هوســـــات للقاسم ابن الامام الكاظم عليهما السلام.
::::: """" "" "::::::::::" "" " ""::::
غريب وما اله اخوان اليشيعونه
مات بغربته وما نشفت عيونه
لحد الموت ينحب مايحضرونه
(وين السادات يشيلونه )
✍🏻ام زينب السعداوي
::::: """" "" "::::::::::" "" " ""::::
شباب وراح للغربه ويدير العين
مثل شبل الحسن من مات بيد حسين
مات بغربته ولهله يزيد ونين
(ياليومه هد حيل احبابه)
✍🏻ام زينب السعداوي
::::: """" "" "::::::::::" "" " ""::::
وين السادة خلي اتشيل الجنازه
يا عازة اخوته اليوم يا عـازه
خلي العين تجري ادموع نزازه
( نجريها .. و الدمعه الفگدك )
رغـــــ✍🏻ـــــــــدالبهادلــــــــي
::::: """" "" "::::::::::" "" " ""::::
وين الضايجه و اهمومها اهوايه
خل تمشي لضريحه و تبچي شكايه
للقاسم دهوسي و شيلي الرايه
( هوسيلة .. واشكيله اهمومج )
رغــــــــ✍🏻ــــد البهادلـــــــــي
::::: """" "" "::::::::::" "" " ""::::
الهوسه للغريب اتلوگ اله وتحله
مات ابغربته المظلوم بالحله
امه ابعيده عنه وبنته الطفله
((ماحضرن ...غسله وتشييعه))
زيـــ✍🏻ـــــنب الـواسطــي
::::: """" "" "::::::::::" "" " ""::::
كسر ظهري الحمل وضلوعي مطبوگه
ومن دهري عله اليافوخ مطكوگه
احلفك بالنحر لحسين وعروگه
(تگضيها..... والكلفه التصعب)
زمـــ✍🏻ــــن حـاتــم الربيعــــي واســــــــــــــــــــــــط
::::: """" "" "::::::::::" "" " ""::::
وينه العنده حاجه اليوم. خل يتعنه للحله
ويم صحن الغريب اينوح يمه المدمع يهله
ضاكت بيه يامولاي يصرخ صوت ويكله
هاا. اليوم ابابك. علكت الحاجه
✍🏻ام وسام ال حيدر
::::: """" "" "::::::::::" "" " "":::::
تمت بحمد الله وتوفيقه بأقلام شاعرات ناعيات الطف باشراف الشاعره الحاجه ام حسين العسكري ناصريه نسألكم الدعاء والفاتحه لامواتنا وامواتكم مع الصلوات
