قصيده لسفره ام البنين ع مفصله لقضاء الحوائج ولطلب الذريه ولزيح الهموم ولشفاء المرضئ ولطلب ان يحضر لنا الحسين ع في القبر.
❥ـــــــــــــ❁🪶❁ـــــــــــــ❥❥
اشد بيرغ السفره ودمعي همال
يم عباس اجيت اشكيلج الحال
يمولاتي نخيتج
جبت همي واجيتج
اشد بيرغ السفره .......
❥ـــــــــــــ❁❁ـــــــــــــ❥
اجيتج حايره والـدمعه بالعين
من طبيت حلفــيتج بالحسين
كريمه والـــيگصدج اله تنطين
نخــيتج هل مـسيه يم البنين
همي صار بيدج
تمسحينه اريدج
اشد بيرغ السفرة /////
❥ـــــــــــــ❁🪶❁ـــــــــــــ❥
شافي كل علـيل اليوم ارجاج
وكلمن كاصدج للسفرة ينخاج
يمولاتي الگلب من همه ينعاج
بداعت كل عزيز ودمع مبجاج
مبجاج ونينج
كله علئ احسينج
اشد بيرغ السفرة //////
❥ـــــــــــــ❁🪶❁ـــــــــــــ❥
يالحره طلبت امرادي هليوم
تعنيت لسفرتج گلبي مهضوم
احلفج بالذي من الذبح مالوم
تگضي شدتي الجرحت البعلوم
انخة ودمعي سايل
الوكت يالحرة مايل
اشد بيرغ السفرة //////
❥ـــــــــــــ❁🪶❁ـــــــــــــ❥
اريد انخاج للــــماعــنده اطفال
الهضم يلجم بگلبه ودمعه همال
ارزقي الي طلب يالـحره بعيال
جـــتال الــوجـــع بگليبه جتال
امنيته يناغي لابنه
بيج اليوم املنه
اشد بيرغ السفره //////
❥ـــــــــــــ❁🪶❁ـــــــــــــ❥
هذا اخر طلب بيه راحت الروح
اريدن بالكبر يــــحضر المذبوح
گلبه من السبي ادريــه مجروح
طلبتج يالحنينه ودمعي مسفوح
بكبري يحضر احسين
نخيتج يم البنين
اشد بيرغ السفره //////
❥ـــــــــــــ❁🪶❁ـــــــــــــ❥
تمت بتوفيق الله واهل البيت ع
بقلم الشاعرة غدير الحساني
🥀🥀🥀🥀🥀🥀🥀🥀🥀
فزاعيه مع هوسات لوفات ام البنين
الج بيرغ عراضه اليوم ينشال
رفعت راس هاي الجابت ارجال
الج بيرغ عراضه ويحزن الكون
لام الاربعه الساده يطلعون
جادم النعش كلهم يهوسون
((ابعز وهيبه / السادهايشيلوها))
ثلث تنعام منج بت الاجواد
ضحت اربعه شجعان الولاد
واحدهم سبع لضيج ينراد
(اسباع اولادج/يربات الغيرا))
الج بيرغ عراضه وكون هوسات
هاي ام الوفه التكضي الكلافات
شيالت نعشهه الفاطميات
((انشيع جينه انشيع /تابوت الهيبه )))
انشيعهه ابحزن يا ام الصلاطين
هاي ام الوفه هاي ام البنين
اطلبي امراد منهه يل تحضرين
