عَليّ مظهر عَجائِب💜.
عَليّ هَذا الصُميدة، عَليّ باجر اريده
عَلِيّ يحضر على المعبر، عَليّ يعبرني بيده
عَليّ بساعة ختامي، عَليّ هو المُحامي
عَليّ المأوى مِنْ البلوى، عَليّ وحده امامي
عَليّ المحشر بجفه، عَليّ يحضر نعرفه
عَليّ بساعة الكلفة، عَليّ ياخذنا خلفه
عَليّ مولى، عَليّ!، عَليّ مولى، عَليّ!⚡
_
عَليّ مُظهر عجايب، علي عون النوايب
علي عالي، علي الوالي، علي بجفه الكواكب
علي نوح ونجاته، علي عيسى وحياته
علي النور وعلي الطور وعلي موسى وعصاته
علي الضارب بسيفين، علي الطاعن برمحين
علي الهاجر هجرتين، علي البايع بيعتين
عَليّ مولى، عَليّ!، عَليّ مولى، عَليّ!⚡
_
عَليّ نهج البلاغة، عَليّ شيسد فراغة
عَليّ الحق وعلي الصدق وعَليّ الرحمن صاغة
عَليّ اول خليفة ، عَليّ رغم السقيفة
عَليّ الشمس وعَليّ القدس ،وعَليّ الكعبة الشريفة
عَليّ مولى، عَليّ!، عَليّ مولى، عَليّ!⚡
_
عَليّ شجرة ربيعي عَليّ باجر شفيعي
عَليّ يفزع عَليّ يشفع عَليّ يعرفني شيعي
عَليّ بيوم المنية، عَليّ ياخذ بديه
عَليّ عهدي، عَليّ عندي، عَليّ حُبه هوية
عَليّ ما ينسى اسمي، عَليّ الگاه يمي
عَليّ اليسري بدمي، عَليّ مغذيتني امي
عَليّ مولى، عَليّ!، عَليّ مولى، عَليّ!⚡
_
عَليّ جنة حياتي، عَليّ فوزي ونجاتي
عَليّ بعيني وشراييني، عَليّ كل امنياتي
عَليّ هو الوسيلة، عَليّ ماكو مثيلة
عَليّ يسري بوكت عسري،عَليّ حامي دخيله
عَليّ بوكت الشدايد، عَليّ ميردله واحد
عَليّ والعالي شاهد، عَليّ للدنيا قائد
عَليّ مولى، عَليّ!، عَليّ مولى، عَليّ!⚡
_
عَليّ بيده مصيري، عَليّ ساكن ضميري
عَليّ الحاكم وانا الخادم، عَليّ هو اميري
عَليّ الرفعة بخدمته،عَليّ بدمي مزجته
عَليّ الجنة ونعم منه، عَليّ للشيعي جنته
عَليّ باجر ضماني، عَليّ حصني واماني
عَليّ يردد لساني، عَليّ وما عندي ثاني
عَليّ مولى، عَليّ!، عَليّ مولى، عَليّ!⚡
🖊كرار حيدر الخفاجي.
