عباس عيـــــــونك خليهه
اموادع ويــــــاك اگضيهه
اتعطل عالمــــــاي اشويه
عطشانه وماريد احچيهه
يفت بيه العطش واحسب الف حسبه
واليعطش ترى حته الهـــــــوى ايتعبه
وعيون المخيم كلـــــــــــــهه عالجربه
احچــي شلون ياهـــــي اتهون
واقره عيــــون عطشانه
من اتــــــــروح تطــــــلع روح
كلهه اجــــروح هاي انه
ماتطلع من گلبــــي احچايه
ولا اگلك عطشـــانه اهوايه
خويه اعله اغيابك مـــابيه
عطشانه ومــاريد احچيهه
يخويه ابگلبي تسحگ كل اثر خطوه
من اتدير ضهرك ابــــــــــــــدي اتلوه
وكـــــــــت خله الفرات ايفرق الخوه
اصعــــب يوم ماملچــــوم
مثل اليــــــوم ياگلبــــي
ام الليـــــــــــل شافت ويل
درب الخيــــــل مودربي
يامكثرها الخـــــــــيل اگبالي
بس وحده العبــــــاس الغالي
بالخيمه واشبـــــــــــچ ايديه
عطشانه ومــــــاريد احچيهه
اودعك بالله مادام الخيـــــم نشفت
وادري ماترد بـــــــــس انتظر هلبت
من ترجعلي گـــول الروح الي ردت
الله اويــــــاك اترجــــــــاك
كــــــون الگاك گــدامي
خـــــويه الزود والمـــــريود
رد اردود لخيامي
رايح يالماعـــــــدنه اخلافك
خويه ايعيش البلطف شافك
لاتتأخر عــــــــــــــــــالعلويه
عطشانه وماريــــد احچيهه
اخذ جوده وطلع وعيـــــوني ماتهده
چنت زينـــب لچن بعدك صرت شده
ترا حسينك يضل يابالفــــضل وحده
بالصيــــوان بس نســوان
وجهك چان حامينــه
الله ايـــعين گلب حسين
عالصـــوبين فر عينه
مره ايباوع صـــوب اضعونه
ومره اعليك ايديـــــر عيونه
ياحيرتنه ومـــــــــــالك جيه
عطشانه وماريد احچـــــيهه
اتعطل لاتموت الخـــــــــــاطر العشره
مگدور العطش والمــــــــوت شيگدره
كلما تبطي اشوف حسين كض ضهره
راح الشــــوف حيره وخوف
بليه اچـــفوف كالوها
نسمع طـــــاح بيــــن ارماح
حيــــــلك راح شالوها
گــــــــــدامي الجربه ايشيلوها
واسهام ابمتنــــــــــك ترسوها
وحسين امــــــــــــدنگ رد ليه
عطشانه ومـــــــاريد احچيهه
