" أثر العمر غّــزلان ، وكــل الــمدى ســهّم "

" البارت الثالث "

~ مخيم الدانة ~
صحى بألم من نومه الارض عند النار الي كانت تحرقه بحرارتها رغم انها تدفيه ، وقف وهو يناظر من بعيد وشافها تغطي عيونها بالبرقع وهي تلمحه ، مشى يوقف يناظر الشروق ويردد:ماهقيت ان البراقع يفتنني
بلع ريقه من حس على نفسه من والابيات الي يرددها من اسم بدون شعور منه ، مسك راسه بالم من ورقبته وزفر بضيق من ادرك انه يهوجس فيها من امس ، هز راسه يبعد تفكيره عنها ، مشى يتوضى ويصلي ، وبدا يشب النار ويسوي الشاهي الاحب لقلبه دائما ، مع بروده الجو وعذوبه الشروق ، متعب مشى بعد م اظطر يواجهه رحله مالها طيار الا هو ، وسهّم بعد كم يوم بيواجهه دوامه الي فارقه لفتره ولكن عاد برغبه من صاحب الشركه ، بدا يسوي الشاهي ويتأمل حمرته ،المحبه لقلبه ، وضحك من تذكر حسين وهو يقول ~ محد يسوي هالعذاب غيرك ~ وكان يقصد شاهي سهّم الي كان مايختلف عليه اثنين من حلاوه طعمه ولونه الموزون ، اما غّزلان كانت تناظره وتتأمله من خرج لحد ماجلس وتسمع صوته الي كان يغني بين فتره وفتره وم انكرت اعجابها من جمال صوته وابياته ، ما كانت تدري انه هو شاعرها ، لفت وابتسمت من لمحت دانة الي واضح انها قايمه بالغصب وزفرت دانة بضيق وسرعان ما ابتسمت من لمحت غّزلان :صباحو ياحلو
ضحكت غّزلان :صباح النور
رفعت حاجبها دانة:مانمتي
رفعت كتوفها:يمكن
دانة دخلت غرفتها وخرجت بلبسها الرياضي ، وناظرتها غّزلان بغرابه من اللبس الي ماتوقعته باجواء بر زي كذا ، مشت من اشرت لها دانة تلحقها ، وابتسمت بكامل وسع ابتسامتها من سمعت اصوات الخيول والوانها الخيال ، وكانو اسماءهم بحروف منقوشه عليهم ~ د ، ا ~ عقدت حجاجها غّزلان من مافهمت الرمز ولفت تسال دانة:وش هذا
ضحكت بربكه دانة:د ، دانة و ا ، الشيخه
ضحكت غّزلان:الله يرزقني هالنرجسيه
رفعت كتوفها دانة بغرور:يحُق لي
ابتسمت غّزلان وهي تشوفها تركب الخيل بدون مخاوف ومعوقات ، تركبه كانها تشرب مويه ويفهمها الخيل وتفهمه بشكل اذهلها وكانت ضحكاتها تتعالى بين فتره وفتره من حركات دانة

