يمه عبد الله الدهر أذاني .. بيك كثر لوعتي وأحزاني
يمه يمه .. يمه يمه
********
يمـــه دمعــــة عيني عالوجنة تصب
ونار فقـدك والله تسعر بالكلب
تيهت ياصوب أمشـــــي يالدرب
ماطفت وســـــط الكلب نيراني
********
فاركَـتني وعفت كَلبي بالحــــــزن
أجرع ألام وأهـــــــــم يبني وأون
يعاتب نجوم السمه ضــــل الجفن
بعد الخيام وحــــــــــركَ صيواني
********
دمع عيني دم على خدودي جره
ليش عبــــدالله عفتـــــني مكدره
بيك خلاني زمـــــــــــاني محــــيره
أطحن همـــــــــوم وصبر خلاني
********
والله فكدك نحل عظامي وحنه
يلي بعده ما وصـل عمرك سنة
بقيت مـن بعــــدك ييمه مدوهنه
سهم فكَــــــدك بالچبد صاباني
********
دم حمــــر تنزف يطفلي دمعتي
وما تســر العــين ضلت حالتي
أتبچي حـته الســـــمه يمه ونتي
يابعد روحــــي ونبض شرياني
********
شلون أتحمل وأعوفـــك عالــثره
وأمشي بضعون لسبايه ميسره
ماتجف غيوم دمعــــــي الماطره
دهري بدروب اليســـر مشاني
*********
شاعر أهل البيت
الشيخ عبد الحسين المنصوري
🏴🏴🏴🏴🏴🏴🏴🏴🏴
من يبجــــي عبدالله بدمع عينه
يرسملي ضحكه وصورة حسينه
عبدالله يبني عبدالله يبني
____
هذا لوالد شو مابجه كاطع نحيبه اليله
خالي لمهد مابيه ضوة وأنه بدمع احجيله
يل راسم بوجهك صور طعم الفرح وتهيله
ماتت ضحكتك ياطفل وأنه بحزن أبـجيله
أبجي ودموعي من دمه سالن
وعيوني يبني على المهد نامن
عبدالله يبني عبدالله يبني
____
ياتعب عمري يالولد يالمايجي ابغلاتك
ياركن بيتي الي نهدم بساعة خبر مماتك
ياطير يعيوني الضوة ياضحكه وشحلاتك
ياألترسم الضحكه الي ويالعيشتي بحياتك
يالوجهك بلـــون البدر الونه
وأنه امــــوتن يمه من دونه
ياعبدالله يبني عبدالله يبني
____
انته أول أجروح الكلب من الحزن دك بابي
عبدالله سهمك بالنحر زيـــ علــيه امصابي
يالجرحك بوسط الكلب مايشفه بيه صوابي
أرد أعتب ولو عاتبت مايجدي يمه أعــتابي
دهري عله بيبان الدمع ذبني
من عاتبت سهم النحر يبني
عبدالله يبني. عبدالله يبني
____
كثر الدمع يروحيتي ذبل ييمه جفوني
ودموعي لو سالت نهر يتبده من عيوني
ماحسبت تالي الوكت بمصابك يفجعوني
تموت بعمر مثل الورد وانه تخيب اضنوني
يوليدي يااغله اوعز غالي
راسك شوفه على لرمح عالي
عبدالله يبني عبدالله يبني
____
عاتبته رمحك بالدمع صار الرمح يسمعني
يم الطفل كافي العتب عتبج ترة يالمني
موبيدي والله يأم عتب هوة الاصر يرفعني
كفي العتب يم الولد عتبج صدك تعبني
عبدالله رمحك مالك حساسك
نزلت دمــــوعه من رفــع راسك
عبدالله يبني عبدالله يبني
___
الخادم عبدالله الرضيع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
