قصيده لمولاتي شريفه وهي تخاطب رقيه بعد وفاتها.
هنيالج شفتي ابوج بموتتج هنيالج
تعنالج راس من طف كربلا تعنالج
بس انه وكت منيتي
ماشفته ابوي بموتتي
هنيالج هنيالج
.❥ـــــــــــــ❂❥ـــــــــــــ❥❂ـــــــــــــ❥.
بهاي اعذريني يخيتي يارقيه
اثنينه احنه بالغرب جتنه المنيه
بس فرق بيناتنه بهاي القضيه
والدج شفتي وانه ماصح بديه
حتى لو بس وجهه اشوف
قانعه بكل الضروف
عاد من انحب يگلي شمالج
هنيالج هنيالج
.❥ـــــــــــــ❂❥ـــــــــــــ❥❂ـــــــــــــ❥.
هاي اول مره احسدلي بشر
ضلت بنفسي ابويه ماحضر
بس اون مشتاگه گاضيني القهر
افراگ ابوي بروحي تاركلي اثر
هاي ساعاتي الاخيره
وانه ابنيته الزغيره
الشماته تگلي شو ماجالج
هنيالج هنيالج
.❥ـــــــــــــ❂❥ـــــــــــــ❥❂ـــــــــــــ❥.
عادة الطفله تحن لحضان ابوها
بس دگلي شحال ذيج الي سبوها
گيدوها وشتموها واضربوها
وبالدرب من ماتت بغربه ادفنوها
هاي انه وقصتي
بگلبي باتت حسرتي
حالي يابت عمي يشبهه حالج
هنيالج هنيالج
.❥ـــــــــــــ❂❥ـــــــــــــ❥❂ـــــــــــــ❥.
هواي نتشابهه تره بدرب السبي
اثنينه متحرگه علينه العبي
اثنينه يضربنه ذاك الاجنبي
الشيب يابت عمي واصل حاجبي
ومثلي انتي بهالاذيه
بالغرب متي سبيه
گربت بديرة الشام اجالج
هنيالج هنيالج
.❥ـــــــــــــ❂❥ـــــــــــــ❥❂ـــــــــــــ❥.
اثنينه بديرة غرب متنه بحزنه
ومحد من احبابنه حن ووصلنه
ماتت ويانه محاچينه وضحكنه
ردنه بس الوالي لو يحضر دفنه
يزتنه ابونه المگبره
يهيل لبنيته الثره.
ويگعد بصف گبرج وينعالج
هنيالج هنيالج