.
فزت من نومها تناظر المكان الي حولها ، وذرفت دموعها بانهيار من تذكرت وش صار باخر الساعات ، وشلون تنسى ، وهي تماماً فقدت حبيبتها وسعادتها ، امانها ودنياها ، السند بعد ابوها ، بكت بخنقه وشهقات متتاليه ، وقفت تخرج وحست بدوار ، لفت بالغرفه الي بجانبها وهي تناظر امها ملقاه على سرير مغطاه بفراش ابيض ، جلست عند الباب وكتمت شهقاتها ولكن ماقدرت تكتم ، كتمت وياكثر ماكتمت ، انفجرت كل خليه فيها من الالم والحزن الي طغى عليها ، وقفت ممرضه تساعدها:خلاص حبيبتي
هزت راسها بالدموع وهي تمسك يد الممرضه وتضمها لحضنها:وشلون وشلون خلاص لا تكفون
صرخت بصرخه اذهلت كل المستشفى من قهرها والمها:خذو عمري وعطوها
وقفت بجانبها حرمه كبيره بالسن :ماعليه يابنتي ماكل الايام سمحه محياّ ، حضنتها عذاري بدون اي تردد ، تبي تحس بنفس الاحساس الي فقدته للتو
حضنتها ودموعها تسابقها ، ماتدري وش بتكون حياتها وكيف مصيرها ، هي الان بدون اي امان وسند يساندها ، تقدمت من نادتها المغسله عشان تسلم على امها وسرعان مابردت ملامحها من شافت امها ، بارده كل اطرافها ، وريحتها عطره ، بكت بكامل شعورها بدون اي شعور:تكفون دفوها امي ماتحب البرد ، ناظروها بألم من الهذي الي صارت تردده بدون شعور ، جلست بجانبها وانحنت لراسها تبكي بكامل شعورها والمها ، تحسها انها بارده ولكن داخلها لواهيب يدمرها

.
~ مخيم الدانة ~
خلص من مكالمه حسين الي حكى له عن اخباره وشوقه له ، وقف وهو يدور دانه بعيونه ، ووسع حدقة عينه من لمح دانة وبيدها الرشاش ، مشى بكامل غضبه ورجع لثانيه من شاف غّزلان تاخذه منها ودانة تحط الاهداف ، ناظر غّزلان لثواني وبعدها اطلقت بكل الاهداف بنفس الدقيقه ، وسع عيونه بذهول من قوتها ومشى من وراها وسمع تذمرها:مره ثقيل وش ذا
من وراها نطق بسخريه:مايليق عليك
ناظرته ولفت بكرهه:مالك شغل يا المختلف
رفع حاجبه من كلامها والشتائم الي تنهال عليه ، مشى بسرعه وسحب السلاح منها ومن شدة سحبته ، انسحبت هي معه واصتدمت فيه ونطق بسخريه من خفتها:ماقلت لك مايليق
عضت شفتها بقهر ودفته من صدره ومشت للخيمه بكل غضبها وقهرها وتنتظر متى يجون اهلها وياخذونها
اما عند سهّم الي ضحك بسخريه تامه من حركاتها وكيف انها تغضب بسرعه ، لف من شاف ابواب المخيم تنفتح وتعلن وصول اهل غّزلان ، زبط عصابه راسه ومشى يستقبلهم ونزل السيف وسلم عليه وبدا بالترحيب:ارحب ارحب ياعمي
تقدم سيف ونطق:انت السهّم
هز راسه سهّم بابتسامه ونطق:وصلت ياعمي
تقدم يقبل راسه السيف وحلف سهّم انه هو الي يقبل راسه وبالفعل هو الي قبله ونطق السيف:انا مدري وشلون اجازيك انتي سويت لي اكبر معروف حفظتي بنتي الغاليه ، عض شفته سهّم وهو يرحب في ام غّزلان الي بمثابه امه:ارحبي ياخاله
ام غّزلان :الله يجزاك خير ياولدي ماتقصر
رد الشكر وصد من شاف خلفهم
بنت ونطق بهمس :فيه منها اثنين والله البلشه
مشو يدخلون وابتسم سيف من لمح جراح جاي بسيارته وهو الي كان عند الغنم من الفجر ، نزل جراح وتقدم يحضن السيف:اشكر بنتك انها ضاعت لاجل جمعتنا هاليوم ، ضحك سيف وتقدم ينطق:ماشاءالله على السهّم ماقصر من جينا وهو يسوي القهوه الكايده
ابتسم سهّم من بعيد من سمع كلامه ومشى ياخذ الدلال ويصب القهوه وراح يصب للسيف وابوه وبدو يسولفون بالماضي الجميل بالنسبه لهم ، وهم اصدقاء من صغرهم

