ثكيل اويهدم اجبال ياظيم العليه
للكوفه الضعن شال من الغاضريه
اصيح هنا يخوتي
محد سمع صوتي
مايدرون الأحبال كصت جف اديه
✍🏻✍🏻✍🏻✍🏻✍🏻✍🏻✍🏻✍🏻✍🏻
ثكيل اويهدم اجبال همي اوعدمن اشكيه
اشلون امشي سبيه والعطشان اخليه
لاغمضت عينه ولامديت رجليه
ماخلوني اشوفه
يزعل من اعوفه
لويرضون ضليت وي ابن الزجيه
ثكيل اويهدم اجبال ياظيم العليه
للكوفه الضعن شال من الغاضريه
✍🏻✍🏻✍🏻✍🏻✍🏻✍🏻✍🏻✍🏻✍🏻
ذوله الكوم كفار عدوان اويكرهون
صحت خلوني اضل يوم لاكن مايقبلون
جسم حسين المه واغسله بدمع العيون
ابهيده ابهيده اشيله
واقراله العديله
وراس حسين ارده للجثه الرميه
ثكيل اويهدم اجبال ياظيم العليه
للكوفه الضعن شال من الغاضريه
✍🏻✍🏻✍🏻✍🏻✍🏻✍🏻✍🏻✍🏻✍🏻
مايرضون ادفنه واحط راسه اعله نحره
ادور خنصر ايده وألم اضلوع صدره
بسنين المضت ذيج اخوي حسين اذكره
انه وياه ربينه
بحضن امي الحنينه
شلون ايام حلوات عشناهن سويه
ثكيل اويهدم اجبال ياظيم العليه
للكوفه الضعن شال من الغاضريه
✍🏻✍🏻✍🏻✍🏻✍🏻✍🏻✍🏻✍🏻✍🏻
ربينه ابيت ابونه وعشنه ايام حلوات
بعد هيهات يرجع ياذاك الوكت فات
هسه حسين مذبوح وانه ابين شمات
لاونيت يمه
لاخلوني اشمه
من بعيد اسمعه يوصيني ابرقيه
ثكيل اويهدم اجبال ياظيم العليه
للكوفه الضعن شال من الغاضريه
✍🏻✍🏻✍🏻✍🏻✍🏻✍🏻✍🏻✍🏻✍🏻
سمعته ايصيح زينب ريضي اولاتروحين
عليج ابدرت امي وعشرت ذيج الأسنين
اذا شفتي رقيه شوفي اعيون الحسين
ازغيرونه اويتيمه
ماتحمل هضيمه
ضميهه بعباتج عن اسياط اميه
ثكيل اويهدم اجبال ياظيم العليه
للكوفه الضعن شال من الغاضريه
✍🏻✍🏻✍🏻✍🏻✍🏻✍🏻✍🏻✍🏻✍🏻
ضميهه ابعباتج عن السوط بتي
يزينب روحهه اتروح لوشافت ركبتي
اشلون اصبر يهالناس شلون احبس دمعتي
راح اشبع مذله
والديوان ادخله
وصوت ايزيد اسمعه ايكلي الخارجيه
ثكيل اويهدم اجبال ياظيم العليه
للكوفه الضعن شال من الغاضريه
✍🏻✍🏻✍🏻✍🏻✍🏻✍🏻✍🏻✍🏻✍🏻
بقلم🎤المله أم هجران العمارجيه
القصيده بديوان📚صبر العقيله
الجزء السابع عشر
