"قصائد محرم الحرام( الليله الخامسه )
موشح (مسلم ابن عقيل(ع)
======================
هــذا مسـلــم بـيده ســل بتاره
وعلى الكوفة اليوم شـن الغاره
======================
هذا مسلم يشبه لحـيــــــــدر علي
والكابله بالـــــــحــرب بلوه يبتلي
هلهلتله طـــوعه كلها طوعه تدللي
بسيــفي امــوته الراد يــدنه الــي
عدوانه والله اليــــوم بيه محتاره
=====================
هذا مـسلم مـايهاب مــــــــن الكفر
سحـك والله بـسيفه اجدام الخطر
صاح منـــي اليـــوم مــاالكم مــفر
ولوشال سـيفه محــــد كباله حضر
الجــيش والله اليــوم يمحي اثاره
=======================
هذا مسلم لــــويطب سوح الحرب
دومـــــــه غالب والله لامـــاينغلب
الحـــــومه تشهدله اذا رايــد يطب
جنــه عمي علـي قتال العــــــــرب
جنه حيدره علي حــــــــامي جاره
=======================
الكوفه كلها تعجبت مــــــن صولته
حيـــــــن صال وحمل مسلم حملته
الجيوش والله اليوم كلها حـاطتــه
جن حيــــدره بالحرب والله شمرته
لعلي يشـــــــبه مــــــن يسـل فقاره
========================
🏴🏴🏴🏴🏴🏴🏴🏴🏴
"لمصيبة مسلم ع بنات الحسين يخاطبن حميده بنت مسلم ع
يا حميدة راح ابوج
و برحيله يتموج
هاجر الهجرة البعيدة
عظم اجرج يا حميدة
راح ابوج راح ابوج
***************************
حانت اوقات المتاعب
و ابتده وگت العسر
عظم اجرج يا حميده
و الله ينطيج الصبر
والدج راح امندينج
و انفتح باب الهجر
و انت يا طفلة يتيمة
صرتي من اول عمر
ابتده وگت النحيب
و الجرح ما چن يطيب
والدج حزوا وريده
عظم اجرج يا حميده
***************************
لمي حزنج يا حميدة
و للمصيبة تحضري
و بالمناحة شدي حيلج
و بالنواعي تصبري
كل بنات حسين اجينه
الساعة يمج امري
بيا طريقة ننعى گولي
يا حميدة و قرري
انت ام هذا المصاب
ننتظر منج جواب
يا حزن فايت نعيده
عظم اجرج يا حميدة
***************************
ندري باللوعة چبيرة
و حيل گلبج منفجع
بيا حزن نبدي العزية
گولي بله و يا وضع
مثل ما ننعى الزجية
ومحسن وكسر الضلع
لو مثل ما عالصميده
لمسلم انهل الدمع
لو مثل يوم الحسن
ننحب بسير الضعن
لو نون ونة جديده
عظم اجرج يا حميدة
***************************
انت اول طفلة بينا
سارت بدرب اليتم
و كل بنات حسين باجر
تشعر بنفس الطعم
يعينه و يعينج الله
شراح نلگه من هضم
خلي من هسه نتعاون
عالمناحة و عاللطم
باجر النه ينفتح
يا حميدة چم جرح
لوعة الوالد شديدة
عظم اجرج يا حميدة
***************************
باجر ابعين الفواطم
ينرسم منظر فضيع
كل بني هاشم ضحاية
و ينذبح حتى الرضيع
الگمر يهوى الشريعة
و يوگع الاكبر صريع
و زفة القاسم نياحة
و حنته فيض النجيع
حسين ابونه يظل وحيد
لا بنينه و لا عضيد
عالنهر يوگع عضيده
عظم اجرج يا حميده
***************************
يا حميدة بينه باجر
ما تظل حرمة نبي
الخيم تنشب علينه
و تحترگ حتى العبي
كلنه باجر يا حميدة
امن الهضم نحبي حبي
علينه مكتوب و تحتم
نركب اضعون السبي
و السبي دربه طويل
و احنه نسوة بلا كفيل
الكفل مگطوعة ايده
عظم اجرج يا حميده
***************************
علي حسين الكناني
"🏴🏴🏴🏴🏴🏴🏴🏴🏴
