خل تسمع الشمات واهل السقيفه....... باجر علي الكرار يصبح خليفه.......
بعيد الغدير افراح عدنه ومسرات........ ومن افضل الاعياد عيد الكرامات........
غصبن ع التاريخ واهل الروايه......... من الله للكرار هاااي الولايه"،.........
======== ♡ ♡♡♡♡♡========
بايعناك يالما لك شغل بالطيف وحكام البحلك للظهر نيام اريد افتهم قصتك ياصديق الليل كل ليلك اتصلي اشوكت راح اتنام ! ويه خيط الصبح تطلع تشتغل حطاب هيج اتقضي عمرك عام ياكل عام شميناك نسمة هيبة القرآن اليشرك بالهوه عكبك فلا ينلام يالمعزب وسالب راحة الفانوس من كد ما بليلك خبز للأيتام ما لثمت وجناتك علي ابفد يوم بس بليل جان ايمر عليها الثام عكس حكام جيلك تطعم ومتكول وفدوة اتروح لاسمك هيبة الحكام يالتنطي فطورك علي ابدكه باب وعندك عادي ماتفطر اتلث تيام ننساك ونغط بذنوبنه وننخاك ونحجي ابمعجزاتك والجرح يلتام الماعنده ظهر يمشي ابقفى الحيطان وصرت النة بكراماتك ظهر وحزام الي يتيه القبلة ايصدلك ويرتاح معرفتك اول نقطه بالاسلام الما يعشق اترابك هبل غزر بي والعاداك مسقط راسه بيت اصنام تره سهام الصحابه ابظهرك امبينات نعش الحسن ماشايل ابكده اسهام ويتراوالي وجهك بالحلم بس لا ارد استغفر الله وهاي كلهه اوهام انه ال كلي ذنب من الجدم للشيب يا هانه ويجيني المرتضى ابحلام ! فاركناك فاركنه العوافي وياك ضيعناك في خيمه ابطريق الشام طعم بالعيد ماكو وحيل مقتنعين لونفطر ابوجهك لو نظل صيام
كلمات الشاعر ( حسام الخفاجي"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