.
عند الحريم كانت السوالف ماتنتهي ويعتبر اول لقاء بين ام سهّم وام غّزلان ، الي طول السنوات ازواجهم اخوياء ولكن ولا مره سمحت لهم الفرصه باللقاء
وقفت دانة وهي تجلس بجانب ديم الي ابتسمت وقربت منها:تحبين الخيول
ابتسمت ديم:اكيد
ضحكت دانة وابتسمت غّزلان من بعيد وهي فهمت وش يتكلمون فيه ، وبدت السوالف عن الماضي وبناتهم الي كبرو ، والجلسه كانت عامره بالسوالف والموده رغم انه اول لقاء بينهم واول لقاء يجمعهم ، وقفو البنات يخرجون برا
وابتسمت دانة:تصدقون ليتكم خواتي
ضحكت غّزلان :وليش
دانة:مادري حسيت بشعور انه فيه احد نفس جوي
ضحكت ديم وقالت :من اليوم حنا خواتك
دانة كشرت:بس عندي سهّم ومتعب يحطون دوبهم من دوبي ، ضحكت غّزلان وكشرت هي الثانيه من طاري سهّم ، ماكانت تعرف اسمه وتجهله ولكن دانة من امس وهي تسولف عليها وتقول السهّم والسهّم ، الاسم اعجبها بالحيل ، السهّم ، تذكرت صقرها القديم قبل ~ وضاح ~ كان اسمه ~ السهّم ~ وكانت تحبه كثير ولكن كان حاد الاطباع وماهو اليف ، لذلك باعته ، نطقت بهمس:سبحان الله لكل من اسمه نصيب

.
عند عذاري
صحت بارهاق بعد نومه ماتهنت فيها كانت كلها احلام عن امها وابوها ، احلام تحسها تحرق جوفها وروحها من كثر الشوق لهم صحيح دفنت امها قبل ساعات ولكن تحس بالشوق قد الكون ، تتمنى الايام تنعاد وتعيش كل دقيقه وثانيه بقربهم وجانبهم ، لو تعرف انها بتفقدهم ماغابت عنهم ثانيه وكانت بتشاركهم كل جلساتهم ، ضربت راسها بقهر من المرات الي كانت امها تبيها تجلس معهم ولكن كانت تفضل الطلعات عليهم ، صحيح تغيرت وصارت باره وكثير ولكن هي الان اشد ندم ، رفعت راسها من دق الباب ووقفت تفتح الباب ، وكان صاحب الايجار الي نطق بغضب:معك لبكره تاخذين عفشك وتطلعين برا
بكت وكانت بترد ولكنه صرخ:لو ماطلعتي الشرطه تحلها ، مشى خارج بدون مايسمع ردها ، وسكرت الباب ووقفت تبكي ، هي الان ضايعه بدون سند واهل ، حتى اقاربها ماتعرفهم ومايعرفونها ، وين بتروح وين بنقعد ، مشت تجهز اغراضها والاحسن لها تمشي قبل الصباح ، جهزت اغراضها بالكامل ومشت خارجه وهي تحملهم كانو ثقال ولكن وش تسوي ماعندها احد يساندها ، مشت تمشي ووقفت تاكسي ، وركبت واعطته العنوان الي حافظته زي اسمها ، وبالفعل ثواني ووصلت ، ونزلت تناظر كبر البيت وسعته ، مشت تناظر مع فتحت الباب تشوف فيه احد بالحديقه يفتح لها ، وسرعان ماشهقت برعب من انسحبت بخفه وانكتمت من اليد الي انمدت وغطت فمها تمنعها من الكلام ، ناظرت بالي قدامها وكان بزيه العسكري وعيونه الحاده ، ناظرته بربكه وبدت اطرافها ترجف بربكه وخوف وناظرها:من انتي وش تسوين هنا
نطقت بصوت يغلبه الرعب :انــ انا صديقه غّزلان

~ وحشتوني ، تابعوني انستا وشوفو جديد الروايه ، لاتنسون النجمه يارفاق 🌟 ~