مولود لولادة السيدة زينب "عليها السلام"
ــــــــــــــــــــــــــــــــــــ
هاليوم العقيله ضووت الدار
تتربه بعزك حامي الجار
شگد فرحان بيها
ويقبل اديـــــــها
فرحت فاطمه والنبي المختار
🌹🌹ــــ🌹🌹
هاليوم انترس فاطم حضنها
نزللها الحواري وگمطنها
هلهوله بمهدها سمعنها
نور ويشع من نور
شالت زينب الحــور
شووف شگد عظيمه والها اسرار
ام وليـــ✍️ــــد الموسوي
🌹🌹ــــــ🌹🌹
عظيمه حروفها كل حرف معنى
امن الزاي الزهد بيها سمــــعنه
باء الزينبي بعفه جـــــــــــــمعنه
قدوه ونقتديها
مثلها ام ابـــــيها
شمانحچي ونگول الوصف يحتار
ام. علــ✍️ـي البابلي
🌹🌹ــــ🌹🌹
يحتار العــقل يوصف رسمها
بيد الزاچيه ورده وتشمها
والباري بعظمته اختار اسمها
زينب وشحلاهه
والدها ايتـباهه
زفينه التهاني البيت الاطهار
زيـ✍ـنب الـواسطـي
🌹🌹ــــ🌹🌹
زفينه التهاني ابمولد ام عون
كتبنه اجمل صور ويه اليحبون
اعياد الولاده ترست الكون
فرحانه العشيره
ابميلاد الاميره
سليله من المجد ماالها تكرار
ام ســ✍ــجاد العسكري
🌹🌹ــــ🌹🌹
نهني المرتضى نهني السبطين
وردة اتفتحت ما بين الاثنين
يازينة أباها ولامها زينين
يا فرحة العترة
چنها امها الزهره
قمر ويشع ضواها ابين الاقمار
✍🏻العلوية أم منتظر جمال الدين
🌹🌹ــــ🌹🌹
شبيهة حيدره وامها الزجيه
نعجز بالوصف للهاشميه
قدوه ابكل معانيها وأبيه
ياهيبه وجلاله
من النبي وآله
ياقطب الفلك كل وكت يندار
✍️ام احمد الهاشمي
ـــــــــــــــــــــــــــــــــــ
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
🍂🍂🍂🍂🍂🍂🍂🍂🍂🍂🍂
قصيدة لولادة السيدة زينب عليها السلام
ياطير السعد بجناحه مر بيه
ابيت المرتضى انولدت العلويه
🌺🌺🌺🌺🌺
حرمه مأصله من علي الكرار
اجت جابت وياها كل الاسرار
فرح صاير وبهجه ابيت الاطهار
هلا بزينب الدره هاي الاخبار
نهني العايله بجيت النشميه
ياطير السعد بجناحه مربيه
✍️ام حسين الحسني
🌺🌺🌺🌺
نهني العايله ونطـــــش ورد ياس
نور وضل يشع ويضوي عل لناس
يامية هلا بيــــها اخــــــت عباس
بالعــفه وشـــــــرف ماالها مقياس
اشوف الدنيا كلها اليوم مضويه
ياطير السعد بجناحه مر بيه
✍🏻ام علي البابلي
🌺🌺🌺🌺
مضويه الارض ويه السماوات
ابمولدها العقيلة ام الكرامات
والحضرتها نهدي أجمل الهوسات
ولجدها وابوها ابعث صلاوات
الگمر من نور زينب ماخذه ضيه
ياطير السعد بجناحه مربيه
زيـ✍🏻ـنب الـواسـطي
🌺🌺🌺🌺
تحــيه اهدي العقـــيله والتـــهاني
زينب بت عــلي واحـلى الاماني
نطش چكليت وشموع بــصواني
نبــارك فاطــمه بـــكل الثـــواني
الف مبروك من طــلعت الحوريه
ياطير السعد بجناحه مربيه
ام صـــــ✍️ـــادق المنصوري
🌺🌺🌺🌺
نبارك للزجية زين اباها
وحيّ اهل العبا وحامل وحاها
بهدب احجابها اتمسكي وحياها
اربات الزاجيه والجدها طــــــــــه
يمن تردين بالجنة الثويه
ياطير السعد بجناحه مربيه
✍🏻العلوية أم منتظر جمال الدين
🌺🌺🌺🌺
تضمن للجنان وهيه مفتاح
يابيت الهدى وحسين مصباح
عمت ع البريه هاي الافراح
طيور السعد رفت علت جناح
جيتج يالعقيله احلى جــــــــيه
ياطير السعد بجناحه مربيه
ام وليـــ✍️ــــد الموسوي
.........................
