لم أقف يومًا على أيّ بابٍ مُغلق
تعزّ عليِّ نَفسي
وإن كانَ ما وراء الباب عَزيز .
بارت 42 من قصة "قـسَـر الـرواسَـن"
طبن خمس نسوان وحدة سمينه حيييل والاربعه وراها ،طبيت وراهن ركض وجان اسمع العياط مالة والي ،اشوف هذني النسوان اقتحمن المكان وصار المالخ بينهن وبينه
وخطية منسة ،تصيححح وتبجي عرفت هذني من عيالها انا ماتدخلت بالعركة رحت وكفت يم منسة
وماشوف غير هاي، السمينه دارت وجهة ع منسة وبلشت بيها دك فشاير واجت ركض عليها تريد تكتلها
وانا كلبي مفور ،عليهم شلون مأذين منسه
وكف بوجهة وجان ،تدفعني حيل هي دفعتني لو طكن فيوزاتي تريد تهمش منسة وانا صعدت ع ضهرها لان ماكدرلها غير تجعصني بسرعه كمشتها من شعرها واعت بيها وهي تصيح تريد تسحبني ماتكدر لان مجلبة بشعرها
وجان تسحبني، من فانيلتي تريد تشمرني بالكاع وانا جلبت بدشداشته شكيتها من فوك ليجوة
تذكرت تعلوم بهاء نامت عليه تريد تضربني وانا ضربتها كله ،وسحبت نفسي من جوة رجعتلي وانا شمرت نفسي بلكاع وسحبتها من رجلها نيمتها بالكاع
وماحس ،غير وحدة ثاني سحبتني من ورة رفعت رجلي ورفستها بطنها
نوب كامن عليه، اثنينها عاد انا هنا صرت فارة خليت وشردت وهنة وراي طبيت للصالة هنة وراي طبيت للاستقبال وهنة ،يفشرن ويركضن وراي فريت بيهن البيت فر نوب شالن نعولة
ودك وراي الله ،رحم بية جابلي ريمة كمشت السمينه سحلتها من شعرها وانا كمشت الثانية جبتها بوكسي حيل اذيت وجهة، اتذكر بهاء جان من يدربني يكلي نزعي المحابس لان حيل تأذي الوجه حتلوا ماتعرفين تضربين بوكسي المحابس كفيله تشوه الوجه ضلت تصيح من وجهة لات اجت الضربه ع خشمها
عاد انا لبست نعالي وركضت طلعت من البيت صار بوجهي حيدر باوعلي فز رجع ليورة كال .. شكووو شبيج منو كاتلج
كتله .. عيال منسه، اجن هدادات ع اهلك
هو فتح عيونه ع وسعهن وطب ركض يرعد ويصيح بصوت عالي عاد انا رحت للبيت الحرس يباوعولي
بأستغراب
دخلت اباوع لنفسي، بالامرايا وجهي كلة خراميش
شعري واكفه وركبتي ملخه تملخ كله خراميش
كمت طلعت ملابس ردت اسبح وجان يطب بهاء يركض باوعلي فتح عيونه ع وسعهن وكال .. شكووو شبيججج منو ضاربج
كتله .. عيال منسة، اجن هدادات ع اهلها
كال .. وانتِ شعليج ليش يكتلجن عرفه ولفة ؟
- مو وحدة، رادت تكتل منسة خطية عاد انا اتدخلت
عافني وطلع ركض رحت ورا جلبت بأيدة اريد اشوف الوضع ،دخل لبيت حيدر ونسمع صياحه
دخل بهاء ضل فاك حلكه كلهن مخرمشات
وهاي الي ضربتها، بوكسي لازمه خشمها وحاطه كلينس وملفلفه بعباية لان شكيت دشداشتها
كاللهن بهاء .. برة يلة يلة بسرعه برة شلة سحارات ودعارات جايات بكل عين صلفه تهدن لو مو نسوان جان عرفت اتصرف وياجن
كامن يصيحن يغلطن ويفشرن سحب بهاء الاسلاح وكال .. الي ماتصم حلكها وتطلع اترس حلكها رصاص
خنسن هنة صاح .. بسرررررررعه
كام يمشن وحدة ورا الثاني
اخر شي السمينه مرت من يمي كلتلها .. سويتلج رياضه دادة فررتج البيت كله مايحتاج تدخلين جيم
عاد ريمة واختها كامن يضحكن لان بس هنة يعرفن شسويت بيهن
حيدر خزرهن سكتن وانا خنست ورا بهاء
طلعت هي عاد ريمة ماتحملت كعدت بالكاع تشهك من الضحك ضربتها امها وصاحت .. شبيججج ولج وضعنه مال ضحككك
ردت .. يمة يمة لو تشوفين رواسن شسوت بيهن
تركض وهن وراها طبت للصالة هنة وراها طبت للاستقبال هنة وراهن ،بزون ويركض ورا الفار
كاموا يضحكون وبهاء كال .. ها ولج كتلجن الفاهية
كتله .. لااا ولله كتلتهن، شايف هاي الي خشمها ينزف دم انا ضربتها بوكسي حتى المحبس نعوج
هز راسه بستهزاء ،وهمة يضحكون رغم الكتل
كال حيدر .. راح اشتكي عليهن لا يعيدنها
رد بهاء .. لا بوية مايعيدنها مبينات خوثات كدرتهن ع نسوان واحنه، مو من شيمنه نتقارش وية نسوان عوفهن مبين مكتولات اذا عادنها عود اشتكي
سكت حيدر واحنه طلعنه رحنه البيتنه دخلنه
كتله .. شمدريك بالسالفه
كال .. شفتج من الكاميرات مال البرة واتصلوا عليه الحرس كالوا المدام مكتوله
ها الخوثه ملصنج صفكنج راجديات خدج بي طبع راجدي
ضربته ع كتفه .. لاااا والقرآن كتلتهن
- اي مبين تركضين ،ويركضن وراج بالنعال
صكيت ع اسناني وطفرت اعضة وهو دفعني وصاح .. دولييييي كدرتج ع بهاء بيج حض جان كتلتيهن حطنج وخبزنج الخوثه
دخل هو ،وانا اصيح ورا حرك دمي
....
