اشما تطول الدنيا بينه رايحين
راجعين …للتراب المنه اجينه راجعين
باچر احساب وعذاب
من يغطينه التراب
رايحين.. رايحيننركض اعله الدنيا المن واحنه نعرفها امتحان
نذنب ونغفى ابحضنها وندري ما بيها امان
خلّي نتلاحگ عمرنه گبل ليفوت الأوان
وسفه بچفوف المعاصي نغلق ابواب الجنانخل نتوب… گبل لا يثگل حملنه خل نتوب
بالذنوب…لشوكت نملي سجلنه بالذنوب
كلشي مكتوب ابكتاب
من يغطّينه التراب
رايحين…رايحين
----------------------
لحد ايعظم قدرها الدنيا مو مال احترام
تغري الانسان ابمكرها وهوّه يعشگها ابهيام
باچر انشيل امن اهلنه ونسكن ابيوت الظلام
وياكل الدود ابجسمنه ابكثر ما ناكل حرامهايمين… ابدنيا صلفه وما تحبنه هايمين
تايهين…ابظلمه ما نندل دربنه تايهين
والذنوب اعله الرگاب
من يغطينه التراب
رايحين… رايحين
---------------------
مدري يا ساعة نسافر لحد ايثق بالحياة
كلمن ايحضر متاعه غفله يدركنا الممات
بالگبر حسرة اشكبرها وغربه ما منها نجاة
لو گعدنه ابصفه وحشة شلون اذا وسطه نباتمن نموت…محد ايظل بس عملنه من نموت
ماكو صوت… ساعة ويردون اهلنه ماكو صوت
وحشة واشثگله المصاب
من يغطينه التراب
رايحين…رايحين
---------------------
عالم البرزخ يعالم كله اهوال وفضيع
الله يستر من عذابه ايخوف ومابيه شفيع
لكن احنه ايظل املنه ابصاحب الراس القطيع
ماكو غيره اليفزع النه انحلفه بوليده الرضيعللحسين…خلي ننذر كل عمرنه للحسين
نمشي وين…غيره محد يشفع النه نمشي وين
تسهل ابزوده الصعاب
من يغطينه التراب
رايحين… رايحين
----------------------
لو وصل يوم القيامة تبدي محكمة العباد
اشنزرع ابدنيانه نلگه الكل زرع موسم حصاد
كلها تنساق الجهنم ينجى بس العنده زاد
واحنه ما عدنا وسيلة بس عزيز الزهرة غادحايرين… نوگف ابيوم القيامة حايرين
خايفين… كلمن ايلوذ ابأمامه خايفين
عند ابو اليمه الجواب
من يغطينه التراب
رايحين... رايحين
---------------------
الشاعر. وليد العكيليلاتنسون التصويت +متابعة حسابي