CHAPTER 144
Natheleo's POV
Mukhang tama ang hinala ko.
Dahil masyadong in denial ang lokong si Jehridale malamang ay nagpunta iyon sa bundok. Napahilamos ako sa mukha.
"What are we gonna do? Hindi pwedeng mag-isa iyon!"
"Matigas ulo nun, pag ginusto niyang gawin talagang gagawin nun"kibit balikat na usal ni Airon. May kinuha siya sa likod ng kotse.
Hindi namin kasama si Shinichi, malamang ang magaling naming kaibigan ay kinikilig. Bakit ba parang hindi kami masaya para sa kanya? Nakakatawa hindi ba?
Dapat nga ay masaya kaming tatlo na nakakasama nila dito kaso ewan ko ba. Santisima!
"Bakit ba natin pinoproblema kung sakali ngang maging sila nila Shin?"kibit balikat na sabat na ni Airon, "maski ako di ko alam bat disappointed ako sa sinabi ni Kil pero, malay nyo, baka nagbibiro lang iyon, saka di nga natin alam kung aabot ang SMU sa finals diba?"
"At isa pa, ano na naman kung maging sila? Ayaw nyo nun? Hindi na malulungkot si Shin..."
Nanumbalik sa isipan ko ang pagkamatay ni Hanabi. Oo nga pala, hindi pa naman nakakalipas ang isang taon ng mamayapa siya. Nalungkot ako bigla para kay Shin, hindi ba kami masyadong selfish sa pagiging bias para kay Dale?
Lahat na kasi ay halos mayroon na kay Dale.
Ang kay Shinichi? Kalayaan at kapayapaan sa ginagalawan niya ang wala..
Nakokonsensya na talaga ako!
"Tim...paano na iyan? Yung manok natin mukhang....mabubulilyaso.."mariing bulong ko kay Timrelli na tahimik lamang na nakikinig. Tama si Airon, dapat siguro-
"To be honest, gusto kong makita ang progress ni Thrianne Kilein sa ating lahat...not for this dating shit.."
Napamaang na lamang kami ni Airon sa biglaang pagsasalita ng mokong.
"Hindi niyo ba napapansin, ang kalalabasan nito sakaling mag-agawan sila Dale at Shin sa iisang girl? Malaking problema iyan sigurado"
Nagkatinginan kami ni Airon. Naisip na namin ito noon pa, na what if ganoon? Na sakaling unang magkagusto itong si Shinichi kay Kilein, at saka naman sasabay ang feelings ni Jehridale para dito?
Talagang....napakalaki nitong gulo!
"Hindi ko magets kung bakit pumayag si Kilein kay Shinichi, kasi naman...isa siyang Kaede, natatandaan niyo ba noong Fencing Event?"
"O-Oo..."
"Mahigpit na magkalaban ang kanilang angkan pagdating sa mga negosyo at kalakalan, iyon ang narinig kong paguusap ng Lolo ko at ni Mommy sa bahay.."
Ah oo nga pala...ang kanilang hidwaan ay hindi makakalimutan. Ano nga bang binabalak ni Thrianne Kilein? Ang alam namin dito, wala siyang feelings para kay Shin..
Wala nga ba? Hays...
"Shemay! Kung sinasabi mo ngang magkalaban ang kanilang angkan ay...malabo talagang maging sila kung magkaganon!"
"Hindi mo rin masasabi iyan Nath.." pahayag ni Airon "wala tayong alam sa magiging takbo nito pero, palagay ko ang isang tulad ni Kilein ang gagawa ng paraan para matupad ang gusto ni Shin..."
"May gusto na kaya siya sa kaibigan natin?"pag-aalalang tanong ko. Napabuntong-hininga na lamang si Tim sa akin.
"Malay ko?"
"Ang komplikado talaga ng mga girls"si Airon. Sinamaan ko siya ng tingin.
Kala mo itong lokong ito...linggo-linggo din naman may kausap sa phone na girls..
"Sinabi mo pa"pagsang-ayon ni Tim na siya namang ikina-agree ko na. Kay Timrelli lang ako may sumasang-ayon minsan...
"Sumasakit lalo ulo ko, umuwi na lang siguro tayo...tawagan natin si Dale muna baka kung saan-saan na naman siya nagpunta"
Sumang-ayon ang lahat sa suhestiyon ko. Pipindutin ko na sana ang pindutan sa phone ng bigla kaming pagkaguluhan ng mga babae.
"Shit!"
"Tara sa kotse!"
"Bat naman kasi masyado tayong gwapo! Tamo tuloy!"
"Hahahhahaaha!"
"Timrelli paawtograph naman oh!"
"Natheleo!! Ang cute cute mo talaga!"
"Pisilin mo ang pisngi ko Airon!"
O_____o
Nanlaki lamang ang mga mata ko habang nasa passenger seat. Pinagsasabi ng mga babaeng ito?
"Hindi sila masyadong makalapit kapag kasama natin si Dale"
"Tumpak, takot sila sa siga nating lider"
"Anyways, magsiuwi na us, may mga gagawin pa ko sa bahay, kayo na maghanap kay Dale"tila pagod na angal ni Tim. Tinawagan ko na si Dale habang nagmamaneho si Airon.
Una na naming hinatid si Timrelli upang makapagpahinga, sunod ay hinanap na namin si Dale. Nang makontak ko ang kaibigan namin sabi niya ay nasa bundok nga siya. Mareklamo talaga siya dahil nasa kuweba pa man din.
"Kanina pa pala sa kuweba ang loko, parang gusto ko tuloy tawagan ate niya"ngingisi-ngising aniyo ni Airon. Umangat ang kanang labi ko.
"Para ano? Magulpi? Hahahaha"
"Paemote-emote kasing nalalaman magrereklamo kapag nilalamok sa kuweba, hay nako"
"Hayaan mo na siya bro, ang mahalaga alam na natin kung saan siya hahanapin kapag may nalalaman siya"
"Ang dali niyang mabasa, expected na rin natin na ganon ang magiging reaksyon niya once na may magandang nangyayari kay Kilein"
"Mismo!"natatawang sang-ayon ko. Binuksan ko ang music box na nakalagay sa gilid.
"Hindi mo pa pala ito naitatabi sa bahay niyo, ang tagal na nito ah"
"Pakalat-kalat na nga lang yan dito sa kotse ko, minsan nakalagay sa likod, minsan nandyan na lang sa gilid"
Binigyan ko ng what the heck look itong si Carlos Aronil. Minsan pag binigyan ng regalo itong tao na ito napakaburara din sa gamit. Natatandaan ko kasing bigay ito ni Hanabi noong nabubuhay ito.
"Ang cute din ng music box na bigay niya ano?"
"Hindi ko pa nga nabubuksan iyan boy"
"Eh? Ilang beses ko na kayang napapansin sa kotse mo ito, hindi mo ba talaga nabubuksan?"
"Hindi ako ganon kabakla para buksan ko iyan"
"Kailangan ba maging bakla para buksan ito? Labo mo talaga chickboy"
"Gago"natatawang angil niya. Totoo naman kasi ang sinabi ko. Minsan ang mga dahilan ni Airon the chickboy slash bihon este nagpagupit na pala siya, ay wala sa huwisyo. Mahilig kaya ako sa mga authentic na bagay lalo na kapag regalo.
Binuksan ko ang music box at ang tunog ng xylophone ang bumungad sa pandinig ko. Ang pagbukas ng nakahigang pinto na maliit at ang maliliit na ilaw mula sa loob ng kinaroroonan ng pintong maliit, lumitaw ang isang magkasintahang nakaporma ng sumasayaw. Tila mala-fairytale ang pagkakagawa.
"Nice nice..."tanging naiusal ko. Ang galing ng pagkakagawa ng kung sinuman dito. Hindi ko akalain na ipangreregalo lamang ito ni Hanabi sa isang chickboy.
"Sayo na lang yan kung gusto mo"
"Ih, bigay kaya ni Hana ito sayo, pahalagahan mo naman"
"Ilagay mo na lang kasi sa gilid, ako na bahala mamaya"
"Tapos makikita ko na naman sa susunod na araw? Sarap mo batukan men"
"Oh shut up"angal niya. Hays. Kung may nakatatandang kapatid lang itong kaibigan ko baka masampolan na siya.
Pareho kaming solong anak ni Airon, kaya gusto ko magkaroon ng kapatid. Nagkakilala kami ng mokong na ito sa isang swimming practice noon ni Jehridale. Itinuring ko siyang kapatid, na kasing edad ko syempre. Walang lihim na namamagitan, kaso dahil sa komplikasyon sa puso ni Airon, minsan ang mga mabibigat na problema katulad ng kaligtasan namin ni Tim ay hindi na namin nasasabi sa kanya.
Makaraan ng ilang minuto ay nakarating na kami sa paanan ng bundok. Nagsuot ng shades na brown si Airon at ako naman ay nagsumbrero. Ayokong mangitim noh.
"Bro, punta lang ako sa gilid saglit"
"Huh? Anong gagawin mo don?"
"Kinakabag ako"
"Pucha men tama dun ka sa gilid, masisira image mo sakin"
Tinawanan lamang niya ako. Inantay ko siya ng ilang minuto habang si Dale ay text ng text. Napakamot ako sa noo.
"Sarap tawagan ni Thrianne Kilein, siya kaya ang maghanap sa gago na ito?"
Bigla ay natawa na lamang ako sa naiisip. Bigla bigla kong naiisip si Kilein, kapag ganito na kalokohan kay Dale ang naiisip ko. Parang nagiging natural na para sa akin.
"I'm done bro"
Inakyat na namin ang bundok nang tapos na si Airon sa kanyang business kabag. Pagkarating namin sa kuweba mula sa ilang minutong insta hiking ay nagaalburuto na nga ang maarteng Callevein.
"Tagal niyo ah! Nilalamok na talaga ako dito!"
"Tarantado ka, sino ba may sabing magemote ka at nandito ka pa sa bundok! Asus!"
"Ang ganda ng laban kanina ni Kilein ano? Kung hindi lang talaga siya parang boyish magugustuhan ko na rin siya-"
"H-Hoy! Bulag ka na kapag nagustuhan mo pa ang isang tulad niya no!"
"Talaga ba?"nanunuksong tingin ko kay iceberg. Todo kagat labi na siyang umiiling sakin.
Tagalan mo lang talaga pagiging in denial mo pre, talagang mauunahan ka na talaga...
"All around kaya si Kilein, athletic, matalino, cute-"
"Anong cute ka dyan? Saan banda?!"napalakas ang tila pangaasar na usisa ni Dale. Nagkatinginan na lamang kami ni Airon.
Andaling mabisto nitong in denial na mokong..
---
"Inaabangan mo lang pala ang sunset eh, bat kailangan mo pang pumunta dito sa bundok?"
Napainom ako ng tubig habang nagpapahinga malapit sa bangin. Kasalukuyang naguusap sila Airon at Dale.
"Ano bang oras na?"
"Mag-aalas-kwatro pa lang, hindi ako nakapagdala ng makakain natin dito, nakakainis"
"Parang may ibig kang sabihin diyan"side eye ni Dale. Peke ko siyang nginitian.
"Lamok na lang talaga ang makakain natin dito, diba Airon?"
"Hahahahahaha"
"Intindihin mo ang magiging laro mo bukas sa chess, hindi si Shinichi o si-"
"Wala akong ibang dahilan kaya ako nandito sa bundok no! Nagrerelax kaya ako para sa laro ko bukas!"
"Okay...sabi mo eh"
"Hahahahahahahahahahahhah!"
Tanging tawa na lang ni Airon ang nagpahinto sa asaran namin. Natawa na lang din ako sa pagiging pikon ni Dale.
In denial...halatado!
"Siya nga pala, tumawag sa akin ang ex ko, sabi niya want niya daw ako"
Napahikab si Airon sa isiniwalat ni Dale. Napailing-iling naman ako.
"Bakit kaya hindi mo na lang palitan ang sim card mo bro?"
"Oo nga naman Dale, bakit hindi mo pa pinapalitan para naman hindi ka na kinokontak ng ex mo ano"
"Alam niyong hindi ko magagawa iyan mga pre"
Napasulyap ako sa gawi ng aming kaibigan sa biglaang singhap nito. Ang kanyang tono ng pananalita ay nag-iba. Bagay na kinutuban na ako kung bakit.
"Teka....huwag mong hindi mo na talaga mapapalitan iyan-"tila hindi pa natutunugan ni Airon ang ibig sabihin ni Dale sa pinahiwatig nito kanina.
"Ey pshh"awkward na pagsita ko kay bihon. Nagtatanong ang mga tingin niya sa akin.
Silence you idiot huhu...
"Bigay ito ni Kuya Zein sa akin...kaya paano ko naman mapapalitan kaagad? Hindi ba?"
(ʘᗩʘ’)
Ganyang-ganyan ang reaksiyon ni Airon. Hays nako, now you know.
Naalala ko nga pala na noong unang binigyan siya ng kanyang kuya Zein ng phone at sim card tuwang tuwa na parang bata ang siga na si Dale.
Ilang saglit pa sa tagal naming nakatengga sa tuktok ng bundok ay nasilayan na namin ang sunset. Napakaganda. Ito halos ang unang beses na tatlo kaming napanood ito dito.
Kalimitan kasi palaging sa SMU o di kaya sa mga bakasyon ko lang ito namamasdan. Ang mga kulay sa paglubog ng araw ay tila nakakaganang ipinta kung mayroon akong skills ng pagpipinta. Kaso wala.
"Maalala ko, hindi ba magaling sa pagpipinta si Kilein? Maganda sana kung makikita niya ang sunset na ito dito, sigurado maganda ipinta ang katulad nito"
"Tama ka diyan bro...ang ganda talaga ng mga sunsets..."
"Bakit ba sa tuwing nagkakasama tayo lagi niyong binabanggit ang nakakainis na babaeng iyon?"
"Ewan ba, hehehe"ngingisi-ngisi kong sagot. Sulyap akong sinilip ang reaksyon ni Dale dahil pareho kaming nakatutok sa sunset kanina habang naguusap.
"Malalagot ako nito....may practice pa ako sa swimming.."wala sa sariling pahayag ni Airon. Oo nga pala, may practice din ako sa basketball, pero bukas pa naman. At itong Callevein na ito nakuha pang mamundok pero may laban siya sa chess bukas.
-------
Mitch's POV
The discography of Elizalde's culprit and Aldrico's intentions..
"Ano na namang report ito? Hindi ba alam na natin kung sino ang may pakana?"
Hinarap ko si Adrin sa isang bar. Dito kami madalas na nagkikita kapag may bagong itetembre. Kapag sa pulisya kasi, may mga ahas na nakaaligid, kaya maigi nang mag-ingat.
"Lahat ng bagay may pinaguugatan, iyon ang natatandaan kong sinabi sa akin ng kaibigan mong babae 2 years ago.."
"Si Kilein ba ang tinutukoy mo?" Bakit hindi mo pa diretsahin? Closed case na ang kaso sa pagkamatay ni Elizalde, bakit may files pa na nakadikit dito?"
Nag-isang shot ang kapatid ni Adrian bago ito malamlam na nakadungaw sa kawalan.
"Sa Aquintaine University may katulad na namang insidente ng pagkalason nitong nakaraan, alam kong hindi mo sakop ang lugar na iyon, pero may hinala ako...bukod pa rito, may mga ginagamit silang tao para sila ang madiin"
"Sinasabi mo bang may fineframe up sila para...mapagtakpan ang ginagawang kasamaan ng iba?"
"Tama..sa patuloy na pagiimbestiga ng aming team sa kaso noon nila Chelsea at Dimples, ang pagkakadawit ni Zichron, lahat iyon ay misyon ng isang tao sa SMU, para mapagtakpan ang krimen ng isang makapangyarihang tao mula sa kanilang organisasyon"
Napatikhim ako. Alam kong si Zichron Gallante ang lumason sa kanila, ang unang case ni Chelsea at Dimples, ang biglaang pagsugod ng iilan na galing sa organisasyon sa mga may alam sa kanilang transakyon at mga masasamang binabalak, ang kanilang pakikialam sa banda ni Kilein, ang pagkamatay ni Elizalde at ni Harly, lahat iyon, imposibleng hindi magkakatugma.
Ang mga taong may nalalaman sa kanilang mga gawain ay kanilang kasalukuyang target, kabilang na ang pinsan kong si Jehridale. Alam kong hindi niya pa napapansin hanggang sa ngayon ang dahilan, pero kinakailangang maalala niya ang sanhi nito. Matatagalan talaga bago malutas ito.
Sa ngayon, ang leading clue namin ay ang grupo ni Aldrico Espozo, ang dating kaibigan ni Thrianne Kilein na may masidhing layunin na pabagsakin ang mga paaralan sa Cavite gamit ang mga illegal na gamot na kanilang pinangbablackmail para magawang kontrolin ang ilan sa mga mahihikayat nilang estudyante.
Napagalaman kong bukod sa layunin niyang ito ay balak niyang sirain ang sinuman na dati niyang kasamahan o kaaway sakaling makialam ang mga ito, o di kaya ay may nalalaman sa kanyang n
mga binabalak.
Hays...ang sakit sa ulo..
"Balita ko....nanalo nga pala sa unang araw sila Kilein...pakiabot ang pagbati ko sa kanya"
"Sige...maaasahan mo"wala sa sariling naisagot ko. Gusto ko sanang itanong kung nasaan na si Adrian sa mga oras na ito pero baka ibahin na naman niya ang usapan.
"Siya nga pala, nanggulo raw ang isang dating mahusay sa fencing na naging barumbado at nakikick out sa schools...totoo ba?"
"Dami mong nakakalap na balita, akala ko ba nasa headquarters ka lang o di kaya madalas sa crime scenes?"
"Syempre nakakaabot sa akin iyan"
"Hindi na masyadong nakikibalita si Kilein sa mga kaso, malamang ayaw niyang makasalubong si Inspector Urdan"
"Ah iyon ba, hindi mo siya masisisi, kung nalalaman mo siguro, malamang may sinabi siya kay Kilein noon"
"Ah..."Oo nga pala, sinabi na noon ni Kil na hawak ng organisasyon ang pamilya ni Inspector. Paano nga pala nangyari iyon? Lahat ba sa pulisya posibleng hawak nila?
"Ang pinsan mo...hindi na ba siya nambubully tulad noon?"
"Ano?"
"Palaging naghihinaing si kuya Adrian about sa kanya dati. Ang sabi niya palagi, napakapasaway ng pinsan mo, kung anong ugali niya kabaligtaran lahat sa'yo hahahaha"
"Magpinsan kami, hindi naman lahat ng ugali ng bawat isa naadapt ng lahat. Hindi kami magkapatid"
"May punto ka...oh ayaw mo bang uminom kahit isang baso?"
"May pasok pa ako bukas, girlfriend mo na lang ayain mo"
"Hahahahahah"
"Bat ka ba natatawa?"baliw na ata, kakatrabaho niya iyan.
"Alam mong wala akong time sa lovelife"
Aysh....nakalimutan ko..mahal na mahal niya ang trabaho..
"Namomroblema ako sa kasong ito kaya napapainom ako hahahah"
"Mahilig ka kasing manghalungkat, madalas kapag may natutuklasan ka sa saradong kaso na talagang nangungulit ka sa superior niyo"
"Hindi assignments ang bawat kaso na mahahawakan ko para sa akin, ang paghawak ng mga ganitong kaso, maililigtas nito ang mga kabataan...hindi simple ang trabahong ito para sa akin...basta...mahalaga ang bawat ebidensya na makakalap ko, sarado man ang kaso o hindi"
Napasinghap na lamang ako sa tinuran niya. Mukhang nakainom na siya.
Gusto ko ding sabihin sa lalaking ito na mostly ay kabaligtaran niya ang paguugali niya sa kanyang kapatid na si Adrian. Maski din naman noon si Kuya Zein kay Dale..
Pero hindi na ako nagsalita about doon. Pag naalala ko tuloy si Dale pati si kuya Zein naaalala ko na rin. Isa iyon sa dahilan kung bakit tumutulong ako sa mga kaso, na may kaugnayan sa organisasyon ay dahil sa namayapa kong pinsan.
Kapatid na rin ang turing non sa akin...hindi nalalayo ang aming samahan noon..
Pero, anuman ang turingan namin sa isa't isa, pareho kaming mga Callevein. Lingid sa kaalaman ng kanilang pamilya ang naatasang tungkulin sa akin ng aming Lolo ay ang proteksiyon na maibibigay ko. Alam kong mataas ang pride ng pamilya nila Dale pero, hindi nila makakayang malusutan ang mga gaya nito.
Kapag may sabit ang pinsan ko, ako ang nasa anino niya para malusutan ito. Pero may hangganan ang proteksiyon na maibibigay ko sa kanila.
Kagaya noong panahon na hindi makontrol ang alter ego ni Dale. Totoong naging barumbado siya noong highschool until noong mag-3rd year college. Hindi ko sakop ang pagtakpan siya sa mga kalokohang nagawa niya before.
Ang isang misteryo dito, kung nagkakilala kami noon ni Kilein, bakit hindi alam ng pinsan ko?
Well, hindi naman lahat dapat alam niya.
Iyon lang ang masasabi ko. Sa pagkatao na mayroon saming dalawa ng pinsan kong iyon, malihim akong tao. Hindi ako basta-basta magleleak ng impormasyon kung wala namang matinding dahilan.
"Natawagan mo na ba si Collins?"nabasag niyon ang katahimikan ko nang kalabitin ako ni Adrin. Medyo nakakarami na siya ng inom.
"Sa pagkakaalam ko, nakaraang linggo pa ang report niya about sa....grupo nila Espozo.."
"Nasabi niya sa akin kahapon lang, si Buknoy (Lester) mukhang target nila ngayon"
"Ano?"
"Baka tumiwalag na siya sa ibang grupo...at sakaling may nalalaman siya, kaya siya ang target..."
"Bwisit,"nagulat ako ng bigla siyang nagsalita ng ganon,"nasaan na ang buknoy na sinasabi mo?"
Nawawalan na siya ng pasensya kapag nalalasing..
"Nasa NMU siya ngayon, posibleng nasa pangangalaga ng Dean na nandoon"
"Ano? Bakit?"
"Hindi ko sigurado.."
"Hindi ba alam ng Dean na madadamay siya? Pambihira.."
"Ang kapatid ni Collins, may report naman about sa nawawalang bangkay ni...."
"B-Bangkay? Nino?!"napatayo siya sa kabiglaanan, inalalayan ko siyang tumayo.
"Ni Ethana...Espozo..."
Namilog na lamang ang mata at bibig ng prosecutor. Ako din ay nabigla sa report ni Michaeli. Pekeng abo ang nilagay noon sa isang exclusive na libingan para sa mga mayayaman.
Ang totoo, nakalibing si Ethana sa may executive na private tomb malapit sa Cavite. Limang tao lang ang nakakaalam ng lugar kung saan siya nalibing. Ako, si Yashiko, si Hanabi Lacosta na dati niyang kaibigan, si Kilein at si Adrian ang nakakaalam ng tungkol dito.
Matagal na siyang natahimik sa mundong ito, bakit kailangan pa nilang alipustahin hanggang sa kabilang buhay ang kawawang si Ethana? Sino ang walang hiyang gumawa nito?
Halos 3 taon na ang nakalilipas ng mawala siya, siguradong hinahanap ng kung sino kung saan siya nalibing at nagawa niyang matagpuan. Tangina...
"Hahanapin ko kung nasaan ang bangkay..."naisatinig ko na ang nasa isip ko. Tinapik ni Adrin ang balikat ko at tumango siya. Pinahihintulutan niya ako na mahanap ang gago na lumapastangan sa namayapang si Ethana.
Kapag nalaman ni Kilein ang bagay na ito, tutugisin niya ang hayop na iyon...mas natatakot pa ako na makita siyang ganon..kaya maigi ako na ang maghahanap...