ميسم .. كامشة موبايلي وصافنه اخر فترة كان تواصل بيني وبين حيدر نحجي عشر دقائق هو يتصل وانا ارد ماازعجني ولا ضغط عليه كان يسأل عن احوالي واذا محتاجه شي انتظرت يبدر منه شي مو زين لكن ابد مابدر
بس حيدر صارلة اسبوع كامل مختفي ولا يتصل تفاجأت هو مو من عوايده فـ قلقت خاف صايرلة شي
وانا ماكدر استفسر من رواسن لان رواسن متعودة ابددد ماتحجي مشاكل ،اهل زوجها ولا مشاكلها بينها وبينه فـ ضليت محتارة اسأل عنه لو اغلس
اخر شي دزيتله .. السلام عليكم، شلونك حيدر
ان شاءلله بخير
تقريباً ساعه واتصل توترت عدلت كعدتي و رديت
- الوو
- ها ميسم شلونج
- الحمد لله بخير انتَ شلونك
تنهد و رد .. تمام يعني
كتله .. ليش شكو
كال .. ولله مشاكل عائلية
- ها الله يحلها
- ان شاءلله شعجب افتقديني مو من عوايدج
- بعد كـصديق كلت اسوي الي عليه
- ممممم تمام
حسيته ضاج سمعت طكت جكارة كتله .. حيدر
همس .. عيونه
- تسلم عيونك انتَ، تركت الطريق الموزين
رد .. ممكن اي
- شنوو يعني
- تركت لكن مامستقر
- ليش مامستقر
- ماعندي وحدة تنسيني ،وتخليني استقر بأحضانها
- امم بس ع هل حالة جان كُل الزلم طلعت لهيج طريق
كال .. انا اختلف عنهم انا، جربت طعم الاستقرار حبيته وتعودت عليه لكن خسرررته بأسعد يوم
ورحت ابحث عنه بالزنه
سكتت جان يهمس .. سمسم بس وافقي وحق هو الحُسين تعبان اريد احط راسي بحضنج ناسي هموم الدنيا اريد اجرب طعم الحلال الي كُل عمري ماجربته
وشنو الي تطلبي عند عيناج بيت وحدج وحتى بصف بت خالتج حاضر وغايب ع مزاجج حتى اذا تردين ترجعين تدرسين اشلعلج عيوني انتِ بس آمري
رديت .. حيدر ليش تحسسني انا انسانه مادية
بيت وعندي فلوس ومعيشه نفسي الحمد لله اسمعني زين حيدر انا من طلكت اخذت عهد ع نفسي ماتزوج لان الحريه صارت راحتي واذا الله كتبلي اتزوج فـ اختار السنددد وعكازتي وقت مانكسر
كال .. افتهمتيني خطأ احنه ماننكر انُ هذا من متطلبات الزوجه كعيشه هادئة
قاطعته .. موو الكل سووة انا اريد العائله لان مفتقدة هاي العيشة مفتقدة لمات العائله والحنيه
كال .. صدك ميسم !
- ولله العظيم
همس .. وانا مااحب اترك اهلي رغم احنه عدنه قانون بالعائله الشاب يتزوج يطلع حتى يكون عائله
لكن انا احب كعدات اهلي لماتنه ع غدة وع عشة ومن اجاكر اُمي والدي يعصب ابد مااحب اتركهم لكن كلت هذا من حقج انو يكون عندج بيت وتأسسين عائلة
- حيدر انتَ مو الشخص الي احلم ،بي طول عمري لان عندك نفس الصفات الي يحملها طليقي
رد بنترة .. انااااا مااضرب مااهين انا اقدس المرة لان الجابتني مرررة انا ضددد الي يضرب والي يخون والي يهين والشرب والنسوان اتخذته بوقت كانت ابواب الدنيه كللللها مسدودة بوجهي ،ضعفتتت بلحظة ومشيت لهذا الطريق ولج انا اصلي واصوم وخاتم القرآن اضعاف عمرج لكن حدث واحد دمرررني وخلاني اغضب ربي وانا خجلااانه منه حييل وداحاول اغفر عن ذنبي
لكن انتِ احسج تعيريني او تنبذيني
- حيددددر ليش تصيح افهمني
طوووط سد الموبايل، تنهدت وشمرته ع طاولة
ورة شوية كمت سحبته و دزيتله .. ارجع حيدر القديم ومُمكن اتقبلك
.
.
.
رواسن .. واكفه اثرم بالزلاطه
جان يصيح بهاء من الحمام .. رواسنن الخاولي
صحت .. اي اي حبيبي هسة
غسلت ايدي ورحت طلعتله الخاولي
وكفت انطي، من بعيد لان اعرف دروبة
كمشت الخاولي بطرف اصبعي وكفت بعيد مديت ايدي وماحس غير سحبني كمشت بالدرج حيل واصيح واضحك ،وهو عتني عت كبل سحلني
طلعت من الحمام اكمز واصيح .. هسةةةةة شيشسور شعررري
رد .. هو هلكدة وتتعاجزين، منه لو عندج شعر طويل جان قملتي
باوعتله وفاتحه عيوني ع وسعهن .. شنو شنو شكلت
رد وهو ينشف بشعرة .. تقملين
تقربت عليه اريد اهد واتعارك وهو طكني بخزرة صك ع اسنانه تراجعت وهو كال .. تعاي تعاي ليش خنستي
اعلكج بالثرية بالمكلوب اخلي راسج مدندل
رديت .. هاي شبيك ردت انشفلك شعرك ليش نيتك مو صافية انا حبابة
هز راسة .. حييل حبابة اعرف، بيج اصلاً انتِ خانسة ومايطلعلج صوت
- بعد شسوي فقيرة وع نياتي
رفع تك حاجب وكال .. تهوري و كصي
-عكدت حواجبي .. شعري ؟!
رد .. لا لسانج
كمت اضحك وهو تمدد ع تخم، رفع راسه
وكال .. دروحي روحي شسوري شعرج لسانج جنه لسان دلالة
ضحكت ورحت، للغرفه بدلت وشسورت شعري
وطلعت كملت العشة وكعدنه نتعشة ثاني يوم سويت تنضيفه للغرفه وبهاء هستوة جاي من الشغل ونايم وكفت اعزل الغراض الي فوك راسه حاسبه ودفاتر داصفيهن جان تجي رساله واتساب
بالبداية عفته بس بعدين كتلني الفضول افتحه
فـ فتحته كانت الرساله من شخص بأسم n-k
من الاسم كلت يخص شغله
نوب دازله .. شوكت الفلوس توصلني
فـ تأكدت من شغله عفته وكملت تعزيله ورة شوية هم اجت رساله و رواسن ابددد ماتكعد راح رحت شلته نفس الرقم داز .. ترة تأخيرة منك يبدر خطأ مني يدمر الاول والتالي وانتَ الخسران
عكدت حواجبي فتحت، رمز الموبايل ودخلت للواتساب دخلت ع صفحه الشخص كانت محادثات طويله ردت اقرأ وماحس غير نسحب الموبايل مني
باوع بهاء للموبايل فتح عيونه ع وسعهن وكام يباوعلي يريد يتأكد قريت لو لا انا كتله .. شبيك بهاء!
ليش سحبته هيج قابل اول مرة اكمش موبايلك
خزرني وكال .. رواسن تبطلين هاي العادة انا ماتعجبني خوووش
كتله .. ليش خاف، عندك سالفه
نتر .. اي عندي مامجبور ابررلج
خزرته داريد امشي عت ايدي حيل وكال .. عيوونج افكسهن
ماحجيت شي سحبت، ايدي وهو ضاغط عليها باوعتله وعيوني تلالي بدموع همست .. ايددي دتوجعني
رخت ايدة وكأنما حس ع تصرفه عفته ومشيت ركض وهو صاح .. رواسسسن
كمت ابجي انقهرت هو ابد مايعاملني هيج وانا دوم العب بموبايلة ابدد مايحجي ونوبات يشوفني صافنه هو يشمرلي موبايلة ،ليش عاملني هيج وحسيته الا شوية يريد يضربني
دخلت للغرفه سديت الباب، تمددت وغطيت راسي
واسمعه يصيح بالصالة .. هاااااااي الغرفة ع يوم احركها واحرك البيت همات كلما طنكرتي رحتي خنستي بيها دماغ سزز
مارديت عليه ،رجع يصيح ويتحلفلي الة يقفلها وياخذ المفتاح ، نوب من شافني مغلسته كام يغلط عليه وانا ضليت ابجي هواي قهرني لان كمشت موبايلة شوية وفتح الباب اكيد عندة نسخه لان هو عندة كومة مفاتيح لكل غرفة اكثر من نسخه ،تمدد وراي وخر الديباج عن وجهي باس ايدي وجتفي وعيوني ويهمس .. لا تبجين كافي انا الي اشتعلوا اهلي وانعل ابوي انا وانا كو*** ابن سطعش كوا***
يلااا كافي لا تبجيين حركتي روحي بدموعج ،انسيها للسالفة يلا حبيبي كومي اطلعج نفتر بالحدائق وين حابة ترحين احجي سمعيني صوتج
ردت احجي كتلة بهاء وكمت اشهك وهو يسب بنفسة وحضني حيل ،ويسكت بية ويبوس بكل جزء بوجهي
ويهدء بيه
همس .. يروحي ادري بالغت ،بردت فعلي بس صدكيني غلط تصرفج انا جماعتي يراسلون ويفشرون من تصير كبالج فشورة انا شنو موقفي
دتشوفين انا مااحب افشر كبالج صدددف بالشقه
لان ماريد تتعلم اذنج ع هاي الالفاظ وتكومين تفشرين
همست .. لعد انا هم ،بعد متكمش موبايلي هم عندي صديقات وخصوصيات لو انتَ وحد
رد .. براحتج حبيبي، براحتج يلة كافي بجي باوعيلي شو
انداريتله خزرني وكال .. شمسوية ،بعيونج ماردتهن بالبجي
- غير قهرتني
سحبني الحضنه وهمس .. ماعاش، اليقهرج بنياتي
يلة نكوم !
