
(وهوسيله / الكافل يسوه )
✍ام زينب كربلاء
🥀🥀🥀🥀🥀🥀🥀🥀🥀🥀🥀
نعي لم البنين عليها السلام
انه امك يبعد امك الام اتعاتبك يالولد خليها
سوالف عندي يمه وياك واريد بدمعي احجيها
مواقف مرت عليه واحير منين ابديها
من يوم المشه الحادي اخذ روحي وطلع بيها
الشاهد عتبت البيبان ودمعي الي جره عليها
ليل انهار اون بالباب وعيني من دمه اجريها
نعي
شكثر يحسين عالبيبان تانيت
حسبالي تجيني وليش ماجيت
من ردن خواتك ليش مارديت
جنت اكعدعله البيبان يوميه
واكولن ياعزيزي هم الك جيه
ياسيل الدمع مانشف جاريه
عيني راح من عدها ضواها
وروحي من سره ضعنك خذاها
وعلة اغيابكم ماصح دواها
عن لسان حال ام البنين ع عند وفاتها
عليمن تديرن ياعيوني
وين الربه الذبل اجفوني
وهز المهد نحل امتوني
يبني الربه عذب احوالي
وضميتك العوز اليالي
تعال شيل امك يغالي
الهذا الوكت ربينه الاولاد
والمثل هذا اليوم ينراد
امك كضت وينك يوراد
امك كضت وتريد فزعه
والنعش بجفوفك تطلعه
ودت عتب للحلو طبعه
ودت عتاب بدمعت العين
وتريد هدات الحنين
يكعد يكللها شتريدين
✍ام زينب كربلاء
🥀🥀🥀🥀🥀🥀🥀🥀🥀🥀🥀
لطميه لوفاة أم البنين عليها السلام
عشت باحزاني وحيده
وعن اهل كلبي بعيده
وكل الاحباب /عني غياب
وعن اهل كلبي بعيده
..............
بهموم الزمان احتارت أفكاري
ياوحشة العشتها وبالكلب ناري
بعيدين الاحبهم والدمع جاري
يوميه اكابل عتبت ادياري
اهمل العين واذكر حسين
والعتاب وياه ازيده
عن اهل كلبي بعيده
...........
اكابل عتبت الديران يوميه
احاجيها ويرد بس الصدى عليه
وانه ادري الاحبهم مالهم جيه
كضه حيلي الفراك و بعد مابيه
راحت الروح وتدي الجروح
وكلبي ملكاهم يريده
عن اهل كلبي بعيده
..............
احن كل ساع للملكه واناشدهم
بحك سهر اليالي كمت اطالبهم
تشوغ الروح لوحنت الشوفتهم
شكثر يشتاك كلبي الذيج لمتهم
ليمت ايعود وروحي اتهود
وكتي مايرجع واعيده
عن اهل كلبي بعيده
............
مايرجع زماني وخابت اضنوني
وحيده بموتتي جاليش خلوني
ردتهم بآخر انفاسي يحضروني
ولاواحد اجاني وغمض عيوني
ماكو جناز من الاعزاز
والحنين انحز وريده
وعن اهل كلبي بعيده
.............
مشو اهلك يكلبي موت بالونه
بحسراتك تموت وكاطع الظنه
ونعشي ما مشه بيه الاحبنه
غمضت الجفن والدمع اهلنه
بآخر انفاس يمه عباس
مايجي المكطعوعه ايده
عن اهل كلبي بعيده
✍ام زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لم البنين ع
يشيال العلم شيل امك بهيبه
هوس عالجنازه وبيرغك جيبه
موتتها بفخر لوغربت بيها
تزتها ابيرغك لوشال حاديها
شمحله رايتك لورفت عليها
اليوم اتريدك / شيال الرايه
............
حلوه رايت العباس بجفوفه
يشيع بالجنازه بعينها تشوفه
غيور وغيرتك عباس معروفه
البيك وبامك / معروفه الغيره
...........
وحكك يبوفاضل تهل دمعتها
من ماتت تفلش الصخر ونتها
لو موجود جا عدلت ركبتها
امك من ونت / ريتك وياها
........
يصكار الحرايب ريتك وياها
بساعات المنيه ادير عيناها
مشتاكه عليك الشوك بجاها
الكافل وين الكافل / هاي امه اتريده
.........
كوم وشيلها يالبيك الكفايه
تعنه للحنينه وارفع الرايه
بهوسه ياسبع شيع الوفايه
البيرغ يحله عالمك /وتلوك الهوسه
✍أم زينب كربلاء
🥀🥀🥀🥀🥀🥀🥀🥀🥀🥀🥀
فزاعيه لام البنين ع وللعباس ع بدايتها نعي
وكذلك عاشوريه
لم عباس اون وتجري العيون
وين اولادها الجانو يسطرون
عن عباس وإخوانه ينشدون
كظاي الكلافه ابنج يكولون
نزلت الفزاعيه
وابنج كاضي الكلفه يسمونه
حيد وحير الميدان بفنونه
.........
