عفاف ام البنين ايشــــرّف العفّه
والتخلف كلف هــــاي المره كلفه
اذا مو هيه چـــا عباس شيحمله
اذن مخلوقه للكلفات مو صـدفه
بيچ انسولف العدله مانحچـــيلچ المايل
انتي للكـــــرم اهله ومعزبه ببــو فاضل
قابلتـي الله بولادچ غيرچ بيــمن ايقابل
(اولادچ قدمتيهه ابليه اچفوف وروس)
هاي ام اليشــــــيل الراس بالملگه
سابگهه الزلم مـــــــاواحد ايسبگه
أثر نيــــــــــشان خلّت بالزلم چفه
من سطراته ســـوه اوجوهم زرگه
عاشت ايدچ اليمنه وماقصرتي باليسره
بس كاروكچ ايربي وادم تخسـف المهره
مايبرد عله اخوانه حار اتخلّـــف الحره
(الطف بيــوم العاشر ماشال العباس)
اذا مريم تهز النخـــــــــــــله وترطب
چا ام البنين الكربــــــــــــــله شتذب
گبل چـــــــــانن يخلّفن بالعرب كثره
مثل عباس بــس هيه المره التنجب
بدويه والچ حــــــــوبه چا لو انتي علويه
مو هيچ اسمچ انلفضه بحروفه ومعـانيه
من الساده نتـــــرخص يله انجيب طاريه
(وياهي المثلج ربت ساده وكلهم زود)
بخيته وبالعـــــرب مامثلچ ابخيته
علي ابيت الله صار وانتي ام بيته
ترا اليقبلهه حيـــــــــدر الله يقبلهه
لأن عند الله غالي صـــرتي غاليته
حيدر روحــه ذواقه عقيل اختار اله ابثگله
الچان امعاشر الزهره مو كل وحــده ترهمله
هيـه الترست عيونه وهيه الفاطمه اتسدله
(التخدم بيت الزهره ماهي امن النسوان)