هزيت راسي
......
ميسم .. من بعد الي صار بيني وبين حيدر بعد بعد ماحجينه وية بعض او بالاحرى هو كام ميتصل
حسيته مل بعد مايريدني كمت ركعته ببلوك
مر اسبوعين تقريباً وبيوم من الايام ندك الباب كمت فتحته صحت .. منو
اجاني صوته همس .. انا
- حيدر !
مارد ماشوف غير شمر بوكيه ورد وسمعت صوت سيارته شخطت رفعت الورد جانت بنصه رسالة
كاتب .. سمسمة احبج وحق، من رفع السماء وبسط الارض ارجعلج حيدر القديم واتغير مو بس علمودج لا علمود رضا ربي ورضا امي وابوي انا وعيت ع حالي وعفتج هاي الفترة استراحه بينه لان اخر فترة تعاركنه ،فتحي البلوك خلي نحجي
ابتسمت رفعت البوكيه شميت عطرة وجان توكع نستله عكدت حاجبي رفعتها، جان كاتبلي عليها
بدون سكر اكليها وانتِ مطمنه اشتهيتها الج
ضحكت شلت الورد ودخلت جوة رجعت راسي ع شباك وهمست .. معقولة عوضني ربي بحيدر
ترددت افتح البلوك هسة يكول مستعجله
للساعه بـ ٤ الفجر كلت نايم فـ فتحت البلوك عشر دقائق وجان تجيني رساله ،رفعتها مكتوب .. من ٨ بالليل لحد هسة مكابل حسابج شوكت تفكين البلوك
زين من حنيتي عليه
تبسمرت بمكاني عززة هسة عباله انا هم مكابله حسابه عضيت اصابيعي بفشلة
جان يتصل رن اكثر من مرة يالله رديت
همس .. شلونج
رديت .. الحمد لله
- محتاجه شي،
- تؤ
سكت شوية وكال .. يله روحي نامي واذا احتاجيتي شي خابريني
سديت الموبايل وضليت صافنه وافرك بيدي الي جاي اسوي صح لو خطأ !
انا ممكن اتقبل حيدر بس اذا طلع شخص مو زين انا شمعرفني بي واذا نعادت نفس مأساتي وية طليقي !
رجعت راسي ليورة تنهدت بحيرة لمن غفيت
ثاني يوم طلعت الصبح للمحل اشتغل وقبل الاذان مال الضهر رجعت تغديت ونمت للعصر كعدت لكيت رسالة من حيدر كاتب .. نطلع بالليل لمكان عام نتعرف ع بعض اكثر
رديت .. لااا
كال .. ليش
- بصفتي منوو واطلع وياك وسمعتي مافكرت بيها اذا شافنه احد
شوية ودز بصمه .. ميسم ولله العظيم تعبتين اكلج خلي اتقدملج تكولين مااعرفك شلون اوافق عليك اكلج خلي نطلع نتعرف ع بعض تكولين سمعتي ادري انا ماخذج لشقه ******
فتحت عيوني ع وسعهن شلون يفشر كمت انطيته بلوك وشمرت الموبايل نص ساعه ودك موبايلي رقم غريب مارديت عرفته هو دز .. ميسم فلتت من حلكيي ادري شبيجج ترديلج زلة عليه تررة قبل وكتلج انا ماذل نفسي ولا اجبر شخص عليه
عفته مارديت حسيت نفسي حيييل حاايرة شنو اسوي مادري انهي علاقتي ويا !
اكُله ماريدك شسوي !
بعدها مر اسبوع وحيدر بعد لا دك ولا سأل
وبيوم جنت هستوني طالعه من المحل صارت سيارة حيدر بوجهي أشرلي اصعد
صعدت التفتت وكتله .. ليشش اجيت حيدر انتَ شنو وعدتني
رد .. اريد اخصم موضوعنه
- شلون بلة
مارد صحت .. حيددددر وين ماخذني نزلنيي
رد .. ميسم كافي تصيحين كافي وداعت امي ماأذيج
انطيني صبرررر
اندارلي باوعلي بتوسل وكال .. بسس سكتي خلي نخصم الموضوع حلوة هيج لا احنه منفصلين ولا احنه متزوجين !
خلي اليوم نتفق ع حل
سكتت وكف كبال مقهى، اشرلي انزل تنهدت ونزلت
دخلنه كال .. شنو طلبين
كتلة .. ماريد شي
هز راسة وصاح للنادل كال .. اثنين عصير برتقال
التفتلي طبك ادياته بعض وكال .. خلي ،نتعرف مثل اي اثنين راح ينخطبون تقليدي
انا حيدر خريج هندسة طيران اشتغل بشركه طيران وكذلك بشركه تابعه لجدي اصلي من بغداد
عائلتي متكون من انا واخ واحد وثلاثه اخوات والدي والدتي
اتفضلي اسئلي الي يعجبج
باوعتله وكتله .. ليش مامتزوج لحد هسة !
رد .. حبيت وحدة وياي بشركه طيران لكن والدها ماقبل ينطينياها ع اساس، محجوزة الابن عمها بس انا ماتركتها ضليت سنوات احاول علمود تصير الي لمن كدرت اخذتها وبيوم عرسنه تحمست حيل جبت فرق موسيقية وكذلك رمي اسلحه لمن اجتها طلقه تايها ،وتوفت بيوم زواجنه
ومن يومها انا مشيت اعوج تيهت نفسي وغضبت ربي واهلي عليه
ضليت اباوعله بصدمه ابتسم وكال .. اي لا تنصدمين الكُل يعرف بقصتي والحمد لله ،صرت عبرة للكل علمود لا يتحمسون حيل ويضيعون فرحتهم
يلة احجيلي عنج بما انُ بعد ماكو سؤال
حمحمت وبديت احجي .. توفت والدتي والدي متزوج وحدة ثاني مرته ماتريدني حشت براس ابويه فـ ابوية شمرني ع خالتي نجوى
وخالتي نجوى زوجتني بعمر صغير ابد ماعشت ويا براحه
وكنت اخاف اطلق لان وين اروح لمن وصلنه لمرحله مستحيل نتعايش سوية اتطلقت بمساعدة بهاء الدين
وبعدها اجرت بيت وكمت اشتغل بمحل رواسن ولميت نفسي شوية، شوية لمن اشتريته للبيت والحمد لله كدرت استعيد قوتي واعيش حرة
همس .. ليش جنتي بالعمارة !
غمضت عيوني حيل وهو رجع همس .. احجي ميسم خلي نخطي اول خطوة ونعرف بعض
رديت .. بيومها ضربني
كال .. ليش ماحاولتي ترجعين لوالدج وتجبرينه يتحمل مسؤليتج !
همست .. انا مااحب اعيش ثكل ع شخص
رد .. بس هذا حقجج، مو ثكل غصباً عنه يتحملج خو مو
راد يفشر بس لزم لسانه ابتسم وكال .. عدت سلامات
المهم هذا حقج حتلوا ترحين تشتكين عليه يسحلونه سحل
رديت .. انا مو وكحه ولا ادور حق ولا باطل
ابتسم وكال .. لا طالبي، بحقوقج احسن
حسيت شلون نيته مو صافية لان ابتسم ابتسامه خباثه ،خزرته وهو ضحك وكال .. شبيج ليش تخوزرين
ماحجيت شي همس .. بلة انتِ صدك بت خالتها لرواسن
هزيت راسي .. اي ليش
كال .. انتِ هادئة اما هي، ماتتحاجه خشمها يابس
- لا تحجي عليها اصلاً هي احسن مني بميت الف مرة لسانها سيفها ومحد يحاول يتقارش وياها لعلمك كانت صاكرة طليقي وهي طيبة وع نياتها بس الناس متحيونه وماترحم
ابتسم وكال .. ماترضين ،عنها
هزيت راسي .. اكيدد اختي هاي
رد .. هنيالها عليج يابة وانا ماعندي ،احد يدافعلي
- اي مايحتاج ملعب درجه اولى
ضحك بصوت عالي وانا درت وجهي عنه
نوب سكت عدل كعدته وكال .. ميسم احنه اكيد ماراح نتعرف ع بعض ونحب بعض بسرعه واحنه بعيدين عن بعض خلي نخطب وفترت الخطوبة نتعرف اكثر واذا ماعجبج فسخي الخطوبة
همست .. حيدر تحلفلي انتَ ،حبيتني مو علمود تنسى زوجتك بيه
رجع راسه ليورة وكال .. جان سويتها من زمان تزوجت وحده علمود انسى زوجتي بس لا انا حبيتج اول حب يدك كلبي من بعد المرحومه صار شكد من توفت وانا ماتقبلت اي وحدة الا انتِ
- وشلون تتقدملي وانا ماعندي اهلي شتكول لهلك
عدل كعدته وكال .. الموضوع عليه انتِ بس وافقي
سكتت همس .. ميسم كبالج اسبوع رديلي الموافقه
انتظرج،لا تخيبين املي بيج بعد مارجع املي بالحياة وتركت ذاك الطريق
كتله .. شيضملي ماترجع
همس .. حالف بـ ابو الفضل عباس اذا رجعت لذاك الطريق كون يسطرني بالمكان
سكتت وهو كال .. ها نكوم
هزيت راسي، وكمت فتح باب السيارة وصعدت
كتله .. لا تدخل بالمنطقه انا اتمشى
رد .. لا عادي بأعتبار رايح لبيتي انزلج بشارعج واكمل طريقي
التفتتلة .. عندك بيت هنا !