شجاع وصاحب امروه...وابنج كاضي الكلفه
يطرب لولفت نخوه
بيه اتسولف الخوه
وبالشدات والعازه يندبونه
.............
اريد احجي عله وكفاته
هذا ازماط اخياته
ترج الكون هداته
يهز جبال صعبه اومايهزونه
..........
هذا ازماط عياله
وبيه حارت الخياله
واخته اتباهت بجاله
صدك عباس بالكلفه يندهونه
..........
حسين اتشيم بزوده
حيد اوكف بحدوده
شهدت شمرت زنوده
الراس بطاري الكافل يشيلونه
.........
وعن عباس انشديها
أفعاله تشيمت بيها
وتحجي بزود خليها
ماهاب الزلم همه اليهابونه
✍ام زينب كربلاء
🥀🥀🥀🥀🥀🥀🥀🥀🥀🥀🥀
نعي لم البنين ع
كون من البواجي المات ينراد
اسمه ويالنفس عباس ينراد
ييمه الولد وكت الموت ينراد
وتذخره الربته اليوم المنيه
غير الولد بالموت يحضر
وشلون من امه ايتعذر
وحشه النعش عباس سدر
...............
يطروش مرو الغاضريه
ومرو عله نهر العلكميه
وندهو البيه غيره وحميه
............
كلوله خل يحضر اليله
يهز رايته ويركب كحيله
يلحك بعش امه ويشيله
.............
ويصيح لا يجزي ضعنها
انه جاي واتكفل دفنها
امي شلون العذر منها
..............
يحفار لاتحفر لحدها
تاني لمن تحضر ولدها
موهاي اربع ولد عدها
................
يدفانها تريض عله الهون
عدها اربعه وخلهم يحضرون
يشيلونها بهيبه ويطلعون
................
بهداي لاتسرع بممشاك
ولاتتعب من الشيل يمناك
تاني ولدها يروح وياك
...............
يم عباس ايسي ولا تتانين
عله النامت عيونه لاتعتبين
يشيلج بيش يالماعنده جفين
✍أم زينب كربلاء
🥀🥀🥀🥀🥀🥀🥀🥀🥀🥀🥀
لطميه اوفزاعيه نخوه لم البنين ع
باب المايرد طلاب جيت اليوم ادكنه
جيت بخاطري المكسور ومرادي اريدنه
.............
لوضاكت علي دنياي والتم الحزن لمه
اذاكبرج طريجه بعيد اروحن لبنج بهمه
اكله كوم يالعباس وامشي الكافل عالمه
الباب امك اجيت دخيل دمع العين اهلنه
................
بابك امك يباب امراد للحارت بدنياها
كريمه وماترد كصاد وتفزع للتعناها
امك باب للحاجات ماخاب التنخاها
هموم البالكلب عباس حتى الحيل هدنه
..............
همومي حيل ثكلانه وثوب الحزن جاسيني
فز كلبي عله ام عباس ولالت دمعتي بعيني
فز كلبي وايكول دخيل لم الجود يوديني
شكايت حزن وهموم حنينه وتسمع الونه
............
اريد اليوم احلفنها بذيج الدولباها البين
بزينب اقسم عليها وبحك العزيز حسين
جيت ورايد الحاجه حزين ودمعتي بالعين
ثكلان الحمل ثكلان ابابج جيت اذبنه
..........
يباب الله العليه ايروح كلمن زادت همومه
عليج بحاجتي تعنيت ورحت البابج بهومه
شكيت وسولفت وياج روحي حيل مهظومه
كلمن كال عدها دخيل ابد ماقصرت عنه
✍ام زينب كربلاء
🥀🥀🥀🥀🥀🥀🥀🥀🥀🥀🥀
نعي لم البنين ع
اليلة عله ام عباس وني
كولي يابعد ذني وهذني
هاي البالهموم مشاركتني
..........
ام عباس للونات تسوه
وتكوم من تسمع النخوه
الماله تجيه تصير تجوه
...........
عليه وعليج ديونها هواي
اونن اوين التون وياي
اليلة ابجه عله امك يوفاي
...........
نبجيلها ونصيح وينك
ماعدلت جفها بيمينك
ماضن اليلة تنام عينك
..........
تكلك ييمه الموت كرب
تعال عد راسي تنحب
بلايه ولد والموت يصعب
..........
تعاي حط العين بالعين
وغمض عيون امك باليمين
شكضاك يالكلبك حنين
...........
ردتك تجي بآخر انفاسي
ياهيبتي وشيال راسي
والله يطبع الدهر جاسي
............
كلب الوالده اسمع وصيته
الغير حسين دمعي ماجريته
نساني الموت لو لحظه نسيته
✍ام زينب كربلاء
لا تنسون التصويت +متابعه الحساب