شـمســويـتلك مـا تـحچيلي
لا مـن جـيلك لا مـن جـيـلي
تـــوه اتـعـــلـم چـلـمـة بـابـا
و انته بسوطك ماخذ حيلي
انــه عـــزيــــزة ابـوهـا رقـيــه
بـنـت الـي يـگعد و يحب اديـه
مـا راح اگـلـه انبـاگـت تـراچـي
و راوسنـي الـمـاي ابـ تـرچـيــه
مـاي ... يـبـست لـهاتـي
مـاي ... يـطفي عـباتـي
مـاي ... عطشن خواتي ... حسيـــــن
(ه..☆☆☆☆☆☆☆☆☆☆☆ه..)
ايدك خشنه و توجع بـإذنـي
اشعندي وراكضلي اتسلبنـي
بـس الشيله الـتستر خـدري
امتعب روحــــك و متعبنـي
غيـر الـذبحته ايصير اعيـونـي
ما شفته غمـض عينـه بـدونـي
اله اعله حضنـه اتـنـام الأميـره
مـا يـدري هسـه الـوادم ولـوني
ويـن ... امشي سبيـه
ويـن ... اهلـي عـلـيـه
ويـن ... ضحكة رقيـه ... حسيـــــن
(ه..☆☆☆☆☆☆☆☆☆☆☆ه..)
أسمـع صوت و مدري اشصايـر
صـوت اعضـام ايكسره الحافـر
اتـرابـه و مـا ينشـاف الـطـايـح
جـيـش و يـفـتـر دايـر مـدايــر
حـاولت اشـوفـن يـاهـو الـطـايـح
يـا عـمه و اسمـع صـوت الصـايـح
ذبـحو الـحسين و حـرگو خيـامـه
و هـجمت شفتهـه الـجاي و رايـح
راح ... كـافل خـدرنـه
راح ... حرگوا خيمنـهَ
راح ... هـيمـه ضعـنـهَ ... حسيـــــن
(ه..☆☆☆☆☆☆☆☆☆☆☆ه..)
زيـنب عـمـه اتـدني اشويـه
طـلـعيـلي الشـوچ ابـرجليـه
مسحي الـدم الـيـنـزل منـي
و مسبيـه اتـبـاري المسـبيـه
يا عمه صاحوا ذبحـنـه زلـمـهن
ركـضـو عليـهن حرگو خيـمـهن
نــار المخيــم وصـلـت عـبـاتـي
زحمـه خَـوَلـه ايصيح ابوجـهن
مات ... يا عمه ابـونـه
مات ... لاكـبر اخـونـه
مات ... ولـــيه ولـونـه ...حسيــــــن
(ه..☆☆☆☆☆☆☆☆☆☆☆ه..)
خادم القصيدة || هـادي شبـيب الخيگـانـي
••••••••~🐝🦋🐝🦋🐝~•••••••••
••••••••~🐝🦋🐝🦋🐝~•••••••••
قصائد السيدة. رقيه عليه السلام
محتاره برقيه وين اوديها
اجيب الجثه لو بالشام اخليها
🔔🔔🔔
محتاره شكله لو نشدني حسين
ولو كلي يازينب جا رقيه وين
شكله مددتهه وغمضيت العين
يكلي شلون بيدج غسليتيهه
🔔🔔🔔
خاف حسين ع الطفله يعاتبني
شكول وشعتذر منك يخال ابني
مصابك دوهناني وحيل شيبني
وماتت عالطشت خويه وحرت بيهه
🔔🔔🔔
حرت يحسين من اوصل شكللك
وتنشدني عليهه وشعتذر منك
وماتدري شجرالي من رحت عنك
روحي تنمرد. لو جبت طاريها
🔔🔔🔔
تهد الحيل لو سمعيت ونتهه
صارت عالطشت يحسين موتتهه
وصارت طفلتك بالشام دفنته
طبعات المتن بالسوط ماذيها
🔔🔔🔔
وطبعات المتن يحسين ياذنها
المغسلات مايرضن يغسلنها
سوده متونهه يحسين شافنها
يكولن هالذليله تون شبيها
🔔🔔🔔
تمت ولاتنسون ⭐ تقدير لجهودنا
_________________________
فزاعيه السيدة زينب عليها السلام
تميل وي الهوى زينب ؏ الناكة
ياعباس كلي شوكت نتلاكة
________________
تميل وي الهوى كل حيل مابيها
هاي مخدرت عباس تاليها
الف ياحيف تالي الشمر حاديها
تكول الحيد عني شعطله وعاكةه
_______________
تكول شعطلكً عني يخال ابني
عجب تسمع عتابي ماتجاوبني
حسافه الجابني ياحيف ضيعني
ياعباس روحي عليك مشتاكة
_______________
مشتاكه لحجينه ولمسامرنه
وكعدات الاخوه البيها سولفنه
تاليها الوكت يبن امي فاركنه
تفاركنه وبعد هيهات نتلاكة
_____________
هيهات الملاكه وكعدت الحلوه
مره بلايه ولي ياناس ماتسوة
باليني الدهر بلوه ؏ الخوه
والف ياحيف ضعني حرمله ساكةة
______________
مشى ضعني وصحت وين اهل المروه
دهر خوان خويه وبيكم شسوه
عجب عباس شو ماتسمع النخوه
حا يا ناركم بلكلب حراكة
_______________
احا ياناركم تسعر بدلالي
وصواب وجرح ماطاب للتالي
اصدن للمنازل توحش كبالي
وعازيني يادار عليهم
__________________♥️