هز راسة .. بصف ،بيت بهاء الدين
درت وجهي ع جامه ،لمن دخلنه للمنطقه وصلني لبداية الشارع مال بيتي وانا كملت مشي بس هو ماراح بقى ينتظرني لمن دخلت يالله راح
بعدها مرت ايام انا وحيدر ع تواصل تعودت عليه وهو يضل يحجيلي عن مواقف مرت بحياته ويضحكني ونوبات نغفى اثنينه ع تواصل
تأخرت انا ومارديتله خبر الموافقه لان خايفه اخطوا هيج خطوة
لمن لعبها حيدر عليه وكام بعد مايتصل ولا يسأل وانا تعودت ع صوته يومين ضليت الوب عرفته سوة هيج عن قصد، وهو صحيح انا خطأ تصرفي شلون نتراسل ونسولف واحنه لا مخطوبين ولا متزوجين
فـ دزيتله .. انا موافقة
شمرت الموبايل وتنهدت بصوت همست .. ربي بحق السيدة زينب يطلع اختياري صحيح وعند ضنه ربي فرح كلبي وعوضني يالله وخلي سند ونفعه اليه مو ضرة
لليل اتصل وانا استحييت حيل ارد لو لا
ضليت احسب للعشرة ارد لو لا ارد لو لا
لمن راد يطفة الفون رديت همست .. الوو
كال .. وين نايمة !
- شسمة اي جنت، غافيه
- نوم العوافي ،
- الله يعافيك
- سمسمة متأكدة، من موافقتج بعد ماكو رجعه انا كلت الاهلي اليوم كلهم يلتمون علمود احجي بموضوعنه
- شنو راح تكللهن عني
رد .. ماراح اكذب بشي هو انتِ بت خالة رواسن اهلج ميتين وجنتي متزوجه بغير محافظة لان خاف يسألون ليش ماشافوج بعرسها
اي وطلكتي ورجعتي البغداد اشتريتي بيت بنفس المنطقه علمود تصيرين قريبه ع رواسن وكمتي تشتغلين بمحلها وانا بعيد الحب الكل يدري اشتريت لوالدتي ملابس من محلات رواسن فـ اكللهم تعرفت عليج هناك حبينه بعض و هاهيَ
ترة احنه ماكذبنه بشي مو صحيح
هزيت راسي .. عبالي راح، تنكر بت خالة رواسن وتكلب حياتي
رد .. لا حبيبي شلون بلة جناسيجن نفس اسم
الاب وجد الام مبين بنات خالة وبعدين شلون انكرج واكلب حياتج كلاب
- شلون فكرت هيج تحجيلهم حييل مضبطها
ضحك وكال .. مو انا بهاء الدين، هاي لعبته ذكي يلعب ادوار
فتحت عيوني ،ع وسعهن .. عزززة بهاء يدري !!
رد .. اصلاً هو جان وياي خطوة خطوة حتى اقنعج
- ولله
- وداعتج
- و رواسن تدري ؟
- لا يمعودة غير تهج، علينه مثل الثور هي سمعت انا متعرضلج بالمحل وتسودنت صارت من الروس وية بهاء مو نوب راح نتزوج وانتِ شعجب ماخبرتيها
- اعرف راح تلومني وجنت مفكرة اكللها ورة مانطي الموافقة
رد .. لااااا كعدددي واستقري، لا تكُليلها ولا بطيخ
ضحكت بصوت وكتله .. اخخ يمة صكارتكم رواسن
ضحك وكال .. عمي ماتنجرع اذا هدت منو يلزمها
كتله .. لا حيدر راح اخبرها اصلاً انا متندمه لان ماحجيتلها قبل
رد .. براحتج
سد الموبايل وانا تمددت ع جرباية وايدي ع كلبي
.......
رواسن .. جنت دارسم وبهاء بيت عمامه
للساعه بـ ١٢ سمعت صوت سيارته كمت سديت غرفة الرسم هاي الغرفة بهاء صممها الية حط رسماتي وانوااااع الالوان ،واوراق الرسم وخشبت الرسم
يعني بين قوسين غرفت رسام حييل ارتاح بهاي الغرفه احبها ارسم وانا اباوع لرسماتي كبالي
نزلت ركض وهو دخل يطش جكليت وانا صافنه كمت اضحك وكتله .. شبيك بهاء !!! شكو فرحان وطش جكليت منو تزوج
كال .. بت خالتج
- شنو ،شبيك انتَ شارب شي
كام يضحك بصوت وكال .. وداعت ابوي عرس بت خالتج
ضليت اباوعله بصدمة .. بهااااء لا تخبلني ،شنو عرس بت خالتي
هز راسه .. هذا الاسبوع عقد حيدر وميسم
عطت .. جذذذذب
ضحك بصوت .. والقرآن
ضليت واكفه مصدومه وهو يضحك كتله .. بهاء مدتشاقه
هز راسه .. داحلف، بالقرآن
-بهاء شجاب ميسم ع حيدر !!
رفع كتوفه .. قسمة ونصيب
رفعت تك حاجب .. قسمة ونصيب لو وكعتوها انتَ وابن عمك
هز راسة .. ولله خوش شغل اشتغلنا
خزرته كال .. اششش معليج ولا تفكين حلكج تردين تباركيلها باركيلها كلمه تجفصيها ،من لسانج اكصة خوش اثنينهم حبوا بعض وعسى الله يوفقهم ماتحبين الخير الها !
- حرام عليككككك ولله حررام ،كلنه نعرف حيدر شنو سكير وابو نسوان وهي سبق وكان زوجها هيج بهاء ميسمم تعبت بحياتها حييل وحتى اكثر، مني ميسم خوافه وكتومه وماتعرف تصرف ليش هيج بهاء ع حساب ابن عمك تريد تكسر بيها
رد .. حيدر ترك المحرمات، وحلف بالقرآن مايوصللهن لو ماحالفلي ولله ماخلي يوصللها انا همم مثلج اخاف عليها وشفت كسرتها بعيوني لو ابن عمي اعرف بي مو زين ومايناسبها اكسر ضهرة ولا اخلي يوصللها هاي بمقام اختي حيدر تاب وديحاول يحب ويعيش من جديد
- ويحاول براس بت خالتي، بلة ضعففف وراح شنو موقفك تطلكهااا تررررجع تطلكها من جديدد ونفس المعانات سكير وضرررب وهاي اذا كدرت ع حيدر
رد .. اتعهدلج حيدر ميأذي ميسم بس ،مو معناها نتدخل بمشاكلهم العائلية حيدر حيدرنه وحافظة حفظ يخاف الله ومن يحلف لو ميت شيطان يوكف بوجهة يسحك عليهم
درت وجهي ودامشي جان يصيح .. رواسن وحق من انزل القرآن، ميسم اذا حجيتي وياها ولعبتي بعقلها وكسرت فرحتهم اطيح حضج
عفته وطبيت للغرفه ركعت الباب
وبنفس اللحظه دك موبايلي رفعته ميسم تنهدت
و رديت .. الوو
ميسم .. هلاو رواسن شلونج
- الحمد لله بخير مبروك ع خطوبة حبيبتي شايفه كل الخير
سكت شوية وهمست .. رواسن
رديت .. لا تبررين ميسم، انتِ جبيرة ومسؤلة عن حياتج انا معليه
ميسم .. رواسن حبيته، ولله وهو حلفلي ترك ذاك الطريق
رديت .. الله يباركم ان شاءلله ،ويتم عقدكم ع خير
كامت تصيح .. رواسسسسسن ،لا تعامليني مثل الغريبةةة
زمخت بيها .. ولجج انتِ العاملتيني مثل الغرررريبة اسمعععع عقدج من رجلييييي وانا اقرب شخص الج اخرر من يعلم انا مثللل الغرررريب
كامت تبجي كلتلها .. انعي انعي انتِ كضيتي عمرج تنعيني عود من يشمرج حيدر مثل شمرت طليقج هم انعي
صاحت .. يحبني رواسننن ،ولله يحبني وانا حبيته
- هاهيَ مبروك عليكم بعد المن تبجين
همست .. تجين للعقد مو
رديت .. اذا ماعندي دوام ،عود اجي لان وجودي وعدمي نفس الشي
سديت الموبايل وشمرت ع جرباية التفتت جان اشوف بهاء واكف هز راسه وكال .. ارتاحيتي !
خزرته وكتله .. كلةةةة منك انتَ وابن عمك خربتوا بينه شلعبتوا براسها بحيث خلتني مثل الغريب اخر من يعلم
دفع الباب حيل، وطلع تنهدت ضربت الجرباية برجلي وطلعت ركضت ورا وكفت كبالة
وكتله .. لا تخرب بينةة علمودهم انا معليه بيها
الله يوفقها وشايفه كل الخير
كال .. ترحين للعقدد
رديت .. اذا ماعندي دوام
كال .. العقد الاثنين تعوفين الدوام وترحين
رديت .. لا تعذرني دوامي اهم
مسح وجهة وكال .. ليش تقهريها رواسن تدرين ع هذا تصرفج هي راح تلغي العقد لان اذا ماحضرتي ماتعقد وهيج راح تصيرين، سبب خراب العقد وتوكفين بنصهم وتحرميهم من فرحتهم حيدر اول مرة اشوفه هيج فرحانه من بعد موت المرحومه
وميسم ماتكدر تعيش كل العمرر، وحيدها تبقى ابنيه
تحتاج من يسندها هذا الزواج راح يصلح القلوب
بس انتِ راح تدمرين كلشي
تنهدت و رديت .. هاهيَ، احضر ماريد اصير عثرة بطريقهم
ردت امشي كمش ايدي وكال .. حسسيها انتِ فرحانه الهم لا تحسسيها جاي غصب
هزيت راسي ومشيت فكرت كلام بهاء صحيح ماريد اصير انانيه واخرب بيناتهم بما انُ هي راضيه هاهيَ
رجعت اتصلت ميسم وحجيت وياها بهدوء وكلتلها اجي هي فرحت بس حسيت غصه بلعومها
حاجيت، بهاء كتله .. خلي اطلع وياها تشتري احتياجتها خو ماتطلع وحيدها
ابتسم وكال .. عفيه روحي وياها انا ماردت احاجيج لان خاف اضغط عليج
رديت .. لا خو ،ما اعوفها وحيدها انا شريد منها سويت كل هذا المصلحتها خفت عليها
رد .. اطمني، الله يوفقهم ان شاءلله واحد يعوض الثاني
تنهدت وكتله .. الله يسمع منك
اتفقت وية ميسم ع يوم وهي كيفت ماعبالها اطلع وياها وصدك ولله طلعنه الجمعه هي تشتري واشوف الفرحه الي بعيونها وتدخل تقيس وتطلع تعرضه الي بفرح وتفتر دمت عيوني الفرحتها اول مرة تعيش هذا الشعور وفرحانه حضنتها وهي كامت تبجي بحضني وتعتذر لان ماحجتلي وانا طبطبت ع ضهرها
