قسر الرواسن

بارت ٢١

انتِ صامتة انا اتعثر
لا عكاز سوى صوتكِ.
#أحمد_عبد_الرحمن

كمت ادور عليه بخوف وداكتو هم انتبه وكام ينبح بصوت ويركض وراي مجلب بيه

صرخت .. بهاااء بهاااء
كمت ابجي واصيح والناس انتبهوا عليه
تقربت مرة لبنانيه سألتني شبيه
من عرفتني عراقيه انقهرت عليه كالت اوكف باب المول كلتلها ماندل كُلشي
فـ اخذتني هي تدليني

وداكتو مكمش بيه خطية، عباله اعوفه

دنمشي ورة المرة وجان يصير كبالنه، بهاء انا شفتة وعطت ركض كبل حضنته وابجي من الخوف احس راح اوكع انا مشُكلتي ضعت بلد غريب، مو بلدي لو ضايعه بغداد عادي لان انا مفلسة بغداد تفلس كُل مكان بيها حافظته بس ضعت بلبنان محد اعرفة هناية

هو حط ايدة ورة ضهري وتشكر ،المرة راحت المرة وهو ندار يسكت بيه .. يلة كافي حبيبتي شبيج وذا ضعتي قابل اعوفج هنا وارجع للعراق

وخرت عنه وانا اشهك .. بهاااء هذا ،مو بلدي واندل بي كُلشي اذا ضعت هناية شلون تندلني

كال .. لا بابا عادي يصيحون اسمج، بالمول واجيج
لا تكبرين الموضوع يلا كافي بجي حتى الناس انتبهولنه

دنك ع داكتو باسه وكال .. ابد ماخفت، عليج ماطول داكوتا يمج اعرفه سبعه

ضحكت ودموعي تنزل كتله .. اي خوش سبعه يركض وراي يكمش بالملابسي عود ،انا اتحامى بي

ضحك شالة وكال .. بس شحدة اليوصلج هو يتحامى بيج وانتِ تتحامين بي صرتوا اصدقاء بعد ماكو مكافش مو داكوتا

جان يحضنه داكتو حيل ومكمش بي وينبح بصوت وبهاء يضحك

نوب نزلة وكال .. يلة امشوا

كمنه نمشي بس انا صارت بيه، خوفة كلساع اباوعله لمن سحبني عليه وكمش ايدي وانا شديت ايدي ع ايدة حيل وهو يمشي ومبتسم

رجعنه للشقه ومر بعد يومين وصار النه اربعه ايام بلبنان فرنه بهاء لبنان كلها ماخلة مكان ماخذنه اله

لمن بيوم جانت الساعه بـ ٩ بليل، كاعدة الم بملابسي باجر راح نرجع للعراق ضلينه اسبوع هناية من احلى الايام كانت كُلش استمتعت هاي الفترة، وغيرت جو

جنت جاي اصفط بملابسي وجان يندك الباب
سحبت الروب لبسته فوك ملابسي شديته وفتحت الباب صار بهاء بوجهي كال .. اريد جوازج نسيته يمج ذاك اليوم

هزيت راسي والتفت ادور عليه، وين خليته اخر مرة نسيت سحبت الجنطة الي اجيت بيها من العراق لكيته التفت اريد انطيهيا وجان يصير بوجهي ارتبكت رجعت ليورة وحمحمت .. شسمة بهاء هذا االجواز

مد ايدة انطيتيها وجان يكمش، ايدي حيل وسحبني عليه دنك راسه ع ركبتي باسني ع كيف وانا غمضت عيوني حيل ،نسيت نفسي ويا وكلبي جان يدُك بسرعه وترددت ادفعه ليش مادري