ان شاء الله •••••• ان شاء الله
١
ان شاء الله نزور العقيله ان شاء الله
ان شاء الله تـفرجهـه كـون الـطاهـره
تـوهـوس الخـدام ذابـحـهه الـرحـيل
يـعـيـنـهـه الله الـوادم الـمـازايـره
ليمت. نزور كبر ام الخدر
ليمت . هوه شو ركضه العمر
ليمت. نوكف بـاب الصـبر ليمت
شـيسد لوعاتـنه وشـيطيـب الكلوب
فـراكج جـاسنـه يـا فـرض الغـروب
نـحسب للزيارة احسـاب مشـتـاك
جنـدوب الصبـر يـم عون جنـدوب
ان شاء الله •••••• ان شاء الله
ان شاء الله نزور العقيله ان شاء الله
٢
دخـيـلج عله الله وعلـيج دخـيـلج
نـريـد عـن عـشـك الخيم نحجـيلج
نـريـد نـغـرك بـالعذاب ال بـالـضريح
وبـامـان الله نــجـي وتـسـهـيـلـج
طالت. الحلم نفس الحلم
طالت. وروح البلايه هدم
طالت. والهـضم ما يلزم طالت
جبيره الغربه تكبر يوم عن يوم
الياحد الضايع البينه مرسوم
يمولاتي الحزن خضر بالعيون
وملجوم اليضم اسراره ملجوم
ان شاء الله •••••• ان شاء الله
ان شاء الله نزور العقيله ان شاء الله
٣
حـايـره الـناس التعـشكج حايـره
الخـاطرج حـته اضـلام نـعـاشـره
يـاهو مـا يتمـنه من عـدنـه يجيج
نـار مـو مـاي الـمـشـاعـر صـايـره
حيره حيره ودموع وندم
حيره صارت العيش وهم
حيره كلهه متحضره الخدم حيره
مـنو يروح الـسنه هنيـال اليـروح
يشم عطر الكرامه ويبني الجروح
اليسـافـر يـمـج يـكـولـون يحـتـار
ينوح ويكضي ليله بلا وعي ينوح
ان شاء الله •••••• ان شاء الله
ان شاء الله نزور العقيله ان شاء الله
٤
كاضـيه الدنـيا وحـكج كـاضـيه
فدوه عوضينه السنـين الـماضيه
نريد نبـجي وما نكـف من البـجي
الـعـافيـه بـذكـرج تـرد الـعـافـيه
زينب يمه شيهوده الكلب
زينب صعب يضمد صعب
زينب مره دلينه الدرب زينب
محسود اليزور ويمشي كل عام
اليعذب الشام يعرف لوعة الشام
يالمضيع الضعن ومضيعه الحسين
احـلام الـزيـاره تـهـيـج الاحـلام
ان شاء الله •••••• ان شاء الله
ان شاء الله نزور العقيله ان شاء الله
٥
عيـني كلـمن بـي جرح عينـينه
لا اضـنـيـن الـسـبـي نـاسـيـنـه
نـذكـر الـسوك وعـذاب النـاكـه
بـيـنـه نـار امـن المـخيم بـيـنه
غربه يالمـشيتي ميـسره
غربه الغربه بس انتي تره
غربه الجره بضعنج ما جره. غربه
وحيده بلايه اهل وبلايه اخوان
سـاعه بالخـرابه وسـاعه ديـوان
خلص عمرج ركض مابين الرماح
ونيـشان المـناره الوحـشه نيشـان
ان شاء الله •••••• ان شاء الله
ان شاء الله نزور العقيله ان شاء الله
✍️🏻 انور السهلاني