وهمست .. لا تعتذرين يروحي هاي حياتج وحرة انا شنو وتاخذين اذني بس ضجت لان اخر من يعلم
ضلت تبررلي، وبعدها طلعنه نكمل اشترت هواي شغلات وبالنسبه لاهل حيدر اجوي قبل كم يوم امه واخواته شافنها ،وهن حبابات بوسنها وكعدن يسولفن وياها شوية وطلعن
المهم انا هم اشتريت فستان مستور وكم شغله واجه السائق وصلها، ونوب وصلني ثاني يوم السبت رحتلها ومشينه سويه للصالون هم هي سوت تنضيف وانا هم
وطول الوقت بالصالون كلساع واتصل عليها حيدر حتى العاملات ضلن يضحكن
خلصنه ورجعنه للبيت والاثنين صادف العقد وصلني بهاء لبيتها جهزتها انا مكيجتها وسويتلها تسريحه
ونرجس وصلت متأخرة كوة قبل رجلها تجي عكرة
يوم واحد وترجع هي ضلت تصفي بالبيت وتحضر بكاسات المي والكيك
وانا امكيج بميسم، وهي تتنعوص كلساع وصاحت رواسن عميتي عيني وانا اصفكها براجدي واعدل وجهة وهي تصيح ونرجس ميته من الضحك
كمت ارسم بشفتها مندمجه ادمج بالالوان، وجان تطلع لسانها وانا صفكتها راجدي
عاد هي كامتلي وصرنه، من روس بس نضحك
ونرجس مبسطه باب الغرفه وميته من الضحك علينه
دفعتها وكلتلها .. ولججج غبرة تعبت وانا ارسم الشفه
تالي تطلعيلي لسانج تشفطين الحمرة
ردت .. وذاا لعد تضربيني ولج انا عروووس تطلعيني الهم مطبعة راجديات
- ديلة كعدي خلي اكملج
رجعت كعدت، وانا عدت الرسمه ونوب ساعدتها لبست النفنوف ورحت انا بدلت وتمكيجت ومكيجت نرجس هم وتغددين، لفات حويدر جابن النه ولو اكول جاب الها بحالنه هو
للساعه بـ ٢ اجوي، بالبداية عماته وخالاته وامه واخواته وكامن يركصن ويدبجن ويسون كولات
وللساعه بـ ٤ اجه السيد يعقد غيرتلها لبست سيت نوم وفتحت القرآن وحطيت هيلات، بين اصابعها
وبدة السيد يعقد لمن اخذ موافقتهم
وعلة صوت الهلاهل وبهذا اليوم صارت ميسم ع ذمت حيدر دخل هو مبتسم، باس راسها وامه قدمت الذهب لبسها الحلقه وباقي النيشان وهي مدنكه ابتسمت ودعت من كل كلبي الله يوفقهم ويهنيهم
قطعوا الكيكه وهو كام ويه عماته وخالاته يرقص
نوب كمش امه وكام يرقصها وهي تضحك سحبته باست عيونه وهمست .. عساها دوم هاي الفرحه يايمة الله ينور طريقكم ويفرحكم ويرزقكم الذرية الصالحه
دنك باس راسها وكال .. وانتِ الموجودة وتشيليهم بيدج
نوب اندار الميسم كومها يرقصها وهي خجلانه صارت حمرررة
.....
همست .. حيدر كافي فشلة
رد .. شنوو الفشلة ولج عرسان احنه عرسان
مفكر اخمط بوسه
فتحت عيوني ع وسعهن .. والقرآن اذا سويتها ازعل منك
ضحك ودنك باس رقبتي
نزلت راسي وحييل مستحيه وهو لا يهمة
....
رواسن .. وزعنه الكيك والعصاير وحيدر راد يطلع
تقربت وهمست .. الف مبروك خوية بالرفاه والبنين
باوعلي ابتسم بخباثه و رد .. الله يبارك بيج
شكددد خبيث يالله التفت يمشي وبعده يباوعلي بخباثه ويقصد خذتها وغصبن عليج
خليت ومشيت للمطبخ
حيدر طلع وهمة ورا بساعه اجه السائق وراحوا
وانا ساعدتها تغير ملابسها وضلت تمسح بالمكياج وانا ونرجس نضف بالبيت وهي خطية حامل هم ماتكدر اشتغلت شوية وكعدت وانا نضفت البيت كله
وبعدها نرجس اجه اخوها عليها وراحت لبيت اهلها
وانا ضليت لل٩ يالله اجه، بهاء بارك الميسم وطلعنه
اول مادخلنه لشارعنه واسمع صوت الاغاني التفتت لبهاء .. شكو بهاء هاي وين
رد .. الشباب مسوين، حفله الحيدر بيته
سكتت وصلنه للبيت، اباوعلهم اغاني وطربكه
دخلني بهاء بالسيارة جوة مانزلني برة
طبك السيارة وكال .. انا اتأخر بالرجعه يم الشباب اذا احتاجيتي شي راسليني
هزيت راسي دخلت جوة وهو طلع استمرت حفلتهم طول الليل وانا صدع راسي من الاغاني
خليت وصعدت لغرفة الرسم سديت الباب وكعدت ارسم الهي نفسي لمن تعبت نزلت جوة نمت
وبهاء مارجع
.
.
.
.
للحكاية بقية
الكاتبة .. رباب حيدر
قربت النهاية .. ❤️