لملميني و غني بـ اسمي و غازليني
وگولي يا مملوح احبك
حتى احس ينهاب طيني
علـي هـلال
بارت -35- من قصة "قـسَـر الـرواسَـن"
رجعنه للبيت وضل بهاء يحاجيني بخصوص العلاج والتزم بي حتى عسى ولعل اشفى ولو نسبة قليل
مرت يومين، انا خامله بالبيت اكل وانام احس بأكتئاب مو طبيعي حاول بهاء وياي انُ يطلعني بس رفضت
أخذنه فتره وطلعنه الاربيل هو يريد يشوف اهله
وكال مناك يشتري ملابس للجامعه، وصلنه الاهلة رحبوا بينه وعمته تبوس بينه فرحاانه بجيتني احنه ماكنالهم جاين بهاء سواها مفاجئة فـ تفاجئوا بينه ،جانن بس عمته ورشا بالبيت لان سجى بالجامعه وزهراء تخرجت فـ تشتغل بالمستشفى
كعدنه قدمت رشا الضيافه، وكعدت بصفي وتسألنه شخبارنه وعيونها ع بهاء تباوعله بفرحه
التفت بهاء العمته وكال .. البنات شخبارهن عمه خو مامحتاجين شي
ردت عمته .. لا الحمد لله ،يمة ليش ماكلتونه جاين جان البنات ماداومن ولله اخر فترة يسألن عنك هواي
رد .. تسأل عليهن العافيه ولله ردت اسويها الكم مفاجئة
ابتسمت عمته وكالت .. بس مو هيج تتأخر، وبعدين تسويها مفاجئة يعني اخر مرة اجيت قبل اربعه اشهر
ليش تتأخر هلكد
- انا ضليت صافنه بهاء جاي الهم قبل اربعه اشهر لعد ليش مادري
ضل بهاء يحجي وياهم، نوب كاموا يحجون بموضوعي باركولي ورة شوية دخلوا حسنين وسجى
دخل حسنين بالبداية سلم، وسجى من سمعت صوت بهاء طبت تركض نازعه حذاء تك وطابه بالتك الثاني
ضلوا يضحكون عليها وبهاء سحبها بوسها بس متنه من الضحك عليها
بعدها بهاء عنه ضل يباوعلها عكد حواجبة
وكال .. سجى متغيرة ؟
شنو هاي الهالات جوة عيونج !
ليش وجهج اصفر !
دنكت راسها وعمته كالت .. صارلها، شهر ولله بس توكع اخذتها الدكتور طلع عدها نقص حديد حقنالها صارلنه يومين بس ماتاكل شالعةة كلبي بهاء
- ليش هيج سجى شجاج، بوية صايرة نسخه رواسن
اخر همها صحتها وانتِ صايرة مثلها
تحبن الرزايل وتردن واحد يركض، وراجن ويحط بحلكجن
ردت .. لا بهاء ولله داكل بس عمتي، تريدني اربعه وعشرين ساعه حاطه راسي بالثلاجه
ردت عمتها .. ولجج سجيوة اجيبلج كبددد تسويلي ويععع بنات تالي الوكت كنتاكي مقرمش ولفه صاج
كمزت سجى .. بهاااء، تريد اكل الكبدد بددمه تحطه شوية ع نار وتجيبة
رد بهاء .. لعد شنو ،تردينه مكسب وين الفايد البي
كعد وهي كعدت بصفها .. شوفي الكبدة سوي الها وقت محدد يعني، بين يوم ويوم تتحدين نفسج تاكليها تذكري صحتج شعرج يطيح انتِ مو تحبين شعرج
أنت تقرأ
قسر الرواسن
General Fictionالحياة تبدأ بضعف، وتنتهي بضعف، وما بين الضعفين حِكايه.. عادةً اكثر شي يجذبنه بالشخص هيَ الشخصية فـ أحياناً تجمعنا الصدفه مع شخص تكون شخصيته غامضة ،ومع شخص تكون شخصيته مُتمرده .. بالنسبه للغموض قد يكون خلفهُ قصة وبالنسبه للتمرد بالتأكيد سيكون خلفه...